dëgjoni

Vitin e kaluar, vëllimi i tregtisë midis Kinës dhe Rusisë arriti në 33 miliardë e 400 milionë dollarë amerikanë, shifër kjo që u shtua 14.7% në krahasim me vitin 2005. Tregtia midis dy vendeve ka ruajtur për 8 vjet me radhë një rritje mbi 10%. Gjatë 2 muajve të parë të këtij viti, përmasa e shtimit të vëllimit të tregtisë dypalëshe arriti në 40%. Bashkëpunimi ekonomiko-tregtar midis Kinës dhe Rusisë ka pasur një prirje të mirë të zhvillimit të shpejtë. Duke shprehur kënaqësi për këtë prirje zhvillimi të bashkëpunimit ekonomiko-tregtar, liderët e të dy palëve i kanë kushtuar rëndësi të madhe edhe problemit të strukturës që ekziston në tregtinë dypalëshe. Duke folur për këtë, specialisti i Akademisë së Shkencave Shoqërore të Kinës Zhang Zhonghua është i mendimit se njëanëshmëa e strukturës tregtare dhe përqindja e ulët e produkteve elektro-mekanike janë problemet më kryesore që ekzistojnë në strukturën e tregtisë midis Kinës dhe Rusisë.

"Përqindja e eksportit të produkteve elektro-mekanike të Rusisë është ulur gradualisht. Për problemet ekzistuese në bashkëpunimin ekonomiko-tregtar midis Kinës dhe Rusisë, Kina dëshiron të përmirësojë struturën e tregtisë midis dy vendeve për të ngritur nivelin e bashkëpunimit ekonomiko-tregtar midis dy vendeve".

Sipas të dhënave statistikore, produktet elektro-mekanike kineze kanë zënë mbi 50% të vëllimit të importit të Kinës, ndërsa produktet elektro-mekanike ruse kanë zënë një përqindje shumë të ulët në të. Zv/ministri i Tregtisë i Kinës, z. Yu Guangzhou vuri në dukje se në vitin 2006, përqindja e produkteve elektro-mekanike ka zënë 20% të përqindjes totale të tregtisë dypalëshe, sidomos sasia e produkteve elektro-mekanike të importuara nga Rusia ishte shumë e vogël. Kjo tregon se në fushën e tregtisë së produkteve elektro-mekanike Kina ka vitalitet shumë të madh. Ai tha, gjithashtu, se përmirësimi i strukturës tregtare, sidomos shtimi i importit të produkteve elektro-mekanike nga Rusia, është mendim i përbashkët i liderëve të të dy vendeve. Pala kineze do të krijojë kushte të duhura për këtë.

"Për një farë kohë më parë, tregtia midis Kinës dhe Rusisë ka ruajtur një rritje të shpejtë. Gjatë zhvillimit të tregtisë midis dy palëve, ne vumë re se në fushën e tregtisë kanë dalë disa probleme. Duke i kushtuar rëndësi rregullimit të strukturës tregtare, ne duhet të nxitim tregtinë në fusha të tjera, në mënyrë që struktura tregtare të jetë më racionale".

Për të zgjidhur këtë problem, Kina dhe Rusia kanë marrë një sërë masash për përmirësimin e strukturës së tregtisë dypalëshe.

"Ekspozita kombëtare e Kinës" e organizuar në Moskë, është një masë e rëndësishme e qeverisë kineze për përmirësimin e strukturës së tregtisë dypalëshe dhe për nxitjen e tregtisë dypalëshe të produkteve elektro-mekanike. Si një nga aktivitetet kryesore të "Vitit të Kinës" në Rusi, ekspozita kombëtare e Kinës është një nga ekspozitat me përmasat më të mëdha e organizuar jashtë vendit. Gjatë ekspozitës, 100 ndërmarrje kineze shkuan në Rusi për të blerë dhe nënshkruan me ndërmarrjet ruse shumë marrëveshje dhe kontrata për importimin e produkteve elektro-mekanike nga Rusia me vlerë prej 500 milionë dollarësh amerikanë.

Presidenti rus Putin shprehu admirimin për një sërë aktivitetesh të "Vitit të Kinës" në Rusi, duke përfshirë "ekspozitën kombëtare të Kinës" dhe tha: "Qëllimi i organizimit të këtij aktiviteti është ngritja e mëtejshme e nivelit të bashkëpunimit midis dy vendeve. Nëpërmjet aktiviteteve ekonomiko-tregtare dhe kulturore, do të shfaqet figura e Rusisë dhe Kinës në aktivitetet shoqërore, do të shtohet njohja midis dy popujve për të garantuar vazhdimin e marrëdhënieve të mira midis dy vendeve."

Specialistët janë të mendimit se koordinimi i strukturës së tregtisë midis Kinës dhe Rusisë është një detyrë afatgjatë dhe e madhe, e cila nuk duhet të mbështetet vetëm te kontrolli i qeverive të të dy vendeve. Specialisti i Akademisë së Shkencave Shoqërore të Kinës Zhang Zhonghua është i mendimit se përveç inkurajimit nga qeveria kineze të ndërmarrjeve për të importuar produktet elektro-mekanike të Rusisë, edhe pala ruse duhet të ngrejë potencialin konkurrues të produkteve elektro-mekanike jetike.

"Tani ndodhemi në ekonominë e tregut. Qeveria vetëm drejton dhe inkurajon ndërmarrjet që të zhvillojnë bashkëpunim midis tyre, por ajo nuk mund të zhvillojë me detyrim këtë bashkëpunim. Problemi më rrënjësor është se Rusia duhet të ngrejë me të gjitha forcat nivelin e prodhimit të makinerive dhe potencialin konkurrues të vet".

Zhang Zhonghua vuri në dukje se tani niveli i bashkëpunimit të investimeve midis dy vendeve nuk është i lartë. Përmirësimi i strukturës së tregtisë dypalëshe duhet të forcojë bashkëpunimin e investimeve dhe atë tekniko-shkencor dypalësh. (Sihai)