Dëgjoni

Ekonomia kineze ka ruajtur për shumë vjet me radhë rritjen relativisht të shpejtë. Sivjet kjo prirje po vazhdon përsëri. Gjatë 2 muajve të parë të këtij viti, prodhimi industrial i Kinës, tregtia e jashtme etj., kanë ruajtur një prirje të rritjes së madhe. Por në ekonominë kineze ekzistojnë shumë kontradikta dhe probleme. Për këtë, Kina do të vazhdojë të forcojë dhe të përmirësojë makrokontrollin.

Më 18 mars, Banka Qendrore e Kinës e ka ngritur përqindjen e interesave të depozitimeve dhe të kredive njëvjeçare në 0.27%. Banka Qendrore vuri në dukje se shtimi i përqindjes së interesave është në favor të drejtimit të rritjes racionale të kredive dhe investimeve monetare, të mbrojtjes së stabilizimit të nivelit të përgjithshëm të çmimit dhe të qarkullimit të qëndrueshëm të strukturës monetare.

Duke iu përgjigjur pyetjeve të gazetarëve, drejtori i Institutit të financave dhe monedhës pranë Universitetit të Popullit Kinez, z. Chen Yulu tha se shtimi i përqindjes së interesave nga Banka Qendrore ka për qëllim të kontrollojë inflacionin e vazhdueshëm të fondeve të kredive.

"Shtimi i kësaj here i përqindjes së interesave është një shënjë e Bankës Qendrore që në qoftë se kreditë nuk mund të kontrollohen në mënyrë efikase, shtimi përsëri i përqindjes së interesave do të jetë përsëri mundësi".

Në sesionin vjetor të Asamblesë Kombëtare Popullore të Kinës, kryeministri i Kinës Wen Jiabao vuri në dukje se tani ekzistojnë shumë kontradikta dhe probleme në zhvillimin ekonomik të Kinës, të cilat janë: përmasa e përgjithshme e investimeve në kapitale të paluajtshme është ende e madhe, problemi i tepërt i qarkullimit të fondeve bankare, duke shkaktuar rritjen tepër të shpejtë të investimeve.

Në raportin mbi veprimtarinë e qeverisë, Wen Jiabao tha se sivjet duhet të përdoren politikat e shumëllojshme monetare për të koordinuar në mënyrë racionale sasinë e përgjithshme të kredive monetare dhe për të zbutur në mënyrë efikase problemin e tepërt të qarkullimit të fondeve bankare.

Personalitetet përkatëse janë të mendimit se sivjet roli i koordinimit të tregut për investime në kapitale të paluajtshme do të forcohet gradualisht dhe rritja e investimeve në sektorë me prodhim të tepërt do të ulet. Sekretari i përgjithshëm i Shoqatës së Makroekonomisë Kineze, z. Wang tha:"Kur biznesmenët të shohin përfitime, me siguri do të shtojnë investimet. Por kur të gjithë ata të shohin përfitime për shtimin e investimeve, prodhimi do të jetë i tepërt. Sot ne mund të shohim se përfitimet e ndërmarrjeve me përqindje të lartë të investimeve janë ulur".

Gjatë disa vjetëve të fundit, në krahasim me investimet, mungesa e përshtatshme e konsumit është problem i rëndësishëm që ka penguar zhvillimin ekonomik të Kinës. Në raportin mbi veprimtarinë e qeverisë, Wen Jiabao vuri në dukje se duhet t'i përmbahemi zgjerimit të kërkesave të vendit, duhet të merren masat e shumëllojshme për të shtuar të ardhurat e banorëve të qyteteve dhe të fshatrave, sidomos të ardhurat e njerëzve me të ardhura të mesme dhe të ulëta. Sidomos duhet të forcohet qarkullimi i tregtisë në fshat dhe të përmirësohen kushtet e mjedisin e konsumit në fshat. Gazetari mori vesh se Ministria e Tregtisë e Kinës filloi të hapë tregun në mijëra fshatra, me qëllim që të zgjerohet konsumi në këto fshatra. Fshatarët mund të blejnë para portës së shtëpisë produkte të mira dhe të gëzojnë shërbime të mira.

Drejtori i Institutit të ekonomisë pranë Universitetit të Pekinit, z. Liu Wei është i mendimit se qeveria do të shtojë investimet në sigurimet shoqërore, në mënyrë që banorët me të ardhura të ulëta të gëzojnë mirëqënien e ardhur nga zhvillimi ekonomik.

"Të ardhurat e njerëzve me të ardhura të larta janë rritur më shpejt, të mirat e ardhura nga rritja e ekonomisë kombëtare janë grumbulluar më shumë në dorën e tyre. Megjithëse përmasa e konsumit të tyre është zgjeruar, por të ardhurat e tyre janë shtuar më shumë. Përqindja e konsumit të tyre në krahasim me të ardhurat e tyre është shumë e ulët. Kështu që të mirat e ardhura nga rritja ekonomike nuk mund të kthejnë në mënyrë sinkronike në konsumin e mjaftueshëm".

Suficiti i madh tregtar është një problem tjetër që ndodhet para ekonomisë kineze. Ai ka nxitur shtimin e mosmarrëveshjeve të tregtisë midis Kinës dhe partnerëve tregtarë. Drejtori i Bankës së Popullit Kinez Zhou Xiaochuan tha se Kina e konsideron koordinimin e strukturës ekonomike si mjetin më të rëndësishëm për koordinimin e mosbilancimin e të ardhurave dhe të shpenzimeve ndërkombëtare.

"Mjeti më efikas për koordinimin e mosbalancimin e të ardhurave dhe të shpenzimeve ndërkombëtare është zbatimi i politikës mbi koordinimin e strukturës ekonomike. Në radhë të parë duhet të zgjerohen kërkesat e vendit, ndër to zgjerimi i kërkesave të konsumit të vendit dhe zhvillimi i sektorëve shërbyes janë faktorë të rëndësishëm. Politika për koordinimin e strukturës ekonomike përfshin edhe zgjerimin e importit dhe përkrahjen e ndërmarrjeve në daljen e tyre jashtë vendit për krijimin e ndërmarrjeve të tyre." (Sihai)