dëgjoni

 Prapa Gjirit Verior ndodhen krahinat jugperëndimore të Kinës, ndërsa përpara atij janë vende të Azisë Juglindore. Gjiri Verior është nyje e rëndësishme e komunikacionit në det që ka lidhjen me vendet e ASEAN-it. Në procesin e ndërtimit të zonës së tregtisë së lirë Kinë-ASEAN, Gjiri Verior është bërë gradualisht nyje e rëndësishme e lidhjeve tregtare midis Kinës dhe ASEAN-it, duke u mbështetur nga epërsitë e veçanta gjeografike.

Gjiri Verior ndodhet në veri të detit jugor dhe është një gjir gjysëm i mbyllur i rrethuar nga një pjesë e Kinës dhe e Vietnamit dhe nga Ishulli Hainan i Kinës. Në vitin 2002, pasi u nënshkrua marrëveshja midis Kinës dhe 10 vendeve të ASEAN-it për ndërtimin në vitin 2010 të zonës së tregtisë së lirë Kinë-ASEAN, Rajoni Autonom Guangsi-Zhuang planifikoi të ndërtojë "një zonë ekonomike rreth Gjirit Verior, që të përbëhet nga 3 provinca të Kinës dhe nga pjesë provincash të Vietnamit. Vitin e kaluar, sekretari i komitetit të Partisë Komuniste të Kinës për Rajonin Autonom Guangsi-Zhang, z. Liu Qibao parashtroi konceptin për "bashkëpunimin ekonomik të Gjirit ndërverior, në mënyrë që rajoni i bashkëpunimit ekonomik rreth Gjirit Verior të shtrihet në Malajzi, Singapor, Indonezi, Filipine etj.

Me këtë mendim, administrata e Guangsit vendosi që të ndërtojë zonën ekonomike në Guangsi në zona bregdetare të Gjirit Verior dhe në kryeqytezën e Rajonit Autonom, Naning. Duke iu përgjigjur pyetjeve të gazetarëve, zoti Liu tha se qëllimi i ndërtimit të zonës ekonomike në Guangsi është shpejtimi i bashkëpunimit ekonomik midis Guangsit dhe vendeve të Gjirit ndërverior, si Vietnamit, Malajzisë etj. Ai tha, gjithashtu: "Për shpejtimin e hapjes dhe të zhvillimit të gjithanshëm të zonës ekonomike në Guangsi duhet të merret parasysh gjendjea e tanishme dhe ajo e ardhshme. Njëkohësisht ne duhet të vëmë hapjen dhe zhvillimin e zonës ekonomike në Guangsi në sfondin e bashkëpunimit rajonal për ndërtimin e zonës së tregtisë së lirë Kinë-ASEAN".

Sipas karakteristikave gjeografike të Gjirit Verior, objektivi i planit të zonës ekonomike në Guangsi është që të bëhet nyje e rëndësishme e lidhjeve tregtare midis Kinës dhe ASEAN-it.

Fangchenggang-i është qyteti i portit më të madh brenda zonës ekonomike, dhe ka 21 skela me kapacitet prej mbi 10 mijë tonësh. Sasia vjetore e ngarkim-shkarkimit të mallrave i kalon 30 milionë tonët. Ai është port i rëndësishëm i lidhjeve tregtare midis Kinës dhe ASEAN-it.

Zv/drejtori i përgjithshëm i Grupit për çështjet e porteve të Fangchenggang-it, z. Xie Yi i tha gazetarit se sipas planit unik të zonës ekonomike, qyteti Fangchenggang po ndërton skela të reja, sidomos skela të posaçme për kontejnierë. Gjatë 6 muajve të parë të këtij viti, institucionet e administratës vendore dhe mbi 50 mijë banorë u shpërngulën nga lagjja e vjetër, ku një sipërfaqe prej 140 mijë metrash katrore janë planifikuar ndërtimin e zonës industriale të portit. Ai tha, gjithashtu, se gjatë disa vjetëve të ardhshëm, Fangchenggang-i do të bëhet qendër rajonale e transportit. "Në sfondin e bashkëpunimit ekonomik rajonal të Gjirit Ndërverior, Fangchenggang-i do të bëhet një qendër rajonale e transportit ndërkombëtar."

Tani Rajoni Autonom Guangsi-Zhuang po shpejton ndërtimin e 3 porteve të mëdha, si Fangchenggang, Qinzhou dhe Beihai, për të ngritur potencialin kompleks konkurrues të tyre. Sipas planit, deri në vitin 2010, në zonën ekonomike të Gjirit Verior do të ndërtohet një port i madh kompleks modern me sasinë e ngarkim-shkarkimit të mallrave prej 100 milionë tonësh.

Përveç transportit ujor, me rritjen e tregtisë së mallrave midis Kinës dhe ASEAN-it, transporti në rrugë automobilistike brenda zonës ekonomike të Gjirit Verior është shumë i ngarkuar. Në vitin 2005, u vu zyrtarisht në funksionim autostrada nga kryeqyteza e Rajonit Autonom, Naning, deri në doganën e Miqësisë të kufirit midis Kinës dhe Vietnamit. Gjatë 2 vjetëve të fundit, makineritë e rënda dhe produktet elektro-mekanike të Kinës janë eksportuar nëpërmjet kësaj autostrade në Vietnam dhe vende të tjera të Azisë Juglindore, ndërsa produktet e vendeve të tjera të Azisë janë transportuar gjithashtu nëpërmjet kësaj autostrade në Kinë.

Tani, Guangsi po shpejton ndërtimin e infrastrukturës së komunikacionit, në mënyrë që portet ujore dhe tokësore përqark bregut të Gjirit Verior të luajnë rol më të madh. Guangsi do të ndërtojë edhe 3 autostrada të tjera dhe do të ndërtojë ose transformojë hekurudha vendore, për t'u lidhur me hekurudha të vendeve të Azisë Juglindore.

Drejtori i degës tregtare të Rajonit Autonom Guangasi-Zhuang, z. Li Wenjie tha se me hapjen e rrugëve tokësore dhe me përmirësimin e pajisjeve të porteve bregdetare, bashkëpunimi ekonomik midis Guangsit dhe vendeve të ASEAN-it do të ketë hapësirë më të madhe. Ai tha se Guangsi po merr një sërë masash për përmirësimin e mjedisit të investimeve, për të realizuar lehtësinë e investimeve dhe të tregtisë dypalëshe.

"Ne kemi marrë masat reale për lehtësinë e investimeve dhe të tregtisë, si përmirësimi i mjedisit të investimeve, shpejtimi i ndërtimit të porteve, forcimi i bashkëpunimit me ASEAN-in në fushën e kontrollit të produkteve etj."

Ai shprehu bindjen se zbatimi i këtyre masave për lehtësinë e tregtisë dhe të investimeve do të tregojë më tej rëndësinë e zonës ekonomike në Guangsi të Gjirit Verior në bashkëpunimin ekonomiko-tregtar midis Kinës dhe ASEAN-it. (Sihai)