Në libraritë e Kinës vihet re kohët e fundit një prirje e shitjes shumë të mirë e librave tradicionalë klasikë dhe e librave me temë historike. Punonjësit e librarive bëjnë të ditur gjithashtu se shitje të mirë kanë edhe ato libra të cilat në përmbajtjet e tyre bëjnë fjalë për historinë e Kinës dhe kulturën tradicionale në mediat televizive, internet etj. Ato vazhdimisht po tërheqin gjithnjë e më shumë shikues. Gjatë intervistës, korrespondenti ynë mësoi se në shoqërinë e kohës së sotme, kinezët po gjejnë nga kultura e lashtë tradicionale, kopshtin e shpirtit dhe forcën nxitëse për të ecur përpara.

Në nënrubrikën e sotme "Kultura në fokus" në lidhje me këtë fenomen, ju ftoj të dëgjoni korrespondencën me titull: "Kultura tradicionale po tregon përsëri forcën e saj tërheqëse".

Në një mbledhje të organizuar pak kohë më parë në Pekin për porositjen e librave, korrespondenti vuri re se shumica e shtëpive botuese pjesëmarrësë nëpër librari apo edhe panaire, kanë vendosur vitrina të posacme për prezantimin e librave të kulturave tradicionale dhe historike. Në këto prezantime, përfshihen librat klasike të konfucianizmit dhe libra mbi historinë e personave të njohur të kohës së lashtë. Një shtëpi botuese nxjerr në treg edhe serinë e parë të librave të pikturuar me dorë mbi historinë perandorake 5 mijëvjecare. Në reklamën e kësaj serie librash thuhet se kjo seri u përshtatet lexuesve nga mosha 6 deri në 99 vjec, dhe se ka për qëllim t'i ndihmojë njerëzit të njihen më mirë me historinë e Kinës. Drejtori i shtëpisë botuese " Bota e sotme" Sun Zude i tha korrespondentit se sasia e porositur e librave të sipërpërmendura përbën më se 30% të librave të porositura nga kjo shtëpi botuese. "Tani kultura tradicionale po mirëpritet shumë. Në bazë të hetimeve, ne jemi të mendimit se kërkesat e lexuesve në këtë drejtim janë më të mëdha dhe sipas nesh gjithnjë e më shumë njerëz po studiojnë kulturën tradicionale duke treguar një interesim të madh për të. Kina ka një bazë kulturore 5 mijëvjecare. Duke u zhvilluar shoqëria në këtë fazë, njerëzit filluan t'i hedhin një sy vetes së tyre".

Kina ka një traditë kultrurore disa mijëvjecare. Duke dpërtuar deri në kohën e sotme, krahas hyrjes në masë të kulturës perëndimore në Kinë, kultura tradicionale kineze po pakësohet në horizontin e vëzhgimeve të publikut. Por kjo gjendje tani po fillonë të ndryshojnë.

Z. Zhuliyong punon në një media e cila merret me gjuhët e huaja. Ai lexon shumë gjatë kohës së lirë kulturën tradicionale dhe ka mendimin e tij mbi ringjalljen e kulturës tradicionale në gjirin e popullit. "Unë kam përvetsuar gjuhë të huaja, por nuk e kam njohur mirë kulturën kineze. Gjatë komunikimeve me të huaj, ata kanë dëshirë të njohin nëpërmjet meje kulturën kineze dhe që unë të jem një shpjegues prestigjioz i kulturës kineze. Unë jam kinez, por në të vërtetë nuk kam shumë dituri mbi kulturën kineze, sepse nga shkolla fillore deri në universitet, kam mësuar vetëm ato gjëra që kanë qenë në tekstet mësimore dhe prandaj unë kam dituri të pakta. Njohuri të pakta kam sidomos mbi mencurinë dhe diturinë e grumbulluar nga kombi ynë gjatë mijëra vjetëve. Prandaj e ndjej shumë nevojën për të rimësuar ato gjëra që kishim nënvlerësuar në të kaluarën.

Në bazë të këtyre kërkesave, rubrika e CCTV-së "Kursi i një qind shkollave" është bërë një rubrikë mjaft e preferuar nga teleshikuesit. Shumë dijëtarë shpjegojnë në këtë rubrikë klasikat tradicionale të Kinës, ata flasin gjerë e gjatë për kohën e lashtë por edhe për kohën e tanishme, duke i lidhur idetë dhe mencuritë e kohës së lashtë me jetënm e shoqërisë së sotme, me njohuri të shumta, dituri të madhe dhe gjuhë humoristike. Ata kanë tërhequr një numër të madh teleshikuesish duke shkaktuar edhe shitje shumë të mirë të librave përkatës. Përshembull libri i drejtuesit Yi Zhongtian "Komente mbi 3 shtete" pati një shitje shumë të lartë disa javë rrjesht. Në këtë libër u dhanë shpjegime të hollësishme mbi historinë e periudhës së tre shteteve të Kinës në shekullin e 3-të pas erës sonë.

Edhe prezantuesja tjetër Yu Dan është e mendimit se masat popullore kanë nevojë të gjejnë nga kultura tradicionale një ngrohtësi dhe një orientim jetësor. "Bota e sotme ka ndryshime të mëdha. Kur shqetësimet, gjaknxehtësitë dhe nxitjet e njerëzve po shtohen dita-ditës, njerëzve u pëlqen përkundrazi thjeshtësia, zemërgjerësia, ngrohtësia dhe gjërat themelore. Sipas mendimit tim, në shekullin e 21-të, forma e kulturës duhet të jetë e shumëllojshme. Kur civilizimi perëndimor është duke u thelluar në zemrat tona, edhe klasikat kineze gjithashtu po ringjallen në mendjet tona".

Profesori i letërsisë së lashtë klasike të Universitetit të Mediave z, Yuan Qingfeng është i mendimit se ringjallja e kulturës tradicionale është një mishërim i rivlerësimeve. Është një fenom që do të dalë me siguri krahas zhvillimit të shoqërisë.

"Ky është një mishërim i vlerësimit të librave klasikë historikë. Ky rivlerësim nuk është mjaft i dobishëm sot krahas shitjes shumë të mirë të librave përkatës. Në fakt, ky rivlerësim filloi në fund të viteve 70 të shekullit të kaluar kur filloi edhe reforma në Kinë. Sipas mendimit tim, rinjohja dhe rivlerësimi i historisë është në shërbim të shoqërisë, politikës dhe ekonomisë bile është në të njëjtën kohë edhe në shërbim të reformës dhe ngritjes së cilësisë së jetës së popullit".

Ky dijetar tha se njerëzit e cdo kohe, duhet të gjejnë burimet e tyre në kulturën tradicionale dhe t'i hedhin vazhdimisht një sy rrugës që ata dhe të parët e tyre kanë përshkuar. Ky është zhvillimi i një kombi dhe një kulture, pasi duke i hedhur një vështrim të imtësishëm rrugës së përshkuar më parë. mund të marrim prej saj forcë për vazhdimin e rrugës tonë përpara duke përfituar aftësinë dhe besimin e marrjes së kulturës dhe të të mirave të kombeve të tjera. ( Zhai)