Më 18 shkurt, futbollisti 25-vjeçar kinez Sun Xiang nënshkroi kontratën dhe u pranua zyrtarisht nga ekipi Einhoven i Hollandës duke marrë pjesë në ndeshjet e kampionatit të futbollit të kategorisë së parë të Holladës. Kohët e fundit, në një ndeshje të Kampionatit të Futbollit të Evropës të këtij sezoni midis ekipit Einhoven dhe ekipit anglez Arsenal, Sun Xiang e përfaqësoi ekipin Einhoven dhe luajti për 30 minuta. Kjo ishte hera e parë që futbollisti kinez mori pjesë në ndeshjet e kampionatit të futbollit të Evropës me nivel më të lartë në botë. Në vebsajtin e ekipit Einhoven u botua posaçërisht një lajm lidhur me këtë.

Media kineze është gjerësisht e mendimit se sipas gjendjes aktuale, Sun Xiang duhet të forcojë më tej bashkëpunimin me shokët e tjerë të ekipit. Por si një anëtar i ri, ai nuk ka shumë gabime në ndeshje. Kjo nuk është një gjë e lehtë për të. Funksionari i Shoqatës së Futbollit të Kinës Guo Bingyan është i mendimit se Sun Xiang ka teknikë shumë të mirë dhe do të ketë patjetër sukses në ndeshjet e kampionatit të futbollit të kategorisë së parë të Hollandës:

"Brenda një kohe të shkurtër, Sun Xiang ka fituar besimin e ekipit ndaj tij nëpërmjet talentit të vet. Me forcimin e pandërprerë të lojës kolektive me shokë të ekipit, ai do të luajë më mirë."

Edhe futbollisti tjetër kinez Shao Jiayi ka vërtetuar talentin e vet në fushën e ndeshjeve të kampionatit të futbollit të kategorisë së parë të Gjermanisë. 26-vjeçari Shao Jiayi është lojtari i ekipit Kotbus. Talenti i tij në organizimin e sulmit dhe në gjuajtje e ka ndihmuar ekipin të korrë shumë fitore. Në krahasim me Sun Xiang, Shao Jiayi ka eksperiencë disavjeçare në ndeshjet e kampionatit të futbollit të Gjermanisë. Gazetari kinez i futbollit Chen Ying është i mendimit se Shao Jiayi do të luajë më mirë:

"Tani Shao Jiayi ndodhet në periudhën e pjekurisë, aftësia e tij mund të ngrihet më tej. Ai ka jetuar në Gjermani për shumë vjet dhe është mësuar me mjedisin e futbollit të Gjermanisë. Në fushën e ndeshjes, Shao Jiayi dhe shokë të ekipit bashkëpunojnë shumë mirë dhe e përkrahin njeri-tjetrin. Kjo ka rëndësi të madhe."

Kapiteni i ekipit kombëtar kinez të futbollit Zheng Zhi është futbollisti tjetër kinez që merr pjesë në ndeshjet e kampionatit të futbollit me nivel më të lartë në botë. Për shkak të teknikës së dalluar, herët në dhjetor të vitit të kaluar, ekipi Çarlton i ndeshjeve të kampionatit të futbollit të Anglisë të kategorisë së parë e ftoi Zheng Zhi-në të marrë pjesë në këtë ekip. Nëpërmjet bisedimeve, në shkurt të këtij viti, Zheng Zhi nënshkroi kontratën dhe u bë lojtari i ekipit Çarlton. Pas disa ndeshjeve, Zheng Zhi është bërë lojtari kryesor i ekipit. Gazetari i futbollit Chen Ying është i mendimit se talenti i lartë e ndihmon Zheng Zhi-në të luajë mirë në ndeshje të kampionatit të futbollit të Anglisë:

"Zheng Zhi është një nga futbollistët më të shquar kinezë. Aftësia e tij e organizimit dhe e sulmit është shumë e lartë."

Luajtja e mirë e futbollistëve kinezë si Sun Xiang, Shao Jiayi, Zheng Zhi etj. në ndeshje të kampionatit të futbollit të Evropës me nivel të lartë tregojnë se futbolli kinez po shkrihet në sistemin botëror të futbollit, njëkohësisht niveli i futbollistëve kinezë po merr pohimin e arenës ndërkombëtare të futbollit. Ndeshjet e nivelit të lartë do të ndihmojnë këta futbollistë kinezë të ngrejnë më tej aftësinë e tyre. Kjo do të jetë në favor të ngritjes së nivelit të përgjithshëm të futbollit kinez. (Fani)