Në fillim të këtij viti, këngëtarja tajvaneze Liu Ruoying luajti një rol në filmin "Gëzuar ditëlindjen". Me paraqitjen e butë e të kënduarin e shkathët, Liu Ruoying është bërë një këngëtare e famshme në qarqet muzikore. Në programin e sotëm do t'ju paraqes këngët e saj.

Po dëgjoni tani këngën me titull "Të dua shumë", e cila është kënga kryesore e albumit të saj të nxjerrë në vitin 1998. Në këtë këngë Liu Ruoying paraqet mospendimin e saj për dashurinë. Në këtë këngë thuhet "Ajo shkon tek ju. Sa e bukur ajo pikturë! Qaj sepse të dua. Është e vështirë që dy njerëz të takohen në botë. Të dua dhe dëshiroj të fluturoj në vendin e lumtur. Të dua shumë. Vetëm nëse ke të dashur do të jem e lumtur."

Liu Ruoying ka lindur në Tajvan. Ajo e pëlqente muzikën dhe shkoi në Amerikë për të ndjekur për muzikë. Kur u kthye në Tajvan Liu Ruoying filloi punë në kompaninë e disqeve "Rok" dhe mësoi prodhimin dhe të kënduarin e muzikës nga këngëtari Chen Sheng.

Gjatë kësaj periudhe, Liu Ruoying u zgjodh nga regjisorja Sylvia Chang për të luajtur një rol në filmin "Vajza Xiao Yu", e cila është një vajzë e thjeshtë. Me këtë film Liu Ruoying fitoi çmimin e "Aktores më të mirë" në festivalin e filmit të Azisë e Paqësorit. Pastaj ajo luajti shumë role në disa telenovela dhe filma. Por Liu Ruoying nuk ka hequr dorë nga muzika. Ajo ka nxjerrë disa albume si "Stina e shiut", "Të dua shumë", "Dështimi dhe madhështimi im", "Kam dëgjuar se" etj.

Po dëgjoni tani këngën me titull "I vetmuari nga djepi deri në varr". Ajo thotë shpesh herë që është e zënë gjithmonë me punë. Dëshiron të ndalojë për pushim dhe për të gjetur dashurinë e thjeshtë. Ndoshta kjo këngë është një pasqyrim i vërtetë i ndjenjave stë Liu Ruoyingut. Në këtë këngë thuhet "Sa më blu është qielli aq më shumë trembem të ngre kokën. Sa më shumë kohë kam, aq më shqetësohem. Sepse jam gjithmonë e vetmuar."

Liu Ruoying nuk është një vajzë e bukur. Ajo quhet "Çaj me qumësht" për shkak të karakteristikave të saj. Do të dëgjoni këngën me titull "Largohemi për udhëtim" të kënduar nga Liu Ruoying dhe këngëtari tajvanez Huang Lixing.

Kjo këngë përshkruan mosmarrëveshjet e të dashuruarve për destinacionin e udhëtimit, kështu që kanë vendosur të ndahen për udhëtim dhe për të shkuar në vendet që duan. Kjo këngë përshkruan mendimet e të rinjve për dashurinë. Gjatë jetës së ëmbël ata respektojnë hapësirat përkatëse të lirisë dhe të pavarësisë.

Në këtë këngë thotë "Unë zgjodha Los Anxhelosin. Ti do të fluturosh për në Paris. Respektojmë vendimet përkatëse dhe ruajmë dashurinë paqësore. Dashuria është një ushtrim studimi. Pushojmë pak. Duhet hapësirë për të vazhduar dashurinë."

Shpesh herë Liu Ruoying thua që nuk është një këngëtare e mirë. Në fakt çdo këngë e saj na prek shumë. Do të dëgjoni tani këngën me titull "Kam dëgjuar se" të albumit të saj të vitit 2004.

Njerëzit janë të mendimit se pasi ndahen, kjo simbolizon përfundimin e dashurisë. Në të vërtetë harrojnë shumë hollësi, shumë dyshime ende kontrollojnë mendimet e tyre. Kjo këngë përshkruan se si të dashuruarit e ndarë kanë dëgjuar se tjetri ose tjetra ka gjetur dashurinë e vërtetë dhe ata kanë një ndjenjë dëshpërimi. Në këtë këngë thuhet "Kam dëgjuar se ke të dashur të re. Kam dëgjuar se nuk je më i vetmuar."

Në fund të programit të sotëm do të dëgjoni këngën me titull "E di apo nuk e di?" të riprodhuar nga kënga kombëtare me karakteristika të veriperëndimit të Kinës.

Në këtë këngë thuhet "Retë kanë parashikuar që të mos shqetësojnë kohën tonë të ëmbël. Fryn erë. Ku ke shkuar? Kur të kujtoj, unë buzëqesh. E di apo nuk e di?" (U Sen)