Në vitin 1988, 24-vjeçari Chen Daming u diplomua nga fakulteti i interpretimit i Universitetit të Filmit të Pekinit dhe u bë pedagogu i këtij universiteti. Në fillim të viteve '90 të shekullit të kaluar, Chen Daming hoqi dorë nga puna dhe shkoi në hollivud të SHBA-së për të kërkuar raste të interpretimit. Sapo arriti në SHBA, Chen Daming filloi të studionte teorinë e interpretimit duke kërkuar raste të interpretimit, por nuk pati asnjë rezultat. Pasi dështoi shumë herë, Chen Daming fitoi më në fund një rast dhe interpretoi një rol shumë të vogël në një film. Megjithatë kjo eksperiencë forcoi shumë besimin e Chen Damingut. Chen Daming tha:

"Hollivudi është një vend plot me konkurrencë të ashpër. Atje ka shumë aktorë të shquar, për të fituar raste të interpretimit, ju duhet të bëni më mirë nga të gjithë."

Chen Daming jetoi e interpretoi për 8 vjet në Hollivud. Gjatë kësaj periudhe, ai bëri përpjekje të palodhshme duke fituar gradualisht pohimin e qarqeve kinematografike të SHBA-së. Në filmin e Hollivudit "Chengjisihan", Chen Daming interpretoi me sukses këtë hero të kombësisë mongole në shekullin e 12-të që bashkoi tërë kombësinë. Ky film fitoi përshëndetjen e shikuesve amerikanë.

Pas sukseseve fillestare në fushën e interpretimit në Hollivud, Chen Daming vendosi të ndryshojë jetën e aktorit, sepse ai zbuloi se në Hollivud, aktorët aziatikë kanë shumë vështirësi të fitojnë disa raste. Njëkohësisht ai dëshiroi shumë të bëhet regjisor për të shfaqur mendimet e veta nëpërmjet filmit. Chen Daming tha:

"Atë kohë, ndër aktorët kinezë në Hollivud, isha një aktor i sukseshëm. Por ideali im është që të bëhem regjisor. Kështu mund të shfaq pikëpamjet e mia për jetën e për botën nëpërmjet filmit."

Në vitin 1998, Chen Daming u kthye në Kinë për të interpretuar rol në një film të xhiruar me bashkëpunimin e Kinës dhe të SHBA-së. Gjatë xhirimit, Chen Daming pa ndryshime të mëdha në Kinë dhe vendosi të kthehet në atdhe për të realizuar idealin e regjisorit. Ai krijoi skenarin dhe drejtoi filmin "Gruaja e bukur". Ky film përshkron historinë e një të burgosuri që priti të dalë nga burgu për t'u martuar me nusen. Por pas largimit nga burgu, ai zbuloi se nusja ka ndryshuar shumë. Ky film mori pjesë shumë herë në festivalin ndërkombëtar të filmit duke fituar pohimin e specialistëve. Gjatë xhirimit të filmit, Chen Daming ndieu gëzimin e madh të shfaqjes së tij si skenarist dhe regjisor:

"Më pëlqen shumë puna e skenaristit dhe e regjisorit, mund të zbuloj shumë gjëra intesante në të."

Në vitin 2006, Chen Daming drejtoi filmin humoristik "Paqetësia". Tregimi i filmit ndodhi në vendlindjen e tij Kaifeng, një qytet i lashtë në Kinën qendrore. 3 aktorë të papunë të operës Yu bënë përpjekje të mëdha për të gjetur punë. Pas shfaqjes, ky film plot me humor dhe me investime të pakta fitoi përshëndetjen e gjerë të shikuesve dhe u zgjodh nga specialistë e media një nga filmat më të shquar kinezë në vitin e kaluar. Ky film ka marrë pjesë në shumë festivale ndërkombëtare të filmit dhe u eksportua në Izrael etj. Chen Daming tha se filmi "Paqetësia" pasqyroi mendimet e tij për jetën:

"Më pëlqen filmi humoristik, sepse në jetën time kudo ka humor. Humori mund t'i ndihmojë njerëzit të zgjidhin vështirësi. Filmi 'Paqetësia' është një provë në këtë fushë."

Chen Daming u shpreh se ai ka mësuar shumë nga filmi. Filmi është ideali i përhershëm i tij. Ai do të vazhdojë të xhirojë film për të shfaqur jetën e bukur. (Fani)