dëgjoni

Me rastin e organizimit të veprimtarive të mëdha sportive, si Lojërat Olimpike, krahas ndeshjeve e garave të mrekullueshme në fushën sportive, edhe shumë çështje jashtësportive kanë tërhequr vëmendje të madhe. Higjiena publike është një prej tyre, sepse ajo ka të bëjë jo vetëm me shëndetin e sportistëve dhe të trajnerëve, por lidhet ngushtë edhe me masat popullore të vendit organizor. Me afrimin e Lojërave Olimpike 2008, ka tërhequr vëmendje gjithnjë e më të madhe sigurimi i higjienës gjatë këtyre lojërave. Ditët e fundit, u zhvillua në Pekin një konferencë shtypi lidhur me gjendjen e sigurimit të higjienës publike gjatë Lojërave Olimpike të Pekinit. Lidhur me këtë do të dëgjoni tani një reportazh të hollësishëm.

Drejtori i Drejtorisë së Shëndetësisë të Pekinit, z. Jin Dapeng, bëri të ditur në konferencën e shtypit se duke u mbështetur në përgjithësimin e përvojës së kaluar, Pekini ka bërë përgatitje serioze dhe provë eksperimentale, duke hedhur bazë të fortë për garantimin e higjienës publike gjatë Lojërave Olimpike. Z. Jin Dapeng tha:

"Objektivi ynë përfundimtar është që të organizojmë një edicion të Lojërave Olimpike të nivelit të lartë dhe nëpërmjet Lojërave Olimpike do t'i mbetemi Pekinit 'qytetin e shëndetshëm'."

Jin Dapeng shpjegoi në mënyrë të hollësishme se një nga temat kryesore të sigurimit të higjienës publike të Pekinit është parandalimi dhe kontrolli i epidemive të mëdha ngjitëse. Tani epidemitë që prekin njëkohësisht njeriun dhe kafshët, si gripi i shpendëve etj., përbëjnë kërcënim të madh ndaj gjithë njerëzimit. Përveç këtyre, edhe SARS-i e Sida janë probleme globale. Pekini, si kryeqytet i Kinës, do të presë një numër mjaft të madh vizitorësh gjatë Lojërave Olimpike 2008, prandaj është shumë e rëndësishme për të të kontrollojë shpërthimin e epidemive të mëdha ngjitëse. Për këtë, sektori i shëndetësisë i Pekinit do të bashkëpunojë ngushtë me sektorë të tjerë, si të bujqësisë, të tregtisë, të arsimit, të komunikacionit etj., në mënyrë që të krijohet sistemi i shkëmbimit të informacioneve dhe i takimeve të përbashkëta, për të siguruar parandalimin e kontrollin e përbashkët. Tashmë është krijuar korniza e këtij sistemi.

Mësohet se vitin e kaluar, duke përfituar nga organizimi i Forumit të Bashkëpunimit Kinë-Afrikë, Pekini bëri një provë eksperimentale të gjithanshme në fushën e sigurimit të higjienës publike të qytetit. Me përpjekjet e sektorëve të ndryshëm, Pekini kreu me sukses të plotë punët e garantimit mjekësor për këtë forum. Rezultati i provës vërtetoi se janë të besueshëm mekanizmi i sigurimit të higjienës publike të Pekinit, si dhe aftësia e tij përballuese gjatë veprimtarive të mëdha ndërkombëtare. Z. Jin Dapeng tha se në atë forum një gazetari tazanez i shpërtheu Sida dhe ishte në periudhën e fundit. Institucionet mjekësore të Pekinit bënë diagnostikimin e saktë të sëmundjes dhe e trajtuan si duhet. Me koordinimin e sektorëve të aviacionit civil, të karantinës dhe të doganave, sëmundja e këtij gazetari u kontrollua në kohë dhe ai u çua në atdhe në mënyrë të sigurt.

Sipas kërkimeve të Drejtorisë së Shëndetësisë të Pekinit, incidentet e mundshme të higjienës gjatë Lojërave Olimpike publike ndahen në 5 lloje: incidente të epidemive ngjitëse, ato të sigurisë së ushqimeve, të sigurisë së ujit të pijshëm, të higjienës publike të ngjallura nga media ekologjike me sëmundje, si dhe incidente të tjera të papritura. Lidhur me këto 5 lloje, Pekini hartoi disa projekte përballuese. Drejtori i Qendrës së Kontrollit të Epidemive të Pekinit, z. Liu Zejun, tha:

"Gjatë Lojërave Olimpike 2008, në Pekin do të ketë temperaturë dhe lagështi të madhe, prandaj do të parandalojmë kryesisht epidemitë ngjitëse të zorrëve, të gripit dhe epidemitë ngjitëse me anë të kontaktit. Kështu paraqitëm 45 incidente që kanë mundësi të ndodhin gjatë Lojërave Olimpike të Pekinit. Për secilin prej tyre bëmë analiza sipas numrit e natyrës dhe paraqitëm mënyrën e përballimit."

Sigurisht, pavarësisht nga çfarëdo pune parandaluese dhe kontrolluese, më e rëndësishmja është që çdo banor i Pekinit të veprojë nga vetja që të pakësojë rreziqet e papritura për sigurimin e higjienës dhe të ruajë zakonet e mira higjienike. Drejtori i Drejtorisë së Shëndetësisë të Pekinit, z. Jin Dapeng, tha:

"Pashë në gazetë që shumë njerëz po diskutojnë problemin e pështyrjes kudo. Në fakt ky është problemi i sektorit të higjienës publike. Kohët e fundit Pekini po i këshillon banorët të mos pështyjnë përtokë, në mënyrë që qytetarët ta ndreqin këtë zakon të keq." (Wang Lei)