Duke përgjithësuar punët përgatitore gjatë vitit 2006, zj. Zang Aimin shprehu mendimin se një nga rezultatet më kryesore ishte përurimi sipas planit i Qendrës Ndërkombëtare të Sportit të Lundrimit me Vela në Qingdao. Nënkryetarja Zang tha:

"Mbaruam normalisht ndërtimin e Qendrës Ndërkombëtare të Sportit të Lundrimit me Vela. Pas vënies fillestare në funksionim në gusht të vitit të kaluar, terreni i garave u vlerësua njëzëri nga Komiteti Olimpik Ndërkobmëtar, Federata Ndërkombëtare e Sportit të Lundrimit me Vela si dhe nga sportistë e trajnerë nga vende e rajone të ndryshme të botës. Ata janë të një mendimi se pallatet e stadiumet tona janë të nivelit të parë botëror. Në ndërtimin e kësaj qendre është mishëruar koncepti i 'Olimpiadës së Gjelbër' dhe është mbajtur parasysh plotësisht shfrytëzimi i materialeve të ndërtimit të mbrojtjes së mjedisit dhe i energjive të gjelbra."

Pas përurimit të Qendrës Ndërkombëtare të Sportit të Lundimit me Vela, në gusht të vitit të kaluar, Qingdao zhvilloi me sukses edicionin e parë të "Garës Ndërkombëtare të Sportit të Lundrimit me Vela në Qingdao", që ishte veprimtaria e parë eksperimentale për Lojërat Olimpike 2008, me qëllim që të kontrollonte cilësinë e pallateve e stadiumeve olimpike si dhe aftësinë e organizimit të veprimtarive sportive, prandaj kjo veprimtari tërhoqi vëmendjen e madhe të mediave kineze dhe të huaja. Në këtë garë morën pjesë mbi 400 sportistë nga 50 vende e rajone të botës dhe qindra medie kineze dhe të huaja e raportuan atë. Zj. Zang Aimin shprehu mendimin se me këtë veprimtari u kontrollua në mënyrë të gjithanshme aftësia e organizimit të Komisionit Përgatitor për Sportin e Lundrimit me Vela e Qingdaos.

"Kjo garë u zhvillua shumë mbarë dhe terreni i garave u kontrollua. U vlerësuan nga sportistët pjesëmarrës dhe Komisioni Organizativ i Lojërave Olimpike të Pekinit edhe punët tona në garantimin e sigurisë, në shërbimet e vullnetarëve dhe në krijimin e atmosferës në qytet."

Zj. Zang Aimin tha se duke përfituar nga rasti i përgatitjes për Lojërat Olimpike, qyteti Qingdao ka forcuar edhe ndërtimin e infrastrukturës urbane dhe ka përmirësuar mjedisin e banimit dhe të jetesës së banorëve. Njëkohësisht është ngritur në mënyrë të gjithanshme cilësia dhe mirësjellja. Të gjitha këto krijojnë një mjedis të mirë njerëzor për zhvillimin e garave të sportit të lundrimit me vela të Lojërave Olimpike 2008.

Viti 2007 është viti kyç për punët përgatitore të Lojërave Olimpike të Pekinit. Sipas kërkesave të Komisionit Organizativ të Lojërave Olimpike të Pekinit, Komisioni Përgatitor për Sportin e lundrimit Velave të Qingdaos paraqiti objektivin dhe detyra të reja. Zj. Zang Aiming tha: 

"Së pari, do të përmirësojmë më tej ndërtimin e pallateve e stadiumeve, që të plotësohen me të vërtetë kërkesat e garave olimpike dhe që të krijohet lehtësi për sportistët, gazetarët dhe shikuesit."

Në gusht të këtij viti, në Qingdao do të organizohet gara e dytë eksperimentale e lundrimit me vela për Lojërat Olimpike të Pekinit. Zj. Zang tha se mbi bazën e përvojës së vitit të kaluar, do të përmirësohet dhe do të ngreihet më tej niveli i organizimit të garës, që të hidhet një bazë e mirë për zhvillimin normal të garave olimpike. (Wang Lei)