"Më parë djali im duhej të paguante në çdo semestër 120 juanë si kuotizacion i shkollës dhe shpenzime të përziera. Por meqë familja ime ka shumë vështirësi financiare, unë nuk i përballoja dot aq shumë shpenzime. Më vonë mora vesh se tani s'ka më nevojë të paguajmë ato shpenzime në shkollë, madje mësuesit e shkollës e morën vetë djalin tim që të vazhdojë të mësojë në shkollë."

Politika e re e Kinës për çështjet arsimore, që e kënaqi fshataren Sun Qiao-yun me të birin, zbatohet që nga pranvera e vitit të kaluar, kur filloi semestri i ri. Pika kryesore e përmbajtjes së kësaj poltike të re është se, për të gjithë nxënësit e fazës së arsimit të detyrueshëm 9 vjeçar në zonat fshatare të Kinës Perëndimore, ku ekonomia është e pazhvilluar, qeveria ka hequr kuotizacionin e shkollës dhe shpenzimet e përziera. Kjo politikë është në favor të 50 milionë nxënësve të shkollave fillore dhe të shkollave të mesme në fshat. Pagimi i 100 ose 200 juanëve si kuotizacion i shkollës dhe shpenzime të përziera në çdo semestër nuk është një gjë e madhe për familjet me kushte relativisht të mira ekonomike, por është një barrë e rëndë për një familje të varfër. Duke filluar nga ky vit, kuadri i zbatimit të kësaj politike të re do të zgjerohet deri tek të gjithë nxënësit kinezë që marrin në fshat arsimin e detyrueshëm 9-vjeçar. Kjo politikë e re do të thotë se që sot e tutje të gjithë nxënësit kinezë të shkollave fillore dhe të shkollave të mesme të ciklit të ulët nuk do të paguajnë më kuotizacionin e shkollës dhe shpenzimet e përziera.

Në plenumin e 6-të të Komitetit Qendror të Partisë Komuniste të Kinës që u mbajt para pak kohësh, u parashtrua objektivi për ndërtimin e një shoqërie harmonike në Kinë. Një pikë e rëndësishme e përmbajtjes së kësaj teze është që t'u garantohet të gjithë shtetasve shansi i barabartë për arsimim. Qeveria kineze bën përpjekje që shpenzimet shtetërore të arsimit të shtohen deri në 4 % të vlerës së përgjithshme të prodhimit kombëtar. Ministri i arsimit i Kinës Zhou Gji thotë se shuma e shtuar e shpenzimeve shtetërore të arsimit do të përdoret kryesisht në fshat, në mënyrë që fëmijët në zonat fshatare të kenë shans më të mirë për shkollim.

"Kina do të shtojë investimet në arsim dhe shuma e shtuar do të përdoret kryesisht në fshat. Nga viti 2006 deri në vitin 2010 Kina do të shtojë 200 miliardë juanë të tjerë si shpenzime shtetërore për arsimin e detyrueshëm 9-vjeçar në fshat."

Si një nga masat që merr qeveria kineze për ngritjen e nivelit arsimor në fshat, në shkollat e fshatrave të zonave të largëta perëndimore do të vendosen poste të mësuesve specialë, duke inkurajuar kuadrot e porsadiplomuar nga universitetet të shkojnë për të punuar si mësues në zonat perëndimore. Sipas të dhënave të përafërta statistikore, rreth 20 mijë veta prej tyre kanë vajtur tashmë për të puar si mësues në mbi 2800 shkolla fillore dhe të mesme të zonave perëndimore, gjë që ka ndryshuar shumë gjendjen e pamjaftueshmërisë së arsimtarëve në këto zona dhe po luan rol në ngritjen e cilësisë së arsimit në to. Në të njëjtën kohë, qytetet e Kinës dërgojnë një numër të madh mësuesish të shquar për të punuar me turne si mësues në shkollat fillore dhe shkollat e mesme në fshat.

Kina investoi 8 miliardë juanë në ndërtimin e një rrjeti të arsimit të telekomanduar. Sot 80 % e shkollave në fshat ka aftësi për arsimin e telekomanduar. Njëra prej tyre është edhe shkolla fillore "Shpresa" e Nanqiaos së lokalitetit Leisi të provincës Gjangsi të Kinës Qendrore. Mësuesja Huang Yanqun thotë se nxënësit e saj mund të dëgjojnë leksionet e mësuesve të kategotisë specifike të Pekinit nëpërmjet sistemit të arsimit të telekomanduar. Ajo thotë se kjo është një gjë që më parë nxënësit e zonave të largëta as që guxonin ta përfytyronin.

"Më parë kushtet e shkollave në fshat nuk kanë qenë aq të mira, prandaj shumë prindër dërgonin fëmijët e tyre për të mësuar në qytet. Kurse tani, meqenëse kemi sistemin e arsimit të telekomanduar, ata i kanë marrë përsëri fëmijët për të mësuar në fshat."

Për shkak të zhvillimit të paekuilibruar ekonomik dhe shoqëror në krahina të ndryshme, ende ekzistojnë diferencime të mëdha në arsim midis qytetit dhe fshatit, midis krahinave dhe midis shkollave. Ministri i arsimit Zhou Gji thotë se qeveria kineze, duke e ruajtur karakterin e arsimit si një çështje komunale, punon për realizimin e barazisë në arsim dhe për zhvillimin e vazhdueshëm dhe të shëndoshë të arsimit si theks i politikës arsimore të Kinës. (Zheng)