dëgjoni

 Ditët e fundit, qeveria kineze miratoi objektin e studimit dhe prodhimit të aeroplanit të përmasave të mëdha. Para vitit 2020, Kina ka perspektivë të ketë aeroplanin e vet të përmasave të mëdha. Personalitetet përkatëse janë të mendimit se veprimi i Kinës ka për qëllim të plotësojë kërkesën në rritje nga dita në ditë të tregut vendës të aviacionit për aeroplanin e përmasave të mëdha dhe të nxitë zhvillimin e sektorëve përkatës të shkencës dhe teknologjisë së lartë.

Qysh nga vitet 80 të shekullit të kaluar, Kina ka studiuar dhe ka prodhuar në mënyrë të pavarur aeroplanin "Yunshi" të përmasave të mëdha, duke realizuar fluturimet e tij prej 170 orësh. Për shkak të mungesës së fondeve, të teknologjisë etj,. më në fund, ky objekt nuk mund të vazhdonte. Bashkëpunëtori i vjetër i Qendrës studimore pranë Ministrisë së Shkencës e Teknologjisë të Kinës, z. Jin Luzhong tha se gjatë studimit dhe prodhimit të mëparshëm të aeroplanit "Yunshi" u grumbullua shumë përvojë për studimin dhe prodhimin e ardhshëm të aeroplanit të përmasave të mëdha.

"Unë jam i mendimit se në të ardhmen, ne duhet të vazhdojmë studimin dhe prodhimin e aeroplanit të përmasave të mëdha mbi bazën e projektimit të aeroplanit "Yunshi", i cili ka përdorur standardet e vendeve të zhvilluara evropiane dhe të Amerikës Veriore. Në atë kohë, nisja e tij ishte shumë e lartë dhe projektimi i tij ishte i suksesshëm. Sot ne duhet të vazhdojmë të aplikojmë teknologjinë e suksesshme".

Zoti Jin Luzhong ka marrë pjesë për një kohë të gjatë në studimin e aeroplanit të përmasave të mëdha. Ky specialist veteran tha se tani Kina ka kushte materiale dhe teknologjike për studimin dhe prodhimin e aeroplanit të përmasave të mëdha dhe është furnizuese e pjesëve kyçe të aeroplanëve "Boeing" dhe "Airbus".

Sipas njoftimeve, Kina do të studiojë dhe prodhojë aeroplanin e përmasave të mëdha, domethënë aeroplani i përdorimit më të gjerë në aviacionin civil. Prodhimi i këtij aeroplani është një simbol i rëndësishëm i nivelit tekniko-shkencor dhe potencialit ekonomik të një vendi. Tani në botë, vetëm SHBA-ja, 4 vende evropiane dhe Rusia kanë aftësi të prodhojnë aeroplanët e përmasave të mëdha, ndërsa vetëm aeroplani amerikan "Boeing" dhe aeroplani evropian "Airbus" kanë hyrë në tregun ndërkombëtar.

Pas shumë vjetëve të ndërprerjes së studimit dhe prodhimit të aeroplanit "Yunshi", Kina filloi përsëri studimin dhe prodhimin e aeroplanit të përmasave të mëdha, duke u nisur nga kërkesa e madhe e tregut për këtë lloj aeroplan.

Një qëllim tjetër i Kinës për studimin dhe prodhimin e aeroplanit të përmasave të mëdha është nxitja e zhvillimit të sektorëve të tjerë përkatës të shkencës dhe teknologjisë së lartë. Duke folur për këtë gjendje, inxhinieri i Shoqërisë aksionare me përgjegjësi të kufizuar të industrisë kozmike të Kinës Gan Liwei tha: "Në qoftë se deri në vitin 2020, ne mund të kryejmë studimin dhe prodhimin e aeroplanit të përmasave të mëdha, mund të thuhet se potenciali kombëtar është forcuar në mënyrë të dukshme. Kjo gjë do të luajë një rol të madh nxitës për zhvillimin e sektorëve të tjerë të vendit tonë."

Ai shpjegoi se në qoftë se investohen në vit 10 mijë dollarë amerikanë në industrinë kozmike, pas 10 vjetëve do të ketë një fitim prej 500-800 mijë dollarësh amerikanë.

Siç mësohet, mbi bazën e studimit dhe prodhimit autonom të aeroplanit të përmasave të mëdha, Kina do të kuotojë në mbarë botën pjesë të këtij aeroplani. Baza e instalimit të përgjithshëm të këtij aeroplani do të vendoset në Shangai. (Sihai)