Një nga organizatorët e kësaj veprimtarie u shpreh se 2 prilli është ditëlindja e shkrimtarit të famshëm danez Hans Kristian Andersen dhe është përcaktuar si Dita Ndërkombëtare e Leximit e Fëmijëve. Qysh nga ky vit, çdo vit afër 2 prillit, ata do të organizojnë aktivitete të ndryshme për nxitjen e leximit të fëmijëve.

Do të zhvillohet në prill Festivali i 7-të Artistik "Takim në Pekin"

Korrespondentët e Radios së Jashtme të Kinës njoftuan se më 28 prill do të hapet në Pekin Festivali i 7-të Artistik "Takim në Pekin". Festivali do të zgjasë për 1 muaj.

Sipas njoftimeve, gjatë festivalit të këtij viti, më se 40 trupa artistike të ardhura nga 20 vende e rajone do të japin shfaqje të shkëlqyeshme për shikuesit kinezë.

Festivali Artistik "Takim në Pekin" filloi në vitin 2000 dhe është festivali më i madh artistik në Pekin. Festivali zhvillohet çdo vit në prill ose në maj. Deri tani, më se 300 trupa artistike të huaja kanë marrë pjesë në këtë festival duke dhënë shfaqje.

Do të zhvillohet Festivali i parë Ndërkombëtar Artistik i Gaztorëve i Kinës 

Agjencia kineze e lajmeve Hsinhua njoftoi se në maj të këtij viti, do të zhvillohet në qytetin Liuzhou të Rajonit Autonom të Guangxi-Zhuanit të Kinës Festivali i parë Ndërkombëtar Artistik i Gaztorëve i Kinës. Gjatë festivalit, më se 50 gaztorë të ardhur nga 10 vende si SHBA-ja, Anglia, Franca etj. do t'u shfaqin shikuesve artin humoristik të gaztorit.

Arti i gaztorit ka një histori mbi 2000 vjeçare në Perëndim. Zhvillimi i festivalit artistik të gaztorëve në Kinë është një përvojë e rëndësishme në zhvillimin e sektorit të kulturës kineze dhe do të nxitë shkëmbimet midis kulturës kineze dhe kulturës botërore.

Do të zhvillohet në Sinjiang Festivali Ndërkombëtar i Kulturës së Kostumeve "Rruga e ëndafshit" për vitin 2007 

Korrespondenti i Radios së Jashtme të Kinës njoftoi se nga 6 deri më 10 korrik, do të zhvillohet në qytetin Urumqi të Rajonit Autonom të Sinjiang Ujgurit të Kinës Festivali Ndërkombëtar i Kulturës së Kostumeve "Rruga e ëndafshit" për vitin 2007.

Festivali Ndërkombëtar i Kulturës së Kostumeve "Rruga e ëndafshit" është një takim madhështor ku përfshihen paraqitja e kostumeve, shfaqjet artistike, përhapja e kulturës, forumi ekonomiko-tregtar etj. Që nga viti 2002, ky festival është zhvilluar për 5 herë me radhë.

Sinjiangu është qendër e rëndësishme ekonomike e transportit në krahinat perëndimore të Kinës. Deri tani ai ka vendosur marrëdhënie ekonomiko-tregtare me mbi 130 vende e rajone të botës. (Fani)