Të dashur dëgjues, sapo ndoqët këngën e kombësisë naxi me titull "Re të bardha e të bukura", e cila është një nga këngët tradicionale klasike të kombësisë naxi. Dikur, banorët naxi këndonin këngën "Re të bardha dhe të bukura" për të nderuar kujtimin e të afërmve të vdekur dhe uronin që shpirtrat e të vdekurve të ktheheshin në veri ku kishin jetuar paraardhësit. Në këngë thuhet: "Retë e bardha janë shumë të bukura, lejlekët e bardhë fluturojnë pas reve, shqiponjat e vogla pas lejlekëve fluturojnë drejt veriut pa u kthyer."

Banorët e kombësisë naxi jetojnë kryesisht në distriktin autonom Lijiang-Naxi të provincës Yunnan dhe numri i tyre është gati 300 mijë. Banorët naxi janë të aftë të këndojnë dhe të vallëzojnë, muzika e tyre popullore është shumë e pasur dhe e larmishme, por më karakteristike janë këngët popullore. Në këto këngë përfshihen këngë tregimi, këngë pune, këngë zakoni, këngë malësore etj. Këngët e tregimit janë këngët e lashta popullore, të quajtura nga banorët naxi "kuqi". Teksti i këtyre këngëve është shumë i gjatë dhe përbën një tregim të plotë, nga një herë të shkurtër, i krijuar në çast sipas pamjes përreth.

Kënga lirike e shkurtër "Kuqi" që ndoqët shpreh dashurinë e banorëve naxi për jetën dhe vendlindjen e tyre. Më poshtë do të shijojmë së bashku këngën tjetër popullore naxi me titull "Shishou". Kjo këngë dashurie është e lehtë dhe e butë, ajo ka melodi të ëmbël, dhe interpretohet në përgjithësi në formë pyetje-përgjigjeje. Teksti i saj është shumë i gjallë e figurativ.

Në këngë thuhet: "Mali i lartë me dëborë Yulong ka 13 maja, bredhat takohen me borën e bardhë, unë të ftoj ty në takim. Kur ushqen dashuri edhe përroi kthehet në det, kur ushqejnë dashuri edhe peshqit bëhen dragonj."

Kur kërkojnë të gjejnë njeriun e zemërës, të rinjtë e kombësisë naxi shkojnë së bashku në një vend, ku shprehin ndjenjat e tyre me këngë. Djemtë e vajzat këndojnë në të dy anët e një lumi ose të një shpati mali, për të gjetur djalin ose vajzën e zemrës. Kënga popullore naxi me titull "Shikojmë njëri-tjetrin nga të dy anët e lumit" përshkruan pikërisht një tablo të tillë. Në këngë thuhet. "Përtej lumit, vajzë, je si një lule e çelur në shkëmbinj që nuk arrij të të këput, mua më merr malli për ty çdo ditë. Dua të jem një bletë që të fluturoj matanë lumit, që të qëndroj për natë pranë teje." Tani le të dëgjojmë së bashku këngën popullore "Shikojmë njëri-tjetrin nga të dy anët e lumit".

"Toni i martesës së vajzës" është një këngë dasme që përshkruan zakonet e dasmës, si zgjedhja e ditës së dasmës, ceremonia e martesës së vajzës, keqardhja e vajzës kur po largohet nga nëna etj. Kënga që do të dëgjoni përshkruan mirënjohjen e vajzës për nënën. Në këngë thuhet: "Në malet e larta çelin lule të arta. Kur i merr lulet e saj, nëna është shumë e hidhëruar. Kur martohet, vajza duhet të kujtojë përgjithmonë dashurinë e nënës."

Ju flet Radio e Jashtme e Kinës! Të dashur dëgjues, ndoqët disa këngë popullore të kombësisë naxi. Mirudëgjofshim të shtunën tjetër. Në mikrofon për ju, Pina.