Problemi i pozitës dhe rolit të çështjes së mjekimit dhe higjienës në zhvillimin shoqëror dhe ekonomik u bë një temë e rëndësishme diskutimi dhe tërhoqi një vëmendje të vjeçantë të pjesëmarrësve në plenumin e 6-të të Komitetit Qendror të Partisë Komuniste të Kinës, që u mbajt para disa kohësh. Në këtë plenum u paraqit mendimi se qeveria kineze ka për detyrë të garantojë që populli të gëzojë në mënyrë të barabartë kushtet bazë të mjekimit dhe të higjienës dhe se, duke filluar që tani, duhet të popullarizohet më tej në fshat sistemi i ri i mjekimit të kooperuar, të zhivillohen institucionet e mjekimit në lagjet e qytetit dhe të bëhen përpjekje për zgjidhjen e problemeve imediate. Siç thonë banorët në qytet dhe në fshat, "e kemi tepër të vështirë të vizitohemi te mjeku" dhe "shpenzimet e mjekimit janë tepër të shtrenjta për ne".

Sistemi i ri i shërbimit mjekësor të kooperuar në fshat është një sistem i garantimit të këtij shërbimi, që u vu në zbatim duke filluar nga viti 2003. Qëllimi i zbatimit të këtij sistemi është që edhe fshatarët të gëzojnë shërbimet bazë mjekësore dhe higjienike. Në mbështetjen e dispozitave të këtij sistemi, çdo fshatar që merr pjesë me dëshirën e vet në këtë sistem mjekimi do të paguajë 10 juanë në vit dhe administrata lokale e qeveria qendrore do të japë secila një subvencion prej 20 juanësh në vit për të, në mënyrë që këto para të përbëjnë fondin bazë të garantimit të mjekimit dhe çdo fshatar pjesëmarrës në këtë sistem mjekimi mund të raportojë tek llogaritari sasinë e shpenzimeve të mjekimit sipas një përqindjeje të caktuar.

Njëri prej atyre që kanë marrë dobi nga ky sistem mjekimi është edhe fshatari Huang Gjianguo në periferi të qytetit Çangshu të provincës Gjiangsu të Kinës Lindore. Në vitin 2005, në prag të festës së Hënës, që është një festë tradicionale kineze, ai u sëmur papritur nga sëmundja e zemrës dhe u operua në një spital të Shangait. Ai pagoi 50 mijë juanë për shpenzimet e operacionit, duke harxhuar të gjitha depozitimet e familjes së tij. Ashtu siç thotë një proverbë kineze, "fatkeqësia nuk vjen vetëm", gjatë kohës së mjekimit, gaforret në fermën e familjes së tij ngordhën plotësisht për shkak të mungesës së shërbimeve, gjë që shkatërroi mjetet e jetesës së gjithë familjes. Në kohën kur familja e tij ishte e dëshpëruar, zyra e mjekimit të kooperuar i dërgoi paratë për shpenzimet e operacionit siç ai kishte raportuar. Huang thotë se ai i ka provuar në kurrizin e vet të mirat e sistemit të mjekimit të kooperuar në fshat.

"Në fillim të zbatimit të sitemit të mjekimit të kooperuar, babai im pagoi 20 juanë për mua, sepse vetë unë dyshoja Për atë. Por kësaj here, fondi i mjekimit të kooperuar më dha 20 mijë juanë për shpenzimet e operimit, gjë që luajti një rol të madh për mua në rimëkëmbjen e ekonomisë së fermës sime."

Me sistemin e ri të mjekimit të kooperuar, janë siguruar shërbimet bazë mjekësore për fshatarët. Sot në 40 % të fshatrave të Kinës zbatohet ky sistem mjekimi, nga i cili 200 milionë fshatarë përfitojnë leverdi. Duke folur për kënaqësinë e tij për këtë sistem mjekimi, fshatari Vu Haizan në periferi të qytetit Veihai të provincës Shandong thotë se me këtë sistem mjekimi është lehtësuar shumë barra e fshatarëve.

"Një ditë, u vizitova te mjeku dhe shpenzova vetëm 64 juanë, por 30 % të tyre e raportova. Llogaritari punon shpejt dhe brenda 2 minutave më dha paratë në dorë."

Sistemi i ri i mjekimit të kooperuar i ka dhënë shtytje zhvillimit të çështjes higjienike në fshat. Shteti ka shtuar investimet për përsosjen e kushteve bazë të mjekimit dhe higjienës në fshat. Janë marrë masat për përgatitjen e kuadrove të higjienës në fshat dhe për dërgimin e mjekëve të qytetit për ndihmë në fshat, gjë që ka përmirësuar më tej kushtet e mjekimit dhe të higjienës në fshat.

Garantimi i kushteve bazë të mjekimit dhe higjienës në qytet realizohet me zhvillimin e qendrave mjekësore në lagje, në mënyrë që ato të përgjigjen për mjekimin e sëmundjeve të zakonshme. Të sëmurët shkojnë për mjekim në spitale të mëdha vetëm në rast se nuk shërohen dot në lagja. Sipas kërkesave, këto qendra mjekësore duhet të jenë afër, në mënyrë që të sëmurët të mbërrijnë në to brenda 15 minutave, që të krijohen lehtësira për ta. Këto masa kanë i kënaqur banorët.

"Para formimit të qendrës mjekësore të lagjes, unë shkoja për mjekim në një spital të madh, por është larg." "Mjekët e qendrës mjekësore të lagjes sillen me ne në mënyrë humanitare. Kjo qendër është e vogël përsa i përket sipërfaqes, por ajo ka moral të lartë mjekësor."

Për Kinën që është një vend me shumë popullsi, nuk është një detyrë e lehtë që t'i garantojë gjithë popullit një mjedis të mirë të shërbimit mjekësor. Por megjithatë ministri i shëndetësisë i Kinës Gao Qiang thotë se qeveria kineze do të shtojë më tej investimet për përmirësimin e pandërprerë të kushteve bazë të mjekmit dhe të higjienës. (Zheng)