dëgjoni

Ditët e fundit, u zhvillua në Pekin biseda e vullnetarëve me kohë të plotë të Lojërave Olimpike të Pekinit e organizuar bashkërisht nga Zyra e koordinimit të punës së vullnetarëve të Lojërave Olimpike të Pekinit dhe Komiteti Organizator i Lojërave Olimpike të Pekinit për të dëgjuar mendimet e propozimet e vullnetarëve për Lojërat Olimpike të Pekinit.

Sipas njoftimeve, ditët e fundit, Zyra e koordinimit të punës së vullnetarëve të Lojërave Olimpike të Pekinit zgjodhi nga shkollat e larta shumë vullnetarë me kohë të plotë. Ata do të merren kryesisht me punën e administrimit të vullnetarëve të Lojërave Olimpike të Pekinit.

Sportistë të rinj të Hong-Kongut vizituan Pekinin

Nga 5 deri më 9 prill, 90 sportistë të rinj të shquar të Hong-Kongut vizituan Pekinin për shkëmbime me qarqet sportive të pjesës së brendshme.

Gjatë vizitës, sportistët e Hong-Kongut vizituan stadiume të Lojërave Olimpike të Pekinit, Universitetin e Sportit të Pekinit etj. dhe zhvilluan bisedë me sportistë të ekipeve kombëtare të Kinës.

Do të fillojnë ndeshjet e kampionatit të bejzbollit të Kinës për sezonin e vitit 2007

Më 5 prill, u zhvillua në Pekin ceremonia e fillimit të ndeshjeve të kampionatit të bejzbollit të Kinës për sezonin e vitit 2007. Ndeshjet do të zhvillohen nga 13 prilli deri më 1 korrik në 6 qytete të Kinës. Gjatë këtij sezoni do të zhvillohen 78 ndeshje ku do të marrin pjesë 6 ekipe.

Për të ngritur nivelin e kampionatit të bejzbollit të Kinës, këtë vit, 6 ekipe të bejzbollit të Kinës kanë krijuar marrëdhënie bashkëpunimi me 5 ekipe të kampionatit të bejzbollit të Japonisë me nivel të lartë botëror.

Ekipi kinez i futbollit bën përgatitje për Kampionatin Aziatik

Ditët e fundit, u përcaktua programi i ndeshjeve përgatitore të ekipit kombëtar të futbollit të Kinës para fillimit të Kampionatit Aziatik të Futbollit. Më 16 maj dhe më 2 qershor, ekipi kinez do të ndeshet përkatësisht me ekipin e Tajlandës dhe ekipin e SHBA-së.

Krahas këtyre, me rastin e 10-vjetorit të kthimit të Hong-Kongut në atdhe, më 1 korrik, ekipi kinez do të shkojë në Hong-Kong për të marrë pjesë në ndeshjet e "Kupës së kthimit". Pastaj ekipi kinez do të shkojë në Malajzi për të bërë përgatitjet përfundimtare për kampionatin aziatik të futbollit. Ndeshja e parë e ekipit kinez në këtë kampionat është me ekipin e Malajzisë më 10 korrik.

Italia miratoi "Ligjin kundër huliganëve të futbollit"

Ditët e fundit, Senati i Italisë miratoi "Ligjin kundër huliganëve të futbollit" me 244 vota pro, 1 kundër dhe 20 abstenime.

Pas ndeshjes më 2 shkurt të Serisë A të Italisë midis ekipit të Katanias dhe Palermos, tifozët e dy ekipeve zhvilluan përleshjë të dhunshme duke shkaktuar vrasjen e policit Filipo Raciti.

Sipas "Ligjit kundër huliganëve të futbollit", nuk lejohet shitja e biletave grupit të tifozëve të futbollit të ekipit udhëtues.

Brazili po ndërton muzeun e futbollit

Tani vendi mbret i futbollit ? Brazili po ndërton një muze futbolli në periferi të Sao Paulos. Sipërfaqja e muzeut do të arrijë në 56 mijë metra katrorë. Parashikohet se ky muze do të hapet në vitin e ardhshëm.

Investimet e përgjithshme të ndërtimit janë 12.5 milionë dollarë. Pas përurimit, në këtë muze do të paraqitet historia e futbollit brazilian, futbollistë të famshëm etj. (Fani)