Dëgjoni

Para pak kohësh, ne kemi marrë prej jush shumë letra dhe mesazhe me e-mailin dhe nga këto letra dhe mesazhe morëm vesh që ju interesoheni shumë për Kinën. Shumë miq kanë dëshirë të madhe për t'u njohur me jetën e banorëve kinezë. Qysh nga sot, ne do t'ju japim një sërë reportazhesh dhe do t'ju sjellim për vizitë në një lagje të Pekinit, të njiheni me gëzimet dhe mërzitjet e qytetarëve të thjeshtë dhe prej këtu ju mund të njiheni më mirë me ndryshimet e shoqërisë së sotme kineze.

Lagja Yonglë është një lagje e zakonshme në perëndim të qytetit të Pekinit, ku jetojnë rreth 30 mijë banorë. Në këtë lagje ka shumë pallate të reja e të larta, ka edhe shtëpi të vjetra, si edhe disa kantjerë ku po ndërtohen shtëpi të reja.

Vitet e fundit, strehimi ka qenë gjithmonë një fokus i shoqërisë kineze. Për banorët e thjeshtë, shtëpia do të thotë familje.

Zonja Wu 55 vjeçare pas daljes në pension rri pa punë në shtëpi. Burri i saj punon si llogaritar. Biri i tyre Ping Ping sivjet mbushi 25 vjeç dhe pasi u diplomua nga shkolla e lartë tani merret me projektimin e reklamave.

Para 2 muajsh, Ping Ping u tha prindërve se do të martohet me të fejuaren e tij. Po ku do të strehohen? Ping Ping vendosi të blejë një shtëpi.

Ping Ping : " Shtëpia e prindërve është e vogël, nuk ka kushte të mirë për strehim. Po të marrim shtëpi me qira, qiraja nuk është e lirë, është baraz me pagesë mujore për shlyerjen e kredisë dhe nuk kemi pronësi. Pasi u menduam mirë, vendosëm të blejmë shtëpi."

I biri do të martohet dhe do të blejë një shtëpi, kjo është një gjë e madhe. Pasi dëgjoi mendimin e Ping Pingut, mamaja ka shumë për të folur.

Wu: "Kohët kanë ndryshuar. Jeta po bëhet gjithnjë e më e mirë. Në kohën tonë të rinisë, na mungonin shtëpitë, kushtet ishin shumë të vështira, nuk kishim mundësitë të mendonim për blerjen e shtëpisë. Atëhere, ishim të kënaqur po të kishim një vend sa për strehim".

Në mes të viteve 70 ?të të shekullit të kaluar, zonja Wu në fillim të punës rrinte në konviktin e fabrikës, 5 a 6 veta në një dhomë. Në fillim të viteve 80-të, pasi u martuan, ky çift jetonte në një bodrum, më vonë në një shtëpi të thjeshtë. Pastaj sektori i punës u dha atyre një dhomë duke e ndarë me një familje tjetër në një apartament, më vonë, u strehuan të dy në një apartament. Në mes të viteve 90-të, sektori i burrit i dha atyre një apartament me dy dhoma dhe një sallë, me një sipërfaqe prej 60 metrash katërore. Në vitin l998, ata blenë me 30 mijë yuanë këtë apartament në bazë të parimit të blerjes me privilegj të mirëqenies dhe filluan të kenë shtëpinë e vet.

Sociologu e profesori Dai Jianzhong është i mendimit se, në përmirësimin e kushteve të strehimit, shembulli i familjes së zonjës Wu përfaqëson ndryshimin e një epoke.

Dai Jianzhong: "Nga ekonomia e planifikuar në reformën e hapjen dhe deri më sot, niveli i jetesës së popullit është rritur shumë. Një tregues kryesor i kësaj është strehimi. Kushtet e banimit të qytetarëve të Pekinit kanë arritur në përgjithësi nivelin komod."

Para më se dhjetë vjetëve, sipërfaqja mesatare për frymë e pekinasve ishte rreth l0 metra katrorë, kurse deri në qershor të vitit të kaluar, kjo sipërfaqe arriti në afër 20 metra katrorë.

Duke i hedhur një sy përmirësimit të vazhdueshëm të kushteve të banimit, zonja Wu ndihet e kënaqur. Për të një apartament prej 60 metrash katrorë me dy dhoma është i mjaftueshëm.

Kurse Ping Pingu nuk ka të njëjtin mendim me të. Ai kërkon të jetojë në një shtëpi të mirë dhe nuk do që të bëjë një jetë shumë të thjeshtë.

Nga dhënia e shtëpisë nga shteti deri në blerjen e shtëpisë mbi bazën e parimit të mirëqenies nga sektori i punës dhe pastaj nga blerja e shtëpisë mbi bazën e parimit të mirëqenies deri në strehimin në apartamentin e blerë vetë në tregun e lirë, zonja Wu e kuptoi nga jeta e kaluar 30-vjeçare se ndryshimi i madh do të realizohet hap pas hapi. Kurse sipas mendimit të Ping Pingut, sa më shpejt, aq më mirë.

Punësim, banesa, mjekim, shkollim dhe sigurimi i pleqësisë...

Ç' mendojnë banorët e thjeshtë kinezë? Me jepni l0 minuta dhe do t'ju rrëfej " një tregim nga lagja Yonglë"

Tani për tani, Ping Pingu është shumë i zënë me blerjen e shtëpisë.

Ping Pingu: "Unë dua të blej me të gjitha mundësitë që kam gjithë sa kam një shtëpi pak më të madhe.Kjo Nuk është një gjë e lehtë, por kam dëshirë të blejë menjëherë shtëpi të madhe. Për sa i përket pagesës së kredisë, për të blerë një shtëpi me sipërfaqe të madhe, sigurisht do të kem presion të madh për kthimin e kredisë, por do të bëj përpjekje të mëdha. Për të mirën time, sektori i punës më jep një shtesë për strehim, gjë që do të më pakësojë presionin."

Wu: "Unë propozoj që ai të blejë një shtëpi pak më të vogël, mjafton sa për banim. Më vonë, kur të jetë më mirë ekonomomikisht atëhere, të përmirësojë më tej. Niveli i jetesës duhet të ngrihet hap pas hapi, ne kështu e kemi kaluar".

Ata kanë të drejtë që të dy. Profesori Dai Jianzhong është i mendimit se blerja e shtëpisë është për të ngritur cilësinë e jetesës. Por në qoftë se synohet të arrihet përnjëherësh niveli i lartë, ndoshta, do të ketë presion të madh për kthimin e kredisë, dhe kështu, përkundrazi, do të ulet niveli i jetesës.

Dai Jianxzhong: "Duhet të propozojmë konsumin e përshtatshëm dhe konsumin e arsyeshëm. Duhet të blesh atë sipërfaqe që ke mundësi, pastaj, mund ta rregullosh me shtimin e të ardhurave dhe stabilizimin e punës."

Por blerja e shtëpisë mbështetur në mundësinë nuk do të thotë të blesh patjetër një shtëpi të vogël, mund të blesh një shtëpi të vjetër. Blerja e një shtëpie do të jetë përsëri një presion i madh ekonomik për banorët e thjeshtë. Një faktor kryesor që u ka krijuar vështirësi blerësve të shtëpive është çmimi i lartë i banesave, që e ka kaluar shumë mundësinë financiare të blerësve. Në shumicën e qyteteve të mëdha dhe të mesme të Kinës, çmimet e banesave janë në rritje të vazhdueshme. Vitin e kaluar, çmimet e banesave në Pekin shënuan rekordin e rritjes prej më se 10 % për 7 muaj me radhë, duke zënë vendin e parë në rritjen e çmimit të banesave të qyteteve të ndryshme të Kinës.

Kërkesat tepër të mëdha në tregun e banesave do të prekin stabilitetin e ekonomisë së vendit dhe jetën e banorëve. Lidhur me këtë, më 5 mars, duke shtjelluar në sesionin e Asamblesë Kombëtare Popullore të Kinës programin administrativ të këtij viti, kryeministri Wen Jiabao tha:

Kryeministri Wen: " Industria e banesave duhet të zhvillojë kryesisht banesat e zakonshme për masat e gjera popullore.... Qeveria duhet te preokupohet posaçërisht për familje me të ardhura të ulëta dhe t'i ndihmojë ato në zgjidhjen e problemeve të banesave... Duhet të forcojmë kontrollin e çmimeve të banesave, të frenojmë rritjen tepër të shpejtë të çmimeve dhe të ruajmë nivelin e tyre të arsyeshëm. "

"Për të frenuar rritjen e paarsyeshme të çmimit të banesave, vitin e kaluar Këshilli i Shtetit i Kinës parashtroi 'masat prej 6 pikash' për kontrollin makroskopik të tregut të banesave. Sivjet, Ministria e Ndërtimit, që varet nga Këshilli i Shtetit i Kinës, bëri një planifikim për zgjidhjen e problemit të vështirësive në strehim të familjeve me të ardhura të ulëta dhe do të zbatojë kryesisht planin e ndërtimit të banesave të zakonshme, banesave ekonomike dhe banesave me qira të ulët". Edhe kryetari i bashkisë së qytetit të Pekinit Liu Qi u shpreh pak kohë më parë se bashkia e qytetit do të ndërtojë brenda 3 vjetësh banesa ekonomike me një sipërfaqe më se 10 milionë metrash katrorë dhe l0 milionë metra katrorë banesa me çmime të arsyeshme, për të frenuar rritjen e çmimeve të banesave dhe për të plotësuar kërkesat e arsyeshme të më shumë banorëve për strehim.

Në fushën e legjislacionit, deputeti i Asamblesë Kombëtare Popullore të Kinës Hong Këzhu etj. po nxisin dy projektpropozime, duke paraqitur rishikimin e "Ligjit të ndërtimit" për të kontrolluar rritjen tepër të shpejtë të çmimeve të banesave.

Hong Kezhu: "Shteti duhet të forcojë më tej orientimin dhe kontrollin e industrisë së banesave e të luajë më tej rolin kontrollues të grumbullimit të taksave, të dhënies së kredive dhe të politikës mbi trojet. Njëkohësisht duhet të plotësojë kërkesat e sa më shumë banorëve me anën e ndërtimit të banesave të zakonshme dhe të banesave ekonomike me apartamente me sipërfaqe të mesme dhe të vogla".

Në lagjen "Yonglë", personazhi i reportazhit tonë, Ping Pingu, është i paduruar për blerjen e banesës. Për shkak se rezultatet e këtyre masave qeveritare duhet njëfare kohe që të shihen, kurse Ping Pingu, që do të bëhet me nxitim dhëndër, nuk do që të presë më.( Zhai)