Siç bëhet e ditur nga drejtori i muzeut, rindërtimi nuk do të ndryshojë pamjen e mëparshme të muzeut. Pas përfundimit të punimeve, sipërfaqja e muzeut do të arrijë në 200 mijë metra katrorë dhe në të do të vendosen më se 1 milion relikte. Muzeu i ri do të arrijë në nivelin e përparuar ndërkombëtar.

Gjatë ndërtimit, reliktet e Muzeut Kombëtar të Kinës do të ekspozohen brenda e jashtë vendit. Këtë vit do të zhvillohen në Kanada, Australi, Serbi etj. ekspozita të relikteve të këtij muzeu.

Do të zhvillohet në Kinë "Pranvera e shkëmbimeve kulturore kino-franceze" 

Agjencia kineze e lajmeve Hsinhua njoftoi se në pranverën e këtij viti, artistë kinezë e francezë do të organizojnë përsëri veprimtarinë artistike "Pranvera e shkëmbimeve kulturore kino-franceze". Kjo veprimtari do të zhvillohet nga 12 prilli deri më 10 qershor në 14 qytete të Kinës.

Kjo do të jetë hera e dytë e zhvillimit të veprimtarisë së madhe të shkëmbimeve kulturore midis Kinës dhe Francës. Në krahasim me vitin e kaluar, në "Pranverën e shkëmbimeve kulturore kino-franceze" të këtij viti do të shfaqen më shumë lloje artistike si opera, filma, simfoni etj. dhe do të zhvillohen mbrëmja e madhe artistike, shkëmbimet midis shkrimtarëve të dy vendeve etj.

U zhvillua në Pekin "Java e filmit japonez" 

Agjencia kineze e lajmeve Hsinhua njoftoi se nga 15 deri më 18 mars, u zhvillua në Pekin "Java e filmit japonez me rastin e 35-vjetorit të normalizimit të marrëdhënieve kino-japoneze" e organizuar bashkërisht nga Drejtoria e Përgjithshme Shtetërore e Radio-Film-Televizionit e Kinës dhe Ministria e Kulturës e Japonisë. Kjo javë filmi është një nga aktivitetet e "Vitit të shkëmbimeve kulturore e sportive kino-japoneze".

Gjatë kësaj veprimtarie u shfaqën 8 filma që pasqyrojnë jetën e të rinjve modernë japonezë. Organizatorët shprehën shpresën që këta filma do të shtojnë njohjen e ndërsjellë midis dy vendeve.

Do të zhvillohet në Pekin "Stina e shfaqjes së kulturës jugkoreane" 

Agjencia kineze e lajmeve Hsinhua njoftoi se si një nga aktivitetet e "Vitit të shkëmbimeve midis Kinës dhe Republikës së Koresë", nga 24 marsi deri më 14 prill, do të zhvillohet në Pekin "Stina e shfaqjes së kulturës jugkoreane".

Gjatë kësaj veprimtarie, 6 trupa artistike jugkoreane do të shfaqin programe të shkëlqyeshme që pasqyrojnë kulturën jugkoreane.

Viti 2007 është 15-vjetori i vendosjes së marrëdhënieve diplomatike midis Kinës dhe Republikës së Koresë dhe është "Viti i shkëmbimeve midis Kinës dhe Republikës së Koresë". (Fani)