Viti 2007 do të jetë "Viti i Kinës" në Rusi në kuadrin e "Viteve shtetërore" kino-ruse. Tani të gjitha punët përgatitore po shkojnë mbarë. Do të nisin në mënyrë të gjithanshme një sërë aktivitetesh të "Vitit të Kinës".

Sa e njohin "Vitin e Kinës" qarqet e ndryshme të Rusisë dhe ç'presin ata gjatë "Vitit të Kinës"? Ju ftojmë të dëgjoni tani shënimin me titull: "Qarqet e ndryshme të Rusisë presin 'Vitin e Kinës'".

Drejtori i Drejtorisë së Botimeve dhe të Mediave të Federatës Ruse Mihail Seslavensky mori pjesë pak kohë më parë në ceremoninë e nisjes së "Vitit të Kinës" në Rusi, të organizuar nga Qendra Kineze e Shtypit. Ai tha se gjatë këtij "Viti Kinez", dhjetëra mijë njerëz do të marrin pjesë drejtpërdrejt në aktivitetet e "Vitit të Kinës" dhe gjithnjë e më shumë njerëz do të mësojnë për këto aktivitete nëpërmjet njoftimit të mediave.

"Ne do t'i tregojmë publikut të të dy vendeve, të Rusisë dhe të Kinës, se gjëja më e rëndësishme është forcimi i njohjes së ndërsjellë midis popujve të të dy vendeve, forcimi i njohjes së ndërsjellë të historisë dhe traditës së njëri-tjetrit. E rëndësishme është që me anën e përpjekjeve tona, të vëmë në jetë strategjinë dhe besimin reciprok të nivelit të lartë të arritur nga qeveritë dhe udhëheqësit e të dy vendeve në fushën politike".

Drejtorja e Agjencisë Ruse të Lajmeve, znj. Svitlana Mironiuk, është e lidhur fort me Kinën. Gjatë "Vitit të Rusisë" në Kinë, ajo punoi në Kinë dhe i biri po studion gjuhën kineze.

"Unë mund të ndaj me të gjithë përvojën time gjatë punës në Pekin vitin e kaluar, gjatë 'Vitit të Rusisë' në Kinë. Djali im 6- vjeçar po mëson kinezishten në Pekin dhe po vazhdon studimet aty. Ai ka qejf dhe interesim të madh për të mësuar këtë gjuhë. Unë shpresoj që deri në fund të 'Vitit të Kinës' në Rusi, të kem mundësi të shpreh mendimet e mia në gjuhën kineze".

Drejtori i Filarmonisë së Rusisë, artisti kinez me nënshtetësi ruse dhe fituesi i "Medaljes së miqësisë", z. Zhen Guan, prej kohësh ka punuar për shkëmbimet kulturore kino-ruse. Vitin e kaluar, ai së bashku me anëtarët e Filarmonisë së Rusisë kanë ardhur disa herë për turne në Pekin , Shangai etj. Ai u shpreh se banorët rusë presin që gjatë "Vitit të Kinës" në Rusi, të shohin shfaqjet e artistëve kinezë në Rusi. "Sipas mendimit tim, ky është një aktivitet shumë i rëndësishëm. Për shkak se numri i grupeve ruse që kanë dhënë shfaqje në Kinë është i madh, shikuesit dhe qytetarët kinezë e njohën më mirë artin rus dhe mund të shohin shpesh shfaqjet e trupave të baletit dhe të trupave të tjera artistike, si të Ansamblit "Flamuri i Kuq" etj., kurse numri i trupave artistike kineze që kanë dhënë shfaqje në Rusi ka qenë i vogël. Prandaj, sivjet është një rast i mirë që më shumë rusë të kenë mundësi të shohin shfaqjet e trupave artistike kineze dhe të kontaktojnë me kulturën kineze. Kjo është një gjë shumë e rëndësishme."

Vladimir Feliurini, me profesion inxhinier, është anëtar i Shoqatës së Miqësisë Rusi-Kinë. Ai ka shpresa të mëdha te aktivitetet e "Vitit të Kinës" në Rusi..

"Ne shpresojmë që gjatë organizimit të 'Vitit të Kinës' në Rusi, të organizohen shumë aktivitete, si kulturore, ashtu edhe ekonomike etj. Unë jam i mendimit se organizimi i 'Vitit të Kinës' në Rusi dëshmoi edhe një herë përpara botës marrëdhëniet e miqësisë midis këtyre dy vendeve të mëdha, Rusisë dhe Kinës...."

Mësuesi i anglishtes i universitetit Omsk, Vadim Yeleshev është dëgjues i rregullt i Radios së Jashtme të Kinës. Vitin e kaluar ai fitoi çmimin e posaçëm të konkursit të njohurive të organizuar nga kjo radio dhe mori pjesë në aktivitetet e dhënies së çmimeve në Pekin. Ai i tha korrespondentit ...5... "Ashtu si të gjithë rusët, edhe unë shpresoj që organizimi i 'Vitit të Kinës' në Rusi do të konsolidojë më tej miqësinë midis popujve të të dy vendeve, Kinës dhe Rusisë". ( Zhai)