Kohët e fundit, zëdhënësi i shtypit i Drejtorisë Shtetërore të të Drejtave të Pronësisë Intelektuale të Kinës Yi Xintien tha se vitin e kaluar, Kina ka shpejtuar më tej hartimin e strategjisë për të drejtat e pronësisë intelektuale. Këtë vit do të kryehet hartimi i kësaj strategjie.

Nga korriku i vitit 2005, Kina filloi të hartojë strategjinë për të drejtat e pronësisë intelektuale. Për këtë, Këshilli i Shtetit i Kinës ka krijuar posaçërisht grupin drejtues për të hartuar strategjinë mbi të drejtat e pronësisë intelektuale. Zv/kryeministrja e Kinës Wu Yi ka marrë pjesë në këtë punë. Në një konferencë shtypi, ky zëdhënës shtypi tha se tani kjo punë ka arritur progresin e rëndësishëm.

"Tani puna studimore për 20 temat e strategjisë mbi të drejtat e pronësisë intelektuale u krye në përgjithësi. Objektivi ynë është që në mes të vitit 2007 të kryehet puna e hartimit të strategjisë për të drejtat e pronësisë intelektuale."

Si mësohet, strategjia shtetërore për të drejtat e pronësisë intelektuale përfshin një program dhe 20 tema. Kjo është një strategji e re e plotë për punën e të drejtave të pronësisë intelektuale. Yi Xintien-i vuri në dukje se hartimi i strategjisë shtetërore për të drejtat e pronësisë intelektuale është zgjedhje e domosdoshme dhe kërkesë objektive e reformës dhe hapjes, si dhe zhvillimit ekonomik e shoqëror të Kinës dhe favorizon krijimin e mjedisit të tregut të konkurrencës së barabartë dhe shtimin e aftësisë së krijimit autonom të Kinës. Ai tha, gjithashtu, se kjo strategji do të hartohet si duhet dhe do të zbatohet si duhet. Sektorët përkatës po mendojnë problemin e zbatimit pas hartimit të kësaj strategjie dhe filluan punën përgatitore për zbatimin e saj.

Vitet e fundit, gjendja e zhvillimit të çështjeve të të drejtave të pronësisë intelektuale të Kinës është shumë e mirë. Puna e mbrojtjes për të drejtat e pronësisë intelektuale ka pasur sukses të dukshëm. Deri në fund të vitit 2006, Kina trajtoi mbi 570 mijë çështje të patendës, shifër kjo që u shtua 20.3% në krahasim me vitin 2005. Nga prirja e zhvillimit del se kjo shifër do të shtohet 10%-20% gjatë disa vjetëve të ardhshëm. Njëkohësisht punët e tjera për të drejtat e pronësisë intelektuale do të ruajnë një prirje të mirë zhvillimi.

Por në punën mbi të drejtat e pronësisë intelektuale ekzistojnë edhe disa mungesa. Duke hartuar strategjinë shtetërore për të drejtat e pronësisë intelektuale, sivjet sektorët përkatës do të forcojnë punët e ndryshme konkrete për të drejtat e pronësisë intelektuale, do të vazhdojnë shtimin e mbrojtjes për të drejtat e pronësisë intelektuale dhe do të forcojnë administrimin makroskopik për të drejtat e pronësisë intelektuale. Ai tha gjithashtu: "Drejtoria Shtetërore e të Drejtave të Pronësisë Intelektuale duhet të kryejë si duhet disa punë, të cilat janë: forcimi i administrimit makroskopik dhe i makrokontrollit në fushën e të drejtave të pronësisë intelektuale për shtimin e aftësisë së gjithë shoqërisë dhe të tregut në këtë fushë; Përmirësimi i kushteve bazë të garantimit të punës për të drejtat e pronësisë intelektuale dhe forcimi i mëtejshëm i kushteve në fushën e softeve etj".

Në të ardhmen, sektorët përkatës do të forcojnë punën e transmetimit dhe të përdorimit të informacionit mbi të drejtat e pronësisë intelektuale dhe krijimin e platformës së informacionit për t'i dhënë një kusht të lirë shkencor aplikimit të informacionit mbi të drejtat e pronësisë intelektuale në tërë shoqërinë. (Sihai)