Agjencia kineze e lajmeve Hsinhua njoftoi se më 4 mars, drejtori i Drejtorisë Shtetërore të Relikteve të Kinës Shan Jixiang u shpreh në Pekin se qeveria kineze ka harxhuar mbi 700 milionë juanë për të mbrojtur reliktet e Rajonit Autonom të Tibetit.

Sipas statistikave, tani në Tibet ka mbi 2000 relikte të palëvizshme dhe qindra mijë relikte të koleksionuara nga muzeu që tërheqin specialistë dhe turistë brenda e jashtë vendit.

Shan Jixiang tha se pas vënies në shfrytëzim të hekurudhës Qinghai-Tibet, është shtuar shumë numri i turistëve në Tibet duke i sjellë mbrojtjes dhe administrimit të relikteve sfida. Mbrojtja dhe shpëtimi i trashëgimive kulturore tibetiane janë bërë një detyrë e rëndësishme.

Qeveria kineze do të organizojë ceremoninë përkujtimore të Da Yu-së

Agjencia kineze e lajmeve Zhongxin njoftoi se siç bëhet e ditur nga komisioni organizativ i veprimtarisë përkujtimore të Da Yu-së për vitin 2007, Ministria e Kulturës e Kinës dhe qeveria e provincës Zhejiang të Kinës lindore do të organizojnë së bashku ceremoninë përkujtimore të Da Yu-së për vitin 2007. Kështu kjo ceremoni do të bëhet një ceremoni shtetërore.

Da Yu ishte një nga paraardhësit e kombit kinez. Varri i tij ndodhet në qytetin Shaoxing të provincës Zhejiang. Në maj të vitit 2006, ceremonia përkujtimore e Da Yu-së u përcaktua nga Këshilli i Shtetit i Kinës si trashëgimi kombëtare kulturore jomateriale.

Në Chifeng të Mongolisë së Brendshme u zbuluan piktura në shkëmb të para 5000 a 6000 vjetëve

Agjencia kineze e lajmeve Hsinhua njoftoi se ditët e fundit, arkeologë të qytetit Chifeng të Rajonit Autonom të Mongolisë së Brendshme të Kinës zbuluan piktura në shkëmb të periudhës së kulturës "Mali i Kuq".

Kultura "Mali i Kuq" ka një histori 5000 a 6000 vjeçare dhe i përket epokës së neolitit.

U zhvillua konkursi i valleve të standardit ndërkombëtar midis dy brigjeve

Agjencia kineze e lajmeve Hsinhua njoftoi se ditët e fundit, u zhvillua në qytetin Xiamen të Kinës juglindore konkursi i valleve të standardit ndërkombëtar midis dy brigjeve të ngushticës së Tajvanit për vitin 2007.

Tema kryesore e këtij konkursi është "Forcimi i shkëmbimeve midis dy brigjeve nëpërmjet valleve". Në këtë garë morën pjesë 30 valltarë tajvanezë.

Vitet e fundit, shkëmbimet në fushën e valleve midis dy brigjeve janë shtuar pandërprerë.

Muzeu i Pallatit të Dimrit në Pekin do të zhvillojë ekspozitën "Anglia dhe Bota" 

Korrespondentët e Radios së Jashtme të Kinës njoftuan se më 9 mars, do të hapet në Pallatin e Dimrit në Pekin ekspozita e madhe "Anglia dhe Bota". Kjo është hera e parë që Muzeu i Pallatit të Dimrit të Pekinit dhe Muzeu Britanik bashkëpunojnë për të zhvilluar ekspozitë.

Kjo ekspozitë është pjesë e rëndësishme përbërëse e planit të bashkëpunimit afatgjatë midis dy muzeve dhe ka për qëllim që ta ndihmojë popullin kinez të njohë më tej Anglinë. Të gjitha reliktet e ekspozitës janë vepra të koleksionuara nga Muzeu Britanik si piktura, skulptura etj. Ekspozita ndahet në 4 pjesë "Anglia dhe Evropa", "Anglia dhe Lindja e Mesme e Azia Jugore", "Anglia dhe Afrika e Amerika", "Anglia dhe Kina" që pasqyrojnë procesin e zhvillimit të Anglisë nga viti 1714 deri në vitin 1830.

Do të hapet në provincën Henan ekspozita e relikteve të lashta indiane 

Agjencia kineze e lajmeve Hsinhua njoftoi se më 17 mars, do të hapet në Muzeun e Provincës Henan të Kinës qendrore ekspozita e relikteve të Indisë së lashtë.

Kjo ekspozitë do të zgjasë për dy muaj, pastaj do të shkojë në qytetin Congqing dhe qytetin Guangzhou.

Në këtë ekspozitë do të vendosen 100 relikte indiane. Këto relikte janë kryesisht skulptura të lashta indiane që u zgjodhën nga 11 muze të Indisë. Shumica e tyre ekspozohen për herë të parë në Kinë.

Kjo ekspozitë organizohet nga Drejtoria Shtetërore e Relikteve e Kinës dhe Drejtoria Arkeologjike e Indisë dhe është ekspozita me përmasat më të mëdha e relikteve indiane në Kinë deri sot. (Fani)