Ju flet Radio e Jashtme e Kinës! Të dashur dëgjues, unë jam Pina, po takohemi përsëri në programin e sotëm muzikor. Në këtë program do t'ju paraqit disa këngë popullore të pakicave kombëtare. Së pari ju ftoj të ndiqni këngën popullore të kombësisë tu me titull "Më i lartë është qielli i kaltër".

Kombësia tu është një nga pakicat kombëtare që jetojnë në provincën Qinghai të pjesës perëndimore të Kinës. Banorët e kësaj kombësie janë punëtorë e modestë dhe të aftë për të kënduar e vallëzuar. Në rrugën e gjatë historike banorët tu kanë krijuar zakone dhe mënyra të veçanta të jetesës. "Këngët shtëpiake" dhe "ato të jashtme" popullore janë shumë të përhapura në viset e tyre. Në "këngët shtëpiake" që këndohen vetëm në shtëpi përfshihen këngë nderimi, këngë pyetje-përgjigje, këngë dasme etj. Ndërsa "këngët e jashtme" këndohen jashtë shtëpisë, si kënga huaer etj., meloditë dhe tekstet e të cilave ndryshojnë shumë nga ato shtëpiake, dhe pjesa e tyre më e madhe janë këngë dashurie. Kënga që sapo ndoqët, "Më i lartë është qielli i kaltër", është një këngë dashurie e kombësisë tu. Ajo pëshkruan bukurinë e vajzës në mënyrë metaforike.

Kombësia davoer është një nga pakicat kombëtare që jeton në verilindje të Kinës. Këngët popullore të kësaj kombësie karakterizohen nga entuziazmi, ndryshimet e shumta të melodisë dhe ritmet e qarta. Këngët malësore banorët davoer i këndojnë në përgjithësi gjatë pushimit të punës në arë ose gjatë rrugës duke ngarë karrocën. Tekstet e këngëve krijohen në vend sipas peizazhit natyror, ndërsa meloditë e tyre janë të larta dhe të shtruara. Më poshtë do të shijojmë së bashku këngën malësore të kombësisë davoer "Zemrën besnike e merr malli për ty".

Në këngë thuhet: "Në kallamishte dëgjohet një këngë. U afrova me nxitim, dhe pashë një vajzë që po këndonte. Kali im i kuqërremtë është shumë i pashëm. Mua s' më hahet, zemrën besnike e merr malli për ty."

Kombësia miao është një nga pakicat kombëtare që jeton në viset jugperëndimore të Kinës. Vallja caigu është një valle popullore që e kërcejnë shpesh banorët e kësaj kombësie. Në ditët e festës, banorët miao të veshur me petka festive organizojnë takime, ku kërcejnë vallen caigu. Me ndryshimin e ritmeve të daulles, kërcimtarët ndryshojnë lëvizjet e veta, duke e bërë vallen shumë të bukur. Tani le të dëgjojmë këngën e kombësisë miao "Caigu", e cila përshkruan tablonë e gëzueshme të vallëzimit. Në këngë thuhet: "Na lirojnë malet dhe lumenjtë, vajzat miao po kërcejnë vallen caigui. Le të lëvizim trupin sipas dëshirës, se jeta e re e banorëve miao vjen nga ritmet e valles".

Edhe kombësia shui, një nga pakicat kombëtare jeton në zonën jugperëndimore të Kinës. Këngët dhe vallet zënë një vend shumë të rëndësishëm në jetën e tyre, të rinjtë e të rejat e kërkojnë dashurinë nëpërmjet këngëve dhe valleve. Në fund të programit të sotëm, le të shijojmësë bashku këngën popullore të kombësisë shui "Gjymëhëna është si bri kau".

Në këngë thuhet: "Yjet në qiell janë si ar, drita e hënës është si argjend, ndërsa gjysmëhëna është si bri kau, rrezet e hënës shkëlqejnë." Kjo këngë lirike përshkruan një natë të qetë me hënë.

Ju flet Radio e Jashtme e Kinës. Të dashur dëgjues, ndoqët disa këngë popullore të pakicave kombëtare të Kinës. Mirudëgjofshim të shtunën tjetër. Në mikrofon për ju, Pina.