Hu Ge është një aktor idhull në Kinën kontinentale. Ai u bë i njohur nga telenovela "Historia kineze e dashurisë", e cila u mirëprit në vitin 2005. Si aktorët e tjerë të mirëpritur, në vitin 2005, edhe Hu Ge u fut në qarqet muzikore dhe u regjistrua nga kompania EMI. Në vitin 2006, Hu Ge nxori albumin e parë me titull "Kujdesemi shumë për Hu Ge-në".

Po dëgjoni tani këngën kryesore të këtij albumi "I thuaj se e dua". I kënduari i tij shpërfaq një ndjenjë natyrore që është shumë prekëse. Në këtë këngë thuhet "I thuaj se e dua. Nuk guxoj ta them. Dëshiroj të kujdesem gjithmonë për të. Nuk kam kohë ta them. Vetëm unë kujdesem për të."  dëgjoni

Në fund të vitit të kaluar, këngëtari i Kinës kontinentale He Jiong nxori albumin e tretë me titull "Vetë". Në këtë album ai paraqitet me besim të plotë. Kënga "Dashuria, liria" tregon zgjedhjen për dashurinë, kënga "Në atë kohë" jep ankesën për rritjen dhe kënga "Kush kush kush" shfaq rrëmujën nga thashethemet në qarqet zbavitëse.

Po dëgjoni tani këngën me titull "Dashuria, liria". Dashuria dhe liria janë zgjedhje të ndryshme. Titulli i thjeshtë i kësaj kënge përshkruan ndryshimin e dashurisë së shumë të dashuruarve. Në këtë këngë thuhet "Më thuaj se nuk është e përshtatshme të jetojmë së bashku. Është ngrohtë para mëngjesit. Pasi ndahemi për një kohë të gjatë, i them vetes se dashuria jonë është e gëzueshme. Largohem të gëzoj lirinë time."   dëgjoni

Tani le të shijojmë këngën me titull "Ta bisedoj me hijen", e cila është prodhuar nga muzikantja tajvaneze e njohur Huang Yunling.

Në këtë këngë thuhet "Ta bisedoj me hijen. A do të kthehem në shtëpi? Është mirë të jetoj vetëm. Duhet të mësohem të jetoj pa ty". Kjo këngë është e mbushur me dëshpërim pas humbjes së dashurisë.  dëgjoni

Këngëtarja A Duo, me paraqitjen tërheqëse dhe me të kënduarin e shpenguar, është bërë e famshme në qarqet muzikore. Le të shijojmë këngët me tituj "Mr Honey" dhe "Kaq shumë dashuri".

Po dëgjoni tani këngën me titull "Mr Honey", e cila paraqet feminitetin dhe maturinë e femrave moderne. Në këtë këngë thuhet "Mr Honey, bie vazhdimisht zilja e celularit tënd. E ke mbyllur celularin. Me kë je? Nuk je e re, por je shumë koketë! Merr bagazhet e tua, dil përjashta zemrës sime."  dëgjoni

Kënga tjetër "Kaq shumë dashuri" është një këngë lirike. I kënduari i qetë i saj paraqet feminitetin e plotë.  dëgjoni

Ndoshta njerëzit janë të mendimit se kjo është një këngë e dashurie. Në fakt, kjo këngë përshkruan historinë e A Duos dhe miqve të saj në shkollën artistike. Në atë kohë secili prej tyre ishte i ri dhe i thjeshtë. Me kalimin e kohës, jeta, puna dhe dashuria lanë gjurmë në fytyrat e tyre. Disa vajza janë martuar dhe disa kanë lindur fëmijët. Disa janë të kënaqur dhe disa janë pa fat. Në këtë këngë thuhet "Pas ndarjes jemi të vetmuar. A jem ndryshuar nga jeta dhe dashuria?"

Ju flet Radio e Jashtme e Kinës. Të dashur dëgjues, programi i sotëm mbaroi. Mirudëgjofshim! (U Sen)