Për të përkujtuar kontributin e Martin Luter Kingut për të drejat e njeriut, në vitin 2000, SHBA-ja filloi të zgjedhë në 52 vendet e mbarë botës një skulptor për të krijuar statujën e tij. Vitin e kaluar, skulptori kinez Lei Yixin u zgjodh nga më se 2000 skulptorët e mbarë botës. Lei Yixin krijoi statujën e të ndjerit kryetar shteti të Kinës Mao Cedong.

Sipas planit, kjo statujë me 10 metra të gjatë dhe me peshën mbi 100 tonë do të përurohet në fillim të vitit 2008.

U hap Muzeu i Farmacisë Tongrentang

Agjencia kineze e lajmeve Zhongxin njoftoi se më 9 prill, u hap në Pekin Muzeu i Farmacisë Tongrentang për të shfaqur historinë mbi 300-vjeçare të kësaj farmacie të famshme të lashtë dhe të mjekësisë e të ilaçeve kineze.

Kultura e mjekësisë dhe e ilaçeve kineze ka një histori prej mbi 5000-vjeçare. Farmacia Tongrentang është farmacia simbol në sektorin e mjekësisë dhe të ilaçeve kineze. Njëkohësisht si trashëgimia kulturore jomateriale e shtetit, kultura e mjekësisë dhe e ilaçeve Tongrentang ka ndikim të madh në mbarë botën.

Universiteti Qinghua zhvillon për herë të parë javën ndërkombëtare për një universitet të huaj

Agjencia kineze e lajmeve Hsinhua njoftoi se më 10 prill, u hap në Universitetin Qinghua të Kinës "Java Universiteti Qinghua ? Universiteti Leuven". Kjo është hera e parë që Universiteti Qinghua zhvillon javën ndërkombëtare për një universitet të huaj.

Universiteti Leuven i Belgjikës u krijua në vitin 1425 dhe është një nga universitetet më të famshme në Evropë.

Gjatë "Javës Universiteti Qinghua ? Universiteti Leuven", të dyja palët do të zhvillojnë shkëmbimet akademike për shkencën biologjike, shkencën e nanometrës, shkencën e ndërtimit etj. Universiteti Qinghua shprehu shpresën se veprimtaria e javës ndërkombëtare do të forcojë shkëmbimet me universitete të famshme botërore.

Piktura e Xu Beihongut shënoi rekordin e ri të ankandit të pikturave kineze

Korrespondenti i Radios së Jashtme të Kinës njoftoi se më 7 prill, në ankandin e organizuar nga shoqëria Sothebi në Hong-Kong, piktura me bojë vaji e piktorit të famshëm kinez Xu Beihong "Lëshon përdhe shufër" u shit me 72 milionë dollarë të Hong-Kongut duke shënuar rekordin e ri botëror të ankandit të pikturave me bojë vaji të Kinës.

Piktura "Lëshon përdhe shufër" përshkruan luftën e popullit kinez kundër agresorëve japonezë gjatë Luftës së Dytë Botërore. (Fani)