Para disa vjetëve me këngën "Vjeshta ime" këngëtari i Kinës kontinentale Xu Wei u bë i njohur nga adhuruesit. Kështu që Xu Wei quhet edhe "Poeti i udhëtimit", "Burri i shthurur me muzikën rok" ose "Këngëtari i kultivuar". Në fakt emri më i përshtatshëm për të është "Muzika". Xu Wei është marrë me prodhimin e muzikës për dhjetëra vjet. Kështu që ai është bërë një këngëtar i stilit rok i dalluar. Në programin e sotëm do t'ju paraqes Xu Wein dhe këngët e tij.

Në fund të vitit 1994, Xu Wei u largua nga vendlindja e tij Xi An dhe shkoi për në Pekin me këngët e prodhuara me vete për të ecur përpara në rrugën e muzikës. Në atë kohë ai shfaqi talentin e tij në muzikë, talent që tërhoqi vëmendjen e njerëzve të qarqeve muzikore. Në vitin 1997 Xu Wei nxori albumin e parë të stilit rok "Në një vend tjetër". Çdo këngë e këtij albumi tregon vetminë dhe dëshpërimin e tij. Vëllimi i shitjes së këtij albumi arriti në 500 mijë kopje, kështu që Xu Wei u bë më i njohur. Do të dëgjoni tani këngën kryesore të këtij albumi me titull "Vjeshta ime". Në këtë këngë thuhet "S'ka njeri që t'i kushtojë vëmendje vjeshtës së këtij qyteti. Ndriçon drita jashtë dritares por jam ftohtë. Në ato net pa ndihmë, unë eci pa qëllim. Lumturia është shumë larg."

Në shoqërinë moderne ka dëshira dhe hidhërime të tepërta dhe muzika e stilit rok është bërë mënyra më e mirë për të treguar ndjenjat e njerëzve. Xu Wei është një muzikant i dalluar që është pjesëtar i kësaj shoqërie. Ai pasqyron mjedisin e shoqërisë së tanishme me përvojë të veta dhe paraqet rritjen e brezit të tij me këngët romantike dhe lirike si një poet.

Në vitin 2000 Xu Wei nxori albumin e dytë me titull "Në atë vit". Studiuesit e muzikës janë të mendimit se ky është albumi më i mirë në historinë e muzikës së stilit rok në Kinë. Do të dëgjoni tani këngën me titull "Në atë vit". Në këtë këngë thuhet "Ke vrapuar për shumë vjet. Në sytë e tu nesër të gjitha gjërat kanë humbur. Ti rri më këmbë në këtë lagje të lulëzuar. S'mund ta gjej drejtimin tënd. Kam një ndjenjë të shqetësuar të paparë."

Në vitin 2002 dhe 2004 Xu Wei nxori përkatësisht dy albume me tituj "Koha dhe shëtitja e gjatë më këmbë" dhe "Çdo minutë është e re" që pasqyrojnë ndjenjat e tij të qetësuara me kalimin e kohës. Me ndryshimin e stilit të muzikës mund të ndijeni ndryshimin e mendimit të Xu Wei-t.

Po dëgjoni tani këngën me titull "Jeta perfekte" të albumit "Koha dhe shëtitja e gjatë më këmbë". Nga melodia e gjallë dhe i kënduari i butë mund t'ju përftohen ndjenja gëzimi.

Në këto albume Xu Wei filloi të përshkruajë jetën e gëzuar, ëndrrat në zemër dhe të lavdërojë dashurinë. Këngët në këto albume kanë emra të bukur, si "Jeta perfekte", "Shëtitja e gjatë më këmbë", "Udhëtimi" dhe "Çdo minutë është e re" etj.

Po dëgjoni tani këngën me titull "Ti ke qenë". Kjo është një këngë për të kujtuar kohën e rinisë. Në këtë këngë thuhet "Kam një ëndërr të bëj shëtitje për të parë lulëzimin e botës. Vajza që të ka prekur është humbur. Dashuria gjithmonë të mërzit. Kur jam i prekur, shkoj i vetëm për të parë detin dhe kujtoj gjithmonë miqtë që më kanë shoqëruar."

Në vitin 2006 Xu Wei nxori albumin me titull "Në rrugë", në të cilin ka shumë këngë klasike, duke përfshirë edhe "Koha e hapur" të kënduar nga Lao Lang, "Ylberi" të kënduar nga Ye Pei dhe "Ti" të kënduar nga Faye Wang. Në fund të programit të sotëm do të dëgjoni këngën me titull "Koha e hapur". (U Sen)