dëgjoni

Kinezët e dinë se "863" nuk janë vetëm disa numra të thjeshtë, por janë emërtimi i një plani të zhvillimit të shkencës dhe teknikës. Gjatë mbi 20 vjetëve të fundit, plani "863" i dha shkas ngritjes së nivelit dhe rritjes së aftësisë së kërkimeve të teknikës së lartë në Kinë.

Në vitet 80 të shekullit të 20-të, dallgët e një revolucioni të ri të teknikave, si të bioteknikës, teknikës informative dhe teknikave të tjera të larta, përplasën gjithë globin tokësor dhe zhvillimi i shkencës dhe teknikës së lartë u bë një nga mjetet kryesore të konkurrencës midis vendeve. Duke marrë parasysh këtë fakt, në vitin 1986 qeveria kineze e vuri në jetë planin e zhvillimit të kërkimeve të teknikës së lartë, që u quajt plani "863". Në këtë plan, 8 fusha të teknikës së lartë, siç janë ato të biologjisë, kozmonautikës, informacioneve, automatizimit, rrezeve lazer, energjisë, materialeve të reja dhe oqeanologjisë, u caktuan si pikat më të rëndësishme të zhvillimit të kërkimeve të teknikës së lartë në Kinë. Ministri i shkencës dhe teknikës i Kinës, zoti Shy Guan Hua thotë se gjatë mbi 20 vjetëve të zbatimit të këtj plani kemi korrur suksese në disa fusha kyçe, kemi fituar mbi 8000 patenta brenda e jashtë vendit dhe kemi hartuar 1800 standarde shtetërore dhe profesionale.

"Gjatë 20 vjetëve të fundit, shteti ynë investoi gjithsej 33 miliardë juanë për zbatimin e planit 863. Më se 150 mijë punonjës të shkencës dhe teknikës marrin pjesë në zbatimin e këtij plani. Sukseset e arritura në zbatimin e këtij plani po luajnë një rol të rëndësishëm në rritjen e aftësisë së vendit tonë për krijimin e të rejave në mënyrë autonome, në rritjen e potencilit kompleks shtetëror."

Plani "863" është pa dyshim një nga objektet më të mëdha të kërkimeve shkencore që nga koha e shpalljes së Republikës sonë Popullore. Si rezultat i zbatimit të këtij plani, kanë dalë në Kinë një numër i madh produktesh me patentën e vet në fushat biofarmaceutike, teknikes informative, të materialeve të reja dhe fushave të tjera, që janë pika të nxehta të konkurrencës teknike ndërkombëtare. Kompjuteri me funksione ultra të larta i markës Shuguang është një nga sukseset treguese që ka arrtirur Kina në fushën teknikës informative.

Projektuesi i përgjithshëm i kompjuterit të këtij lloj, zoti Sun Ning Hui thotë se në vitet 90 të shekullit të fundit, në bazë të planit "863" , ne prodhuam kompjuterin të markës "Shugang numër 1", duke korrur një sukses thyes në fushën e kërkimeve shkencore të kompjutereve me funksione të larta. Më vonë, shpejtësia e veprimeve të kompjutereve u rrit nga 2 miliardë e 500 milionë herë për sekondë deri në 100 miliardë herë për sekondë; më tej u rrit në 400 miliardë herë për sekondë dhe tani është rritur deri në 10 trilionë herë për sekondë.

"Sot vetëm tre vende të botës janë në gjendje të prodhojnë dhe të përdorin kompjuter me funksione kaq të larta. Ato janë SHBA, Japonia dhe Kina. Ne shpresojmë se deri të vitin 2008 do të nxjerrim në pah një lloj kompjeteri me funksione të larta që do të veprojë 100 trilionë herë në sekondë dhe që do të prijë zhvillimin e teknologjisë përkatëse."

Sot, duke përdorur kompjuterin të markës Shuguang me funksione ultra të larta, qendra shtetërore kineze e internetit Gridi ka ngritur 8 pika lidhëse në Pekin, Shangai, Hong-kong dhe qytete të tjera, që do të shërbejnë në fushën e kërkimeve gjeologjike, të prodhimit të aeroplanëve, të meteorologjisë, pylltarisë, arsimit, trafikut urban etj.

Gjatë mbi 20 vjetëve të fundit, çështja kineze e bioteknikës, që filloi nga hiçi, hyri në fazë të zhvillimit të vrullshëm dhe u bë në mënyrë fillestare një degë e re e industrisë. Tani, vlera vjetore e prodhimit të industrisë kineze me bioteknikë arrin në 360 miliardë juanë.

Meriton të përmendet fakti se në mbështetjen e planit "863", shkencëtarët kinezë marrin pjesë aktivisht edhe në bashkëpunimin ndërkombëtar për zbatimin e Projektit të Gjenomës Njerëzore dhe kanë plotësuar me sukses detyrën e ngarkuar nga Organizata përkatëse për determinimin e 1 përqind të gjeneve njerëzore, gjë që tregon se kërkimet shkencore përkatëse në Kinë zhvillohet në mënyrë sinkronike me vendet e tjera të botës.

Ministri kinez i shkencës dhe teknikës, zoti Shy Guan Hua thotë se, edhe tani e më tutje, qeveria kineze do të vazhdojë të shtojë investimet në zbatimin e planit "863" dhe do të përmirësojë administrimin e zbatimin e këtij plani të shkencës dhe teknikës.

"Do të bëjmë përpjekje që, në 5 vjetët e ardhshëm, të arrijmë një objektiv të madh në zbatimin e planit 863, të fitojmë një numër të madh arritjesh të reja me ndikim të rëndësishëm, 100 prej të cilave do të arrijnë nivelin e përparuar botëror, të zotërojmë një numër teknologjish thelbësore, të ngrejmë koeficientin e shfrytëzimit të energjisë dhe të rritim më tej aftësinë konkurruese në industri." (Zheng)