Në sesionin vjetor të Asamblesë Kombëtare Popullore të Kinës që sapo u mbyll javën e kaluar, u miratua me vota të shumta "Ligji i taksave të ndërmarrjeve". Ky ligj ka unifikuar taksat e ndërmarrjeve me investime kineze dhe të huaja dhe e vendosi përqindjen e re të taksave 25%. Kështu që u anulua politika e privilegjuar për ndërmarrjet me investime të huaja në Kinë. "Ligji i taksave të ndërmarrjeve" do të zbatohet zyrtarisht në Kinë qysh nga viti i ardhshëm.

Japonia është vendi i 2-të i burimit të investimeve të huaja i Kinës. Tani, investimet e Japonisë në Kinë janë 60 miliardë dollarë amerikanë, shumica e ndërmarrjeve të prodhimit të Japonisë kanë baza prodhimi në Kinë.OMRON-i është një prej tyre. Në vitet 80 të shekullit të kaluar, OMRON-i ka hyrë në Kinë. Në vitin 2002 u krijua zyrtarisht selia e OMRON-it në Kinë. Investimet e OMRON-it në Kinë arritën në disa qindra milionë dollarë amerikanë.

Duke iu përgjigjur pyetjeve të gazetarëve, drejtori i përgjithshëm i Shoqërisë me përgjithësi të kufizuar të OMRON-it në Kinë, z. Jamashita Toshio tha se ndërmarrjet e OMRON-it kanë bërë përgatitje të plota për zbatimin e sistemit të ri të taksave, biznesi i ndërmarrjeve nuk mund të ketë ndikim të madh.

"Tani për tani, unë nuk jam i mendimit se zbatimi i këtij ligji mund t'u sjellë investimeve tona në Kinë ndonjë ndikim. Qeveria kineze zvogëlon gradualisht diferencën e kushteteve të favorshme midis ndërmarrjeve kineze dhe ndërmarrjeve të huaja, gjë që është prirje në rritje pas pranimit të Kinës në Organizatën Botërore të Tregtisë. Në fakt, qysh nga dita e pranimit të saj në këtë organizatë, mund të parashikohej se politika e privilegjuar e qeverisë kineze për ndërmarrjet me investime të huaja do të anulohej gradualisht, por kjo nuk do të ndikojë mbi besimin tonë për investime në Kinë."

Ai tha, gjithashtu, se OMRON-i i kushton rëndësi shumë të madhe tregut kinez. Gjatë 3 vjetëve të fundit, investimet e OMRON-it në Kinë arritën në 2 miliardë dollarë amerikanë. Në prill të vitit të kaluar, OMRON-i ka krijuar Qendrën e parë të studimit të produkteve në Shangai. Kjo qendër është bërë institucion i 2-të studimor i OMRON-it me kualifikim të personit juridik të pavarur i krijuar jashtë vendit. Në vitin 2007, OMRON-i planifikon që vëllimi i shitjes së produkteve në Kinë do të arrijë në mbi 1 miliard e 300 milionë dollarë amerikanë.

Jamashita Toshio vuri në dukje se qëllimi i Kinës për hartimin e "Ligjit të taksave të ndërmarrjeve" është krijimi i një mjedisi të konkurrencës së barabartë në treg.

"Pas pranimit të saj në Organizatën Botërore të Tregtisë, Kina ka hapur më tej tregun. Gjithnjë e më shumë sektorë kinezë afrojnë integrimin ndërkombëtar. Të gjitha ndërmarrjet e dalluara të mbarë botës dëshirojnë të vijnë në Kinë për zhvillimin e konkurrencës. Ne shpresojmë se të gjitha ndërmarrjet do të zhvillojnë konkurrencën në një mjedis të barabartë, ndërsa prodhimi dhe shfrytëzimi i produkteve që përputhen me kërkesën e tregut kinez, është thelbi rrënjësor në këtë treg. Unë jam i mendimit se "Ligji i ri i taksave të ndërmarrjeve" nuk do të përbëjë kërcënim ndaj ndërmarrjeve me investime të huaja".

Si ndërmarrjet e Japonisë, edhe qëndrimi i ndërmarrjeve të Bashkimit Evropian është i arsyeshëm. Si partneri i parë i tregtisë i Kinës, gjatë disa vjetëve të fundit, ritmi i rritjes së vëllimit të investimeve të Bashkimit Evropian në Kinë është shumë i shpejtë. Vitin e kaluar, numri i objekteve të investimeve të Bashkimit Evropian në Kinë arriti në mbi 2700, vëllimi i investimeve në kontrata arriti në mbi 10 miliardë dollarë amerikanë. Sipas të dhënave statistikore më të reja të Shoqatës tregtare të Bashkimit Evropian në Kinë, 92 % e ndërmarrjeve evropiane shprehen të kënaqura për investimet e tyre në Kinë.

Kryepërfaqësuesi i Shoqatës së nxitjes së tregtisë së jashtme të Italisë, z. Antonino Laspina tha se tregu kinez ka një forcë të madhe tërheqëse për ndërmarrjet eropiane. Kjo forcë tërheqëse mbështetet jo vetëm te politika e privilegjuar e taksave. Ai tha:

"Sot, forca tërheqëse e sistemit të ekonomisë kineze është krijuar jo vetëm nbi faktorin e taksave, por edhe mbi faktorë të tjerë, si epërsia e kraut të punës, çmimet relativisht të ulëta etj. Përveç këtyre, Kina mund të krijojë një mjedis më të mirë se më parë. Përsa u përket ndërmarrjeve, krijimi me investime i fabrikave Kinë është një zgjedhje që përputhet me logjikën e tregut. Më e rëndësishmja është që këtu ato mund të fitojnë një treg të madh.

Grupi "Hongdou" që ndodhet në qytetin Wuxi të provincës Jiangsu të Kinës, është një ndërmarrje private. Drejtori i përgjithshëm i kësaj ndërmarrjeje, z. Zhou Haijiang tha: "përsa përket ndërmarrjeve private, potenciali jetik është i dobët në krahasim me ndërmarrjet me investime të huaja, të cilat gëzojnë taksat favorzuese. Kështu që në ekziston një diferencë e madhe midis ndërmarrjeve kineze dhe ndërmarrjeve të huaja."

Siç mësohet, qysh nga zbatimi i reformës dhe hapjes në fund të viteve 70 të shekullit të kaluar, për të tërhequr investimet e huaja dhe për të zhvilluar ekonominë e vendit, Kina ka ndërmarrë politikën e taksave të favorshme për ndërmarrjet me investime të huaja.Fakti tregoi se me zbatimin e politikave të favorshme shumë vjeçare ndaj ndërmarrjeve me investime të huaja, Kina ka mësuar disa teknologji të reja të prodhimit nga ndërmarrjet me investime të huaja dhe ka shtuar të ardhurat e valutave.

Me zhvillimin e Kinës, sistemi i tanishëm i taksave të ndërmarrjeve me investime kineze dhe të huaja nuk përputhet me kërkesën e gjendjes së re. Pas pranimit të saj në Organizatën Botërore të Tregtisë, tregu kinez është hapur më tej. Ndërmarrjet me investime kineze afrojnë gradualisht integrimin e sistemit të ekonomisë botërore.

Drejtori i përgjithshëm i Grupit TCL, ndërmarrjes së njohur të prodhimit të pajisjeve elektro-shtëpiake të Kinës, z. Li Dongsheng tha se unifikimi i sistemit të taksave të ndërmarrjeve me investimeve kineze dhe të huaja është prirje e përgjithshme.

"Ligji i ri i taksave të ndërmarrjeve" është shumë i përshtatshëm. Tani ekonomia kineze është zhvilluar në një nivel relativisht të lartë. Pas pranimit të Kinës në Organizatën Botërore të tregtisë, ne anuluam shume nene që kufizonin hyrjen e ndërmarrjeve me investime të huaja në tregun kinez. Unë jam i mendimit se "ligji i ri i taksave të ndërmarrjeve" është i përshtatshëm, metoda është e barabartë."

Pas miratimit të "Ligjit të taksave të ndërmarrjeve", ministri kinez i Tregtisë Buo Xilai tha se sistemi i ri unik i taksave është racional, sepse ai mund të ngrejë nivelin e përdorimit të investimeve të huaja të Kinës. (Sihai)