dëgjoni

Reforma monetare e fshatit është një fushë e rëndësishme e reformës monetare në Kinë. Vitet e fundit, sektorët monetarë të kontrollit dhe administrimit të Kinës kanë koordinuar në mënyrë të përshtatshme politikën e hyrjes në institucionet monetare të fshatrave dhe inkurajojnë kapitalet e ndryshme të hyjnë në institucionet monetare të fshatrave për të ndihmuar 800 milionë fshatarët të pasurohen sa më shpejtë. Njëkohësisht disa organizata monetare të tipit të ri që përshtaten me karakteristikat e fshatit janë vendosur përkatësisht në fshat.

Pas viteve 90 të shekullit të kaluar, duke u nisur nga shqetësimi për rrezikun e kredive, bankat e ndryshme dhe të mëdha tregtare të Kinës dolën gradualisht nga zonat e fshatrave. Kjo shkaktoi boshllëkun e shërbimit të kredive të fshatit. Përveç kredisë private, fshatarët nuk kanë gjetuar fare kredinë e institucionit monetar zyrtar për të zgjeruar përmasat e prodhimit. Por tani kjo gjendje po ndryshon.

Në mars të këtij viti, në provincën Siçuan dhe në provincën Jilin u krijuan 3 institucione monetare të tipit të ri, banka të fshatit. Sipas rregullave përkatëse, si banka të posaçme për shërbimin e fshatit, shërbimet që japin këto banka, do të plotësojnë në radhë të parë kërkesën e zhvillimit ekonomik të fshatit. Drejtori i përgjithshëm i Shoqërisë aksionare me përgjegjësi të kufizuar pranë Bankës së Fshatit "Dongfeng", z. Ding Xiaobuo i tha gazetarit se banka e fshatit do t'u shërbejë kryesisht fshatarëve vendas.

"Banka e Fshatit 'Dongfeng' është krijuar për fshatarët. Objektet e kredive tona do t'u japin plotësisht fshatarëve kreditë e mbjelljes dhe rritjes dhe kanë për qëllim të ndihmojnë fshatarët të pasurohen sa më parë dhe t'i shërbejnë ndërtimit të fshatrave të reja socialiste."

Sipas njoftimeve, banka e fshatit ka disa karakteristika, si lehtësia e shqyrtimit të kredisë, ulja e interesit të kredisë etj. Përveç këtyre, banka e fshatit mund të japë shërbime më të mira për zhvillimin ekonomik të bujqësisë dhe të fshatrave.

Ashtu si banka e fshatit, edhe shoqëritë e kredive me sasi të vogla po krijohen në krahinat e ndryshme të Kinës, të cilat do t'u shërbejnë kryesisht banorëve dhe ndërmarrjeve të fshatit.

Gjatë intervistës në distriktin Pingyao të provincës Shansi të Kinës Veriore, gazetari mësoi se tani shumë fshatarë kanë zgjedhur kredinë e shoqërive të kredive me sasi të vogla. Në këtë distrikt kanë dy shoqëri të njohura të kredive me sasi të vogla. Gazetari pa nga afër se shumë fshatarë kanë ardhur këtu për të marrë kredi. Fshatari Wang Zhongqing i tha gazetarit se ai ka marrë kredinë e shoqërisë së kredive me sasi të vogla prej 50 mijë juanësh, duke zgjidhur problemin e fondeve për fermën e pulave. Ai tha se kredia e shoqërisë së kredive me sasi të vogla është shumë e lirë për fshatarët.

"Shoqëria e kredive me sasi të vogla ka besim të mirë dhe ka dhënë shërbime shumë të mira për fshatarët".

Para krijimit të bankës së fshatit dhe shoqërisë së kredive me sasi të vogla, shumë njerëz u shqetësuan për rrezikun e kredisë ndaj fshatit. Ata ishin të mendimit se koncepti i besimit te fshatarët nuk është i fortë, mund të dalin rreziqe relativisht të mëdha për kthimin e kredive të institucioneve monetare. Por nga gjendja e qarkullimit të shoqërive të kredive me sasi të vogla të provincës Shansi del se deri tani nuk ka dalë gjendja e vështirë e kthimit të kredive. Duke folur për këtë, drejtori i përgjithshëm i Shoqërisë së kredive me sasi të vogla "RiShenglong", z. Guo Tongliang tha: "Deri tani, kthimi i kredive gjatë afatit të përcaktuar është 100% dhe dhënia e interesit të kredive po ashtu është 100%."

Specialistët janë të mendimit se banka e fshatit dhe shoqëria e kredive me sasi të vogla që sapo u krijuan, do të luajnë një rol nxitës për sistemin monetar të fshatit.

Banka e Depozitimeve Postare të Kinës që u krijua pak kohë më parë, do të ngrejë nivelin e shërbimeve monetare ndaj fshatarëve. Banka e Depozitimeve Postare është krijuar në bazë të internetit të sistemit postar të Kinës. Tani ajo ka 36 mijë pika të shërbimeve në mbarë vendin tonë, ndër to 70% prej tyre janë vendosur në fshat. Drejtori i përgjithshëm i kësaj banke, z. Liu Andong tha se kjo bankë do të krijojë sektorët e posaçëm të shërbimit monetar në fshat për t'u dhënë fshatarëve shërbimet më të mira monetare.

"Banka e Depozitimeve Postare e Kinës do të punojë më tej për forcimin e lidhjeve midis qyteteve dhe fshatrave për të mbuluar rrjetin e shërbimeve monetare të mbarë vendit."

Drejtori i përgjithshëm i Shoqërisë së kredive me sasi të vogla "Rishenglong", z. Liu Weihui tha se kreditë e kësaj shoqërie nuk mund të plotësojnë kërkesën e zhvillimit të biznesit dhe shprehu shpresën se vendi ynë do të koordinojë politika përkatëse për të zgjeruar burimet e fondeve të shoqërive të kredive me sasi të vogla.

"Megjithëse kapitalet tona të registruara janë të shumta, prap ato nuk mund të plotësojnë kërkesën e tregut." (Sihai)