Agjencia kineze e lajmeve Hsinhua njoftoi se në ankandin e zhvilluar më 26 nëntor në Hongkong, piktura me bojë vaji "Skllav dhe luan" e piktorit të famshëm kinez Xu Beihong u shit me 53 milionë e 880 mijë dollarë të Hongkongut duke krijuar rekord të ri botëror në ankandin e pikturës me bojë vaji të Kinës.

Piktura "Skllav dhe luan" u krijua në vitin 1924 sipas një legjende të lashtë perëndimore. Kjo pikturë e madhe 1.23 metra e lartë dhe 1.53 metra e gjerë shfaq plotësisht mjeshtërinë e lartë të autorit.

Do të zhvillohet në Xiamen Konkursi i 4-të ndërkombëtar i pianos i Kinës

Korrespondenti i Radios së Jashtme të Kinës njoftoi se nga 15 deri më 25 tetor të vitit 2007, do të zhvillohet në qytetin Xiamen të Kinës jugore Konkursi i 4-të ndërkombëtar i pianos i Kinës i organizuar nga Ministria e Kulturës e Kinës.

Parashikohet që në këtë konkurs të marrin pjesë afro 100 lojtarë kinezë dhe të huaj. Njëkohësisht 12 muzikantë të famshëm ndërkombëtarë të ardhur nga Kina, Italia, SHBA-ja, Japonia, Australia, Norvegjia, Spanja etj. do të bëhen anëtarë të komisionit vlerësues dhe përzgjedhës.

Mongolia e Brendshme e Kinës merr masa për të mbrojtur gjuhën e kombësisë Evenke

Korrespondenti i Radios së Jashtme të Kinës njoftoi se ditët e fundit, u krijua në Arongqi të Mongolisë së Brendshme të Kinës veriore "Kursi i gjuhës së kombësisë Evenke" për të mbrojtur gjuhën e kësaj kombësie.

Kombësia Evenke ka vetëm gjuhë por nuk ka shkrime. Prej një kohe të gjatë, banorët e kombësisë Evenke përdorin gjuhën e kombësisë Han për të zhvilluar shkëmbimet me kombësi të tjera. Gradualisht është pakësuar numri i të rinjve dhe i fëmijëve të kombësisë Evenke që mund të flasin gjuhën e vet.

Për të mbrojtur gjuhën e kombësisë Evenke, qeveria vendëse krijoi posaçërisht kursin e gjuhës së kësaj kombësie, njëkohësisht inkurajoi banorët e kombësisë Evenke të përdorin gjuhën e vet.

U krijua në Mongolinë e Brendshme të Kinës muzeu i parë i folklorit të kombësisë koreane

Korrespondentët e Radios së Jashtme të Kinës njoftuan se ditët e fundit, u krijua në Mongolinë e Brendshme të Kinës muzeu i parë i folklorit të kombësisë koreane.

Mongolia e Brendshme është rajoni i parë autonom i pakicave kombëtare në Kinë dhe përbëhet nga 49 kombësi si kombësia mongole, kombësia koreane, kombësia Man etj. (Fani)