Kohët e fundit, këngëtarja e famshme e Hong-Kongut Gigi Leung ka nxjerrë albumin e ri me titull "Këngë dashurie për vete", i cili është prodhuar nga Li Sisongu, Jay Chou, Chen Zhenchuan etj. Në këtë album ka 10 këngë dashurie që paraqesin disa tregime dashurie romantike. Megjithëse melodia dhe stili i çdo kënge janë të ndryshme, Gigi Leungu me zërin e vet paraqet ndjenjat e vërteta të saj. Le ta admirojmë këngën me titull "Këngë dashurie për vete".    dëgjoni

Teksti i kësaj kënge është krijuar nga Chen Zhenchuani. Në këtë këngë thuhet "Në fillim një fjalë mbush plot vendin e dashurisë. Çdo njeri e mbivlerëson dashurinë. Vajza e thjeshtë e di që dashuria humbet me fjalën 'Mirupafshim'."Gigi Leungu tha se do t'ua kushtojë njerëzve të dëshpëruar këtë këngë.

Melodia e këngëve të këtij albumi ka forcë tërheqëse. Të kënduarit e Gigi Leungut paraqet karakterin e saj. Le të dëgjojmë këngën me titull "Dashuria më prek shumë". Teksti i thjeshtë i kësaj kënge përshkruan pikëllimin e atij që ka humbur dashurinë.

Në këtë këngë thuhet "Hap sytë, por nuk mund të shoh dritën e diellit. Qaj shpeshherë kur kam ngrënë vetëm gjysmën e ushqimit. Dashuria më prek shumë. Bien lotët. Lumturia është fshehur."  dëgjoni

Me këngët "I trashë" dhe "Dashuria është kaq e rëndë", këngëtari tajvanez Wu Qixian është bërë një këngëtar i njohur në qarqet muzikore. Gjatë jetës muzikore 20-vjeçare ai ka nxjerrë 40 albume të mirëpritura nga adhuruesit. Vitet e fundit, Wu Qixiani është shfaqur shpeshherë në programet televizive zbavitëse dhe nuk ka nxjerrë këngë të reja.

Por kohët e fundit, ai ka nxjerrë këngën e re me titull "Të dua", e cila është kënga që simbolizon me karakterin e Wu Qixian-it. I kënduari i tij ka ndjenjat e thella të dashurisë.

Në këtë këngë thuhet "Nata sundon tokën. Sytë dhe këmbët janë lodhur. Mos më shqetëso. Jam i zënë. E di për çfarë? Të përpiqemi të krijojmë jetën tonë të mirë. Nuk pyes për lodhjen.  dëgjoni

Para 4 vjetëve, këngëtarja tajvaneze A Sang u bë e njohur me këngën "Gjethet". Zëri i ngjirur dhe tërheqës i saj të lënë përshtypje të thella. Le ta dëgjomë këtë këngë.  dëgjoni

Në fund të programit të sotëm, le të dëgjojmë këngën me titull "Vetmia po këndon", e cila është kënga kryesore në albumin e dytë të A Sang-ut nxjerrë në vitin 2005. Kjo këngë na paraqet vetminë dhe trishtimin e tyre që jetojnë në qytet. Zëri i mallëngjyer është plot me hidhërim.  dëgjoni (U Sen)