dëgjoni

Ju flet Radio e Jashtme e Kinës! Të dashur dëgjues, jam Shyguan! Ju përshendes përsëri nga Pekini. Më 1 prill, u mbyll me sukses në Melburn të Australisë Kampionati i 12-të Botëror i Notit i FINA-s. Gjatë 16 ditëve të garës, ekipi kinez fitoi gjithsej 9 medalje ari, 5 medalje argjendi dhe 2 medalje bronzi, duke u radhitur në vendin e katërt të tabelës së medaljeve të arit. Kështu ky ekip tregoi potencialin e vet të madh, duke mbaruar me sukses detyrën e përgatitjes së sportistëve për Lojërat Olimpike të Vitit 2008. Në programin e sotëm, do të dëgjoni korrespondencën me titull "Ekipi kinez paraqiti potencialin e vet në Kampionatin Botëror të Notit të FINA-s në Melburn".

Kampionati Botëror i Notit është veprimtaria e notit e nivelit më të lartë dhe me përmasat më të mëdha në botë. Në këtë kampionat, që filloi më 17 mars në Melburn, morën pjesë gjithsej 2200 sportistë nga 171 vende dhe rajone. Ky ishte kampionati me përmasat më të mëdha i 34 vjetëve të fundit. Në këtë kampionat, me epërsinë shumë të madhe në disiplinat e notit, ekipi amerikan fitoi 21 medalje ari dhe zuri vendin e parë në tabelën e medaljeve. Ndërsa falë paraqitjes së shkëlqyer në hedhjen nga trampolina, ekipi kinez u radhit në vendin e 4-t të tabelës së medaljeve me 9 medalje ari, 5 argjendi dhe 2 bronzi. Ekipi fitues i hedhjes nga trampolina i Kinës u quajt "ekipi ëndërr" në qarqet ndërkombëtare të notit. Me qëllimin e përgatitjes për Lojërat Olimpike të Pekinit në vitin 2008, ekipi kinez kishte çuar sportistët më të mirë në këtë kampionat, të cilët fituan 9 ndër 10 medaljet e arta të hedhjes nga trampolina.

Drejtues i ekipit kinez Zhou Jihong shprehu mendimin se sportistët e rinj kinezë janë stërvitur plotësisht në këtë kampionat.

"Ky kampionat ishte një rast shumë i mirë për të përgatitur sportistët. sepse ai ndryshon nga kupa botërore dhe garat e zakonshme. Sportistët e rinj kinezë mësuan shumë në të."

Ekipi kinez dërgoi 14 sportistë në këtë kampionat. 8 prej tyre merrnin pjesë për herë të parë në kampionat, 10 nuk kanë marrë pjesë asnjëherë në lojërat olimpike. Qëllimi i ekipit kinez ishte shumë i qartë, që të përgatiste dhe të kontrollonte sportistët e rinj për Lojërat Olimpike të Pekinit. Por rezultati është që 6 ndër 9 medaljet e arta u fituan nga sportistë të rinj. Mund të themi që të rinjtë u bënë forca kryesore e ekipit kinez në Melburn. Në kampionatet e vitit 2003 dhe 2005, ekipi kinez nuk arriti të fitojë për dy herë me radhë medalje të arta në hedhjen nga trampolina 10 metra për femra. Por në këtë kampionat, dy sportiste 14 vjeçare, Wang Xing dhe Chen Ruolin mundën konkurrueset e tjera dhe morën medaljen e artë dhe të argjendit, duke rikthyer titullin kampion në këtë disiplinë, të cilin sportistët kinezë nuk e kishin marrë prej një kohe të gjatë. Në këtë disiplinë, sportistja gjermane 24 vjeçare Steuer Christine fitoi medaljen e bronztë. Pas garës, ajo shprehu admirim të madh për të dy sportistet e reja kineze.

"kam mbresa shumë të madhe të thella nga paraqitja e tyre. Sepse kur isha në moshën e tyre, nuk mund ta kryeja veprimin e hedhjes me cilësi aq të lartë."

Përveç të rinjve, edhe sportistët e vjetër vazhduan paraqitjen e tyre të shkëlqyer. Në këtë kampionat, kampionia 26 vjeçare e lojërave olimpike, sportistja kineze Guo Jingjing, mbrojti 2 titujt kampion në hedhjen nga trampolina 3 metra dhe në hedhjen nga trampolina 3 metra si çift për femra, duke u bërë sportistja e parë në historinë e kampionatit që fiton medalje ari në këto disiplina për 4 herë me radhë. Për arsye se Guo Jingjing ka vendosur ta lërë sportin pas Lojërave Olimpike të Vitit 2008, udhëtimi i saj në Melburn është paraqitja përfundimtare në Kampionatin Botëror të Notit të FINA-s. Për kampionatin, për karrierën e saj sportive, Guo Jingjing kishte vetëm kënaqësi, dhe jo keqardhje.

"Jam shumë e kënaqur. Garat ecën mbarë. Nuk pata asnjë keqardhje. Sepse kam marrë pjesë 5 herë në kampionatin botëror. Kush tjetër ka marrë pjesë në të 5 herë? Nuk pata asnjë keqardhje."

Në krahasim me suksesin e madh të ekipit kinez në hedhjen nga trampolina, notarët kinezë nuk arritën rezultat të mirë. Megjithëse sportistët kinezë morën pjesë në të gjitha disiplinat e notit, përsëri ata fituan vetëm një medalje argjendi dhe një medalje bronzi. kjo tregon se niveli i përgjithshëm i ekipit kinezë të notit po ulet. Për këtë situatë, trajneri i përgjithshëm i ekipit kinez të notit Zhang Yadong u shpreh se tani ky ekip ndodhet në periudhë përtëritjeje. Rezultati i tij nuk ishte i mirë, por notarët e rinj morën përvojë të çmuar nëpërmjet konkurrimit me notarët më të mirë të botës.

"Rezultati i mirë është forca nxitëse për marshimin tonë të pandërprerë. Kur pamë dobësi, dëshira për ndryshimin e këtyre dobësive është edhe forca nxitëse për medalje ari në të ardhmen." (Shyguan)