Kongresi Botëror i Revistave quhet edhe si "Lojërat Olimpike në qarqet e revistave" dhe zhvillohet në çdo dy vjet.

Zv-drejtori i Drejtorisë së Përgjithshme të Shtypit të Kinës dhe sekretari i përgjithshëm i Kongresit të 36-të Botëror të Revistave Li Dongdong tha se me rritjen ekonomike dhe lulëzimin kulturor, edhe sektori i revistave i Kinës është zhvilluar shpejt. Zhvillimi i Kongresit Botëror të Revistave në Pekin do të forcojë bashkëpunimin midis punonjësve kinezë të revistave dhe qarqeve ndërkombëtare të revistave.

Sipas statistikave, në vitin 2006, në Kinë u botuan më se 9300 lloje revistash.

Do të zhvillohet Panairi i 3-të Ndërkombëtar i Sektorit Kulturor të Kinës 

Agjencia kineze e lajmeve Hsinhua njoftoi se nga 17 deri më 20 maj, do të zhvillohet në qytetin Shenzhen të Kinës jugore Panairi i 3-të Ndërkombëtar i Sektorit Kulturor të Kinës. Parashikohet se panairi do të tërheqë 5000 shikues të huaj dhe 20 mijë shikues kinezë. Tani punët përgatitore po zhvillohen normalisht.

Sipas njoftimeve, në këtë panair do të krijohen 9 salla të posaçme ekspozite. Sipërfaqja e përgjithshme e ekspozitës do të arrijë në 105 mijë metra katrorë.

Panairi i Sektorit Kulturor të Kinës zhvillohet një herë në vit dhe është i vetmi panair i përgjithshëm ndërkombëtar i sektorit kulturor në Kinë. (Fani)

Do të zhvillohet Festivali i Parë Ndërkombëtar i Poemave "Liqeni Qinghai" 

Korrespondentët e Radios së Jashtme të Kinës njoftuan se në gusht, do të zhvillohet në provincën Qinghai të Kinës veriperëndimore Festivali i Parë Ndërkombëtar i Poemave "Liqeni Qinghai".

Gjatë festivalit 4-ditor, më se 100 poetë të famshëm të ardhur nga Franca, Italia, SHBA-ja, Japonia etj. do të marrin pjesë në aktivitete të ndryshme. (Fani)

U krijua Drejtoria e Zhvillimit të Filmit e Hong-Kongut

Agjencia kineze e lajmeve Hsinhua njoftoi se ditët e fundit, u krijua Drejtoria e Zhvillimit të Filmit e Hong-Kongut. Kjo është një masë e rëndësishme e qeverisë së Rajonit të Posaçëm Administrativ të Hong-Kongut për nxitjen e zhvillimit të sektorit kinematografik.

Sektori kinematografik i Hong-Kongut ka qenë shumë i zhvilluar dhe çdo vit prodhoheshin më se 100 filma. Por vitet e fundit, ky sektor e ka humbur gjallërinë. Për të nxitur ringjalljen e sektorit kinematografik, qeveria e Rajonit të Posaçëm të Hong-Kongut vendosi të krijojë Drejtorinë e Zhvillimit të Filmit duke shtuar 300 milionë dollarë hongkongas fonde për të përkrahur zhvillimin e kinematografisë. (Fani)