Dëgjoni

Vitet e fundit, përgjegjësitë shoqërore të ndërmarrjeve kanë tërhequr vëmendjen e madhe të qarqeve të ndryshme të Kinës. Në fillim të këtij viti, disa ndërmarrje të mëdha shtetërore dhe disa ndërmarrje private të Kinës publikuan përkatësisht raportet vjetore të tyre të përgjegjësive të ndërmarrjeve dhe premtuan të japin kontribut për krijimin e shoqërisë harmonike. Kështu përgjegjësitë shoqërore të ndërmarrjeve janë bërë një fokus i shoqërisë kineze.

Përgjegjësitë shoqërore të ndërmarrjeve duhet të përfshijnë përgjegjësitë shoqërore të punonjësve, shoqërisë dhe mjedisit, duke garantuar fitimet e ndërmarrjes dhe interesat e mbajtësve të aksioneve.

Me iniciativën e OKB-së, disa ndërmarrje të njohura ndërkombëtare i kushtojnë rëndësi vënies në jetë të përgjegjësive shoqërore të tyre. Për shembull: firmat "Intel", "Nike", "Wal-Mart" etj,. publikuan periodikisht raportet e përgjegjësive shoqërore të tyre dhe sukseset e tyre të arritura në vënien në jetë të përgjegjësive shoqërore. Sivjet, në listën e ndërmarrjeve ndërkombëtare që publikuan raportet e përgjegjësive shoqërore, u shtua një ndërmarrje kineze, e cila është Korporata kombëtare e naftës dhe gazit e Kinës.

Më 28 mars kjo korporatë publikoi për herë të parë "Raportin e përgjegjësive shoqërore të ndërmarrjes". Duke folur për qëllimin e publikimit të këtij raporti, zëdhënësi i shtypit i kësaj korporate, z. Li Run tha: "Si një korporatë shtetërore e naftës, karakteri dhe statusi vendosën që ne duhet të krijojmë jo vetëm pasuri për sigurimin e vlerës së kapitaleve shtetërore, por edhe duhet të realizojmë zhvillimin e vazhdueshëm të ndërmarrjes."

Në raportin e kësaj korporate thuhet se vitin e kaluar, Korporata kombëtare e naftës dhe gazit e Kinës investoi 17 miliardë e 500 milionë juanë në sistemimin e mjedisit dhe në objekte të tjera të parandalimit dhe të kontrollit të ndotjes ujore. Qysh nga viti 2000, kjo korporatë ka investuar gjithsej 2 miliardë e 500 milionë juanë në çështjet publike. Korporata kombëtare e naftës dhe gazit e Kinës premtoi se në të ardhmen, ajo do të publikojë çdo vit raportin e përgjegjësive shoqërore të ndërmarrjes.

Në të kaluarën, shumë ndërmarrje kineze e kanë vënë më shumë theksin te përfitimet dhe nuk i kanë kushtuar rëndësi vënies në jetë të përgjegjësive shoqërore. Specialisti i përgjegjësive shoqërore të ndërmarrjeve Wang Zihui është i mendimit se prej një periudhe të gjatë, mirëkuptimi i shumë ndërmarrjeve kineze për përgjegjësitë shoqërore ka qenë në rrugën e gabuar.

"Këto ndërmarrje janë të mendimit se përgjegjësitë shoqërore të ndërmarrjeve më thelbësore dhe më të rëndësishme janë fitimet, domethënë fitimet janë përgjegjësitë shoqërore të ndërmarrjeve. Njerëzit nuk duhet t'u kërkojnë ndërmarrjeve më shumë kërkesa morale".

Sipas të dhënave të hetimit, në një pjesë relativisht të madhe të ndërmarrjeve kineze ekzistojnë problemi i shkeljes së të drejtave të ligjshme të punonjësve dhe problemi i shpërdorimit të burimeve, problemi i prodhimit të produkteve false etj. Këto incidente kanë shkaktuar jo vetëm dëme të mëdha për masat popullore dhe konsumatorët, por edhe humbje të rënda ekonomike për ndërmarrjet.

Specialisti përkatës vuri në dukje se brenda një periudhe të shkurtër do të ketë mundësi të ngrihet kosto e ndërmarrjes gjatë vënies në jetë të përgjegjësive shoqërore.

Specialisti Wang Zihui tha se në fazën e tanishme, detyra kryesore e ndërmarrjeve kineze për vënien në jetë të përgjegjësive shoqërore duhet të vihet në dhënien konsumatorëve të produkteve të mira.

"Përgjegjësitë shoqërore të ndërmarrjes duhet të jenë një përgjegjësi që lidhen me interesat midis ndërmarrjeve. Ndërsa konsumatorët janë një urë lidhëse për zhvillimin e ndërmarrjeve".

Specialistët përkatës thanë se gjithnjë e më shumë ndërmarrje të dalluara kineze kanë marrë pjesë aktivisht në aktivitetet praktike të përgjegjësive shoqërore. (Sihai)