dëgjoni

Agjencia kineze e lajmeve Hsinhua njoftoi se vitin e kaluar, muzetë e ndryshme kineze pritën 150 milionë vizitorë.

Siç bëhet e ditur nga Drejtoria Shtetërore e Relikteve e Kinës, gjatë 10 vjetëve të fundit, çështja e muzeve e Kinës ka hyrë në etapën e zhvillimit të vazhdueshëm. Deri në vitin e kaluar, në Kinë u krijuan më se 2300 muze të ndryshme ku janë mbledhur më se 20 milionë relikte. Vitin e kaluar, muzetë kineze zhvilluan afro 10 mijë ekspozita të ndryshme.

Në fund të këtij viti do të përurohet Muzeu Shtetëror Gjeologjik i Lumit të Verdhë i Kinës 

Agjencia kineze e lajmeve Hsinhua njoftoi se provinca Henan në Kinën qendrore po ndërton Muzeun Shtetëror Gjeologjik të Lumit të Verdhë. Muzeu do të përurohet në fund të këtij viti.

Pas përurimit, Muzeu Shtetëror Gjeologjik i Lumit të Verdhë do t'u shfaqë vizituesve pamjen gjeologjike dhe ndryshimet historike të Lumit të Verdhë nëpërmjet mënyrave të ndryshme moderne.

Lumi i Verdhë është lumi i dytë më i gjatë në Kinë. Gjatësia e tij arrin në mbi 5 mijë kilometra.

Do të zhvillohet "Pranvera e shkëmbimeve kulturore kino-franceze për vitin 2007"

Agjencia kineze e lajmeve Hsinhua njoftoi se më 24 shkurt, ambasada e Francës në Kinë u shpreh se në mes të prillit, do të hapet në Pekin "Pranvera e shkëmbimeve kulturore kino-franceze për vitin 2007". Ky aktivitet do të zhvillohet edhe në qytetet e Shangait, Dalianit, Guangzhout, Chengdusë etj.

"Pranvera e shkëmbimeve kulturore kino-franceze për vitin 2007" do të zgjasë deri në mes të qershorit. Gjatë aktivitetit do të zhvillohen shfaqja e modës franceze, kursi i letërsisë franceze, ekspozita e fotografive, shfaqja e filmave francezë etj.

Specialistë kinezë e gjermanë bashkëpunuan për të mbrojtur reliktet e mëndafshit 

Agjencia kineze e lajmeve Hsinhua njoftoi se ditët e fundit, specialistë të mbrojtjes së relikteve të provincës Sansi të Kinës bashkëpunuan me specialistë gjermanë dhe mbaruan punën e mbrojtjes së 10 relikteve të mëndafshit të koleksionuara nga Muzeu i Tempullit Famen.

Tempulli Famen ndodhet në perëndim të qytetit Xian të provincës Sansi dhe ka një histori mbi 1700-vjeçare. Në dinastinë Tang të Kinës, ai ishte tempulli perandorak.

Në vitin 1987, në Tempullin Famen u zbuluan më se 700 relikte të mëndafshit të dinastisë Tang duke tërhequr vëmendjen e qarqeve arkeologjike të mbarë botës. Për të mbrojtur këto relikte, qeveria kineze e qeveria gjermane krijuan së bashku laboratorin e parë të mbrojtjes së relikteve të mëndafshit në Kinë për studime dhe punën e mbrojtjes. (Fani)