Në nënrubrikën e sotme " Shkëmbime kulturore " do t'ju njohim me sopranon e re kineze You Hongfei dhe disa këngë të huaja të interpretuar prej saj..

Kënga që po dëgjoni titullohet " Habaniela", e interpretuar nga sopranoja kineze You Hongfei. Kjo është një këngë e përpunuar bazuar mbi një fragment të operës së kompozitorit francez Zhorzh Bize " Karmen". You Hongfei me zë të saj të bukur dhe tingullues përshkroi karakterin e ngrohtë dhe një vajze rome që e don shumë lirinë.

You Hongfei lindi në provincën Heilongjiang të Kinës verilindore. Qysh në moshën e vogël, asaj i pëlqente shumë kënga. Në vitin l992, me talentin e saj muzikor ajo u pranua në fakultetin e operës së Konservatorit të Kinës. Pasi u diplomua në konservatori, ai u punësua në Teatrin qendror të Operës dhe u bë një artiste opere. Pas praktikës dhe përvojës shumëvjeçare, You Hongfei ka krijuar stilin e vet karakteristik artistik në të kënduar dhe këngët e saj janë shumë tingëlluese dhe befasuese. Në skenat e operës, ajo ka interpretuar po thuajse të gjitha pjesët klasike operistike.

Fragmenti që po dëgjoni është nga opera e Xhuzepe Verdit "Zonja me kamelie". Kjo është një fragment i interpretuar në koncertin solo të You Hongfeit. Në fund të vitit 2006, You Hongfei organizoi në Pekin koncertin solo " Le t'ju afrohem". Në këtë koncert ajo interpretoi shumë fragmente të njohura të operave evropiane dhe të operave kineze duke treguar talentin dhe nivelin e saj të lartë në interpretim. ...

Gjatë shumë vjetëve, You Hongfei ka luajtur role kryesore në shumë opera duke krijuar figura të ndryshme. Gjatë shfaqjeve, ajo interpretoi edhe disa fragmente klasike që interpretonin në të kaluarën tenorët. Në mbyellje të këtij emisioni, ju ftojmë të dëgjon fragmentin " Dielli im" interpretuar prej saj. ( Zhai)