Dëgjoni

Në nënrubrikën e sotme "Shkëmbime kulturore" do t'ju njohim me fizarmonistin e ri kinez Xia Gang dhe disa pjesë muzikore të interpretuara prej tij me fizarmonikën Bayan.

Pjesa që po dëgjoni është e shkëputur nga melodia "Lumi Danub i kaltër", e përpunuar në bazë të valsit të kompozitorit të njohur austriak J. Strausi. Kjo vepër muzikore me melodi të lehtë dhe të larmishme, ka shprehur ndjenjat e thella të dashurisë së popullit austriak për vendlindjen e tij. Kjo pjesë muzikore e interpretuar nga fizarmonisti Xia Gang me fizarmonikën Bayan ka një forcë të madhe tërheqëse artistike. ...

Bayan është emri i një llojë fizarmonike ruse me tinguj me horizonte të gjera dhe me trup të vogël por që nga ana tjetër ka një forcë të pasur shprehëse.

Xia Gang lindi në vitin l980 në provincën Sichuan të Kinës jug-perëndimore. Ai filloi të mësonte nga babai i tij interpretimin me fizarmonikë qysh në moshën 4 vjeç e gjysmë. Më pas ai filloi të mësonte nga profesori i konservatorit të Sichuanit dhe kryetari i shoqatës kineze të fizarmonikës interpretimin me fizarmonikë në moshën 5 vjeçare. Në vitin l992, Xia Gang u pranua në shkollën e mesme pranë Konservatorit të Sichuanit dhe pas 4 vjetësh, ai u pranua me provime në Institutin Muzikor të St. Petersburgut në Rusi, ku vazhdoi mësimin e interpretimit me fizarmonikën Bayan nga profesori Oleg Sharv. Pasi u diplomua nga ky institut, Xia Gang filloi të japë mësim në konservatorin e Sichuanit.

Pjesa që po dëgjoni është shkëputuar nga vepra muzikore "Toni i ulët i xhazit" interpretuar nga Xia Gang me fizarmonikën Bayan. Kjo pjesë është zgjedhur nga albumi i tij i muzikave të interpretuara solo me fizarmonikën Bayan "Xhins, Tango dhe Opera e Pekinit". Në këtë album, Xia Gang ka mbledhur një numër veprash muzikore të kompozitorëve rusë për të shprehur respektin e madh për profesorin e tij Oleg Sharv.

Si një nga përfaqësuesit e fizarmonistëve të brezit të ri të Kinës, Xia Gang me mjeshtrinë e lartë dhe stilin e theksuar në interpretim, ka fituar nder të madh brenda disa vjetësh. Në vitin l988, ai zuri vendin e parë në konkursin ndërkombëtar të fizarmonikës të Chindusë dhe në vitin l999, zuri përsëri vendin e parë në konkursin ndërkombëtar të fizarmonikës "Deti balltik" në Sh.Petersburg. Në vitin 2000, në festivalin e l6-të ndërkombëtar të fizarmonikës të organizuar në Sh.Petersburg, Xia Gang fitoi certifikatën e nderit të "mjeshtrit të madh në interpretimin e Bayanit" duke u breë në këtë mënyrë kinezi i parë që fitoi këtë titull.

Pjesa muzikore të cilën do ta transmetojmë për ta mbyllyr këtë program titullohet "Tango e lirë", vepër e kompozitorit argentinas Astor Piazolla. Interpretimi i Xia Ganit u sjell dëgjuesve një sti të theksuar të Amerikës Jugore. ( Zhai)