"Kënga e gjëegjëzës" është një këngë fëmijësh me pyetje-përgjigje me përmbajtje dhe formë të gjallë. Pyetjet bëhen bukur dhe përgjigjet jepen në vend. Në këngë thuhet: "Ne po ju tregojmë gjëegj;za: 'Ç'gjë e gjatë shtrihet deri në qiell, ç'bimë e gjatë rritet në ujë, ç'ushqim i gjatë shitet në dyqan, ç'gjë e gjatë qëndron para vajzës?' Kashta e Kumtrit shtrihet deri në qiell, rrënjët e gjata të lotusit rriten në ujë, makaronat e gjata shiten në dyqan, fijet e mëndafshta qëndrojnë para vajzës."

Në programin muzikor të transmetuar në të shtunën e kaluar, ju tregova se anëtarët e Korit të Pionierëve "Zambaku" janë nxënës të shkollës së mesme. Në vitin 2003, Kompania Kineze e Disqeve nxori albumin e parë të këtij kori me titull "Ylberi pas shiut", në të cilin përfshihen 13 këngë klasike kineze dhe të huaja për fëmijë.

Të dashur dëgjues, sapo ndoqët këngën e korit pa shoqërim instrumentesh muzikor me titull "Ka ardhur pranvera". Interpretimi dhe harmonia e Korit të Pionierëve "Zambaku" janë shumë të bukur, e prej tyre shijojmë forcën tërheqëse të korit me shumë zëra pa shoqërim instrumentesh. Huang Xiyin, një nga solistet e këtij kori, zuri vendin e parë në festivalin e 56-të ndërkombëtar Llangollen të këngëve popullore të fatosave nën moshën 15 vjeç. Kjo këngëtare e vogël ka timbër të bukur dhe të veçantë si përrua me ujë të kulluar.

Tani le të shijojmë një këngë popullore tjetër të provincës Shanxi me titull "Çelin lule të bardha në të 4 stinët", që është një këngë me melodi të bukur dhe të rrjedhshme dhe ka ngjyrë vendëse. Provinca Shanxi ndodhet në pjesën veriperëndimore të Kinës, ku ka traditë të gjatë muzikore dhe ka këngë popullore nga më të ndyshmet.

Interpretimi i Korit të pionierëve "Zambaku" është shumë prekës. Ky kor ka marrë pjesë në shumë koncerte në bashkëpunim me filarmoni të tjera dhe ka fituar medalje ari në konkurset e korit në Angli, Kanada, Australi etj. Në fund të programit, le të shijojmë së bashku me ju këngën "Kënga e bariut". Kjo këngë popullore mongole ka melodi të bukur dhe lirike, e karakterizohet nga atmosfera e stepës. Pas përpunimit nga kompozitori i njohur kinez Qu Xixian, kjo këngë e korit pa shoqërim instrumentesh përshkruan peizazhin e bukur të kullotës dhe shpreh dashurinë e banorëve të stepës për jetën.

Në këngë thuhet: "Në qiellin e kaltër fluturojnë retë e bardha, poshtë reve kullotin kope dhensh të bardhë dëborë, dhentë ngjajnë si argjend i bardhë i shpëndarë në stepë."(Pina)