Ditët e fundit, nisi zyrtarisht nga ndërtimi kombinati i ri "Shougang" që është mbi 200 kilometra larg Pekinit. dhe deri në vitin 2008 do të fillojë funksionimin dhe prodhimin. Një funksionar përkatës i Komisionit shtetëror të zhvillimit dhe reformës të Kinës tha se ndërtimi i kombinatit të ri "Shougang" ka rëndësi të madhe për nxitjen e koordinimit të strukturës metalurgjike të Kinës dhe ngritjen e potencialit konkurrues të industrisë metalurgjike të Kinës.

Kombinati "Shougang" që ndodhet në perëndim të qytetit të Pekinit, është një nga ndërmarrjet më të mëdha metalurgjike të Kinës. Duke u nisur nga koordinimi i strukturës industriale shtetërore, qeveria kineze vendosi që ky kombinat të shpërngulet në ishullin Caofeidian të provincës Hëbei, ku ka kushte të mira transporti. Zv/kryetari i Komisionit shtetëror të zhvillimit dhe reformës të Kinës, z. Zhang Guobao tha se shpërngulja e kombinatit "Shougang" është një masë e madhe dhe e rëndësishme për përmirësimin e strukturës së industrisë metalurgjike të Kinës dhe shpejtimin e koordinimit industrial.

"Ndërtimi i kombinatit "Shougang" ka rëndësi të madhe për përmirësimin e mjedisit të Pekinit dhe ngritjen e potencialit konkurrues të industrisë metalurgjike të Kinës dhe do të ushtrojë ndikim të madh mbi koordinimin e forcës prodhuese dhe përmirësimin e strukturës industriale të Kinës."

Zoti Zhang Guobao tha se kontradiktat joracionale të strukturës së industrisë metalurgjike të Kinës kanë qenë gjithmonë relativisht të dukshme. Në mbarë vendin ka shumë ndërmarrje të mëdha dhe të mesme metalurgjike që janë vendosur në qytete të mëdha ose të mesme. Shpërngulja dhe koordinimi i kombinatit "Shougang ka dhënë përvojën e dobishme për shpërnguljen e ndërmarrjeve të shumta metalurgjike nga qytetet. Njëkohësisht, ndërtimi i bazës së re metalurgjike në Caofeidian të provincës Hëbei është në favor të koordinimit të strukturës ekonomike të Pekinit dhe të Hëbeit dhe ka rolin e rëndësishëm nxitës për zhvillimin ekonomik rreth zonës së Gjirit Buohai.

Investimet e përgjithshme të objekteve të ndryshme të kombinatit të ri "Shougang" janë mbi 67 miliardë juanë. Pas fillimit nga funksionimi të këtij kombinati, sasia e prodhimit të çelikut dhe hekurit në të do të jetë mbi 27 milionë tonë. Drejtori i përgjithshëm i Grupit metalurgjik "Shougang" Zhu Jimin tha se kombinati i ri që po ndërtohet në Caofeidian, përfaqëson nivelin e përparuar të zhvillimit të industrisë metalurgjike të botës së shekullit të 21-të. Vlerësimi i mjedisit të kombinatit të ri "Shougang" u miratua pas shqyrtimit të Drejtorisë së përgjithshme shtetërore të mbrojtjes së mjedisit të Kinës. Sipas raportit të vlerësimit, konsumi dhe prodhimi i pastër i këtij kombinati do të arrijnë në nivelin e përparuar ndërkombëtar.

"Ndërtimi i kombinatit të ri "Shougang" ka treguar teknologjinë e përparuar dhe përfaqëson nivelin e përparuar botëror të zhvillimit të industrisë metalurgjike të shekullit të 21-të". (Sihai)