Dëgjoni

Korrespondentët e Radios së Jashtme të Kinës njoftuan se sivjet është 100-vjetori i lindjes së dramës kineze. Qysh nga 6 prilli, Ministria e Kulturës e Kinës dhe disa organe të tjera do të fillojnë të organizojnë në mbarë vendin veprimtarinë përkujtimore me rastin e 100-vjetorit të lindjes së dramës kineze.

Siç mësohet gjatë veprimtarisë, në Pekin do të shfaqen 62 drama të njohura. Edhe në qytetin Shangai, Hangzhou etj. do të shfaqen drama klasike kineze. Krahas shfaqjes së dramave, do të zhvillohet edhe simpoziumi i dramës, do të botohen vepra dramaturgjike, do të nxirren në qarkullim pulla etj.

Në pranverën e vitit 1907, studentë kinezë në Japoni shfaqën dramën e shkrimtarit të famshëm francez Aleksandre Dumas "Traviata". Kjo shfaqje konsiderohet si lindja e dramës kineze.

Numri i qyteteve të famshme historike e kulturore kineze në rang kombëtar ka arritur në 107

Agjencia kineze e lajmeve Hsinhua njoftoi se në mars të këtij viti, Këshilli i Shtetit i Kinës përcaktoi 4 qytete kineze Taian, Haikou, Jinhua dhe Jixi si qytete të famshme historike e kulturore në rang kombëtar. Kështu numri i qyteteve të famshme historike e kulturore kineze në rang kombëtar ka arritur në 107.

Në vitin 1982, Këshilli i Shtetit i Kinës miratoi qytetet e para të famshme historike e kulturore në rang kombëtar. Ndër këto qytetet përfshihen kryeqytete të dinastive të ndryshme kineze, qytete të lashta të rëndësishme politike e ekonomike, qytete ku kanë ndodhur ngjarje të rëndësishme historike etj. Këto qytete janë një dritare për njohjen e historisë kineze.

U zhvillua "Kampi i 4-t i shkëmbimeve Universiteti i Pekinit ? Universiteti i Harvardit"

Korrespondentja e Radios së Jashtme të Kinës njoftoi se ditët e fundit, u zhvillua në Universitetin e Pekinit "Kampi i 4-t i shkëmbimeve Universiteti i Pekinit ? Universiteti i Harvardit". Gjatë veprimtarisë njëjavore, 19 studentë të Universitetit të Harvardit të SHBA-së bënë vizitë në Pekin për shkëmbime.

Kjo veprimtari filloi në vitin 2004 dhe ka për qëllim që të nxiten shkëmbimet e drejtpërdrejta midis studentëve të dy universiteteve dhe të shtohen njohja e miqësia dypalëshe.

Hong-Kongu do të organizojë aktivitete të ndryshme për të kremtuar 10-vjetorin e krijimit të Rajonit të Posaçëm Administrativ

Agjencia kineze e lajmeve Hsinhua njoftoi se ditët e fundit, qeveria e Rajonit të Posaçëm Administrativ të Hong-Kongut shpalli se do të organizojë aktivitete të ndryshme për të kremtuar 10-vjetorin e krijimit të Rajonit të Posaçëm Administrativ.

Siç mësohet aktivitetet kremtuese do të zhvillohen nga prilli deri në dhjetor duke përfshirë shfaqjen e fishekzjarrëve, ekspozitën e pikturave të lashta të koleksionuara nga Muzeu i Pallatit të Dimrit etj. (Fani)