Mësohet se puna projektuese e "ligjit mbi të drejtat e pronësisë" filloi që nga viti 1993 dhe pas 9 vjetësh, ky ligj filloi të hyjë në procesin e legjislacionit. Në këtë ligj ka 5 kapituj, 19 pjesë dhe 247 nenet.

Më 8 mars, nënkryetari i Komitetit të Përhershëm të Asamblesë Kombëtare Popullore Kineze Wang Zhaoguo bëri një sqarim mbi këtë ligj para afro 3000 deputetëve që marrin pjesë në sesionin vjetor.

Ndër të tjera Wang Zhaoguo tha se parimi i krijimit të këtij ligj është prej 4 pikash:

"Duke u nisur nga gjendja aktuale e vendit tonë, ky ligj mishëron në mënyrë të saktë dhe ngul këmbë në sistemin themelor ekonomik. Sipas kushtetutës dhe ligjeve përkatëse, ky ligj mbron të drejat e pronësisë të shtetit, kolektivit dhe individit. Në të njëjtën kohë, ky ligj do të forcojë mbrojtjen e pasurive shtetërore. Ky ligj mishëron në mënyrë të gjithanëshme politikën themelore ndaj fshatit në periudhën aktuale dhe mbron interesat e fshatarëve. Ky ligj koordinon marrëdhëniet e ndryshme interesash për të nxitur harmoninë shoqërore."

Wang Zhaoguo bëri një sqarim lidhur me përmbajtjet themelore të projektligjit mbi të drejtat e pronësisë. Ai tha se në fakt, ky ligj është një ligj civil dhe një nga parimet e rëndësishme të ligjeve civile është mbrojtja e barbartë të të drejtave të pronarëve.

Wang Zhaoguo u shpreh:

"Në kushtet paraprake të përcaktimit të përketjes së pasurive sipas ligjeve përkatëse, të drejtat e pronësisë të shtetit, kolektivit dhe individit duhet të mbrohen në mënyrë të barabartë."

Sipas këtij projektligji mbi të drejtat e pronësisë, mbrohen jo vetëm të ardhurat e ligjshme, banesat, mjetet jetësore etj të individëve, mbrohen edhe depozitimet, investimet dhe fitimet e tyre.

Specialistët janë të mendimit se pikat e vështira për hartimin e ligjit mbi të drejtat e pronësisë janë : ky ligj duhet të përputhet me nivelin e zhvillimit ekonomik e shoqëror, duhet të përputhet me procesin e reformës e zhvillimit dhe në të njëjtën kohë kur pohohen sukseset, duhet të ketë edhe një hapsirë për reformën e mëejshme. Prandaj, ky projektligj është shqyrtuar 7 herë, gjë e cila është e paparë në historinë e legjislacionit të Kinës.

Pasi dëgjuan sqarimin mbi këtë projektligj, në emër të popullit kinez 1 miliard e 300 milionësh, afro 3000 deputetë do të shqyrtojnë në mënyrë të gjithanshme dhe të hollëishme këtë projektligj, në mënyrë që ky projektligj të jetë me cilësi të lartë. (Du)