Në vitin 2004, Kina filloi plotësisht strategjinë për rigjallërimin e bazave të vjetra industriale të krahinave verilindore. Gjatë 2 vjetëve të zbatimit të kësaj strategjie, ekonomia e krahinave verilindore ka pasur një zhvillim të shpejtë, sidomos industria e prodhimit të pajisjeve është zhvilluar shumë shpejt.

Krahinat verilindore kanë qenë baza të rëndësishme industriale të Kinës. Industria e prodhimit të pajisjeve e krahinave verilindore ka zënë një vend shumë të rëndësishëm në ekonominë kineze. Qysh nga fundi i viteve 70 të shekullit të kaluar, bazat e vjetra industriale të krahinave verilindore që kanë dhënë kontributin e madh për ndërtimin industrial të Kinës, kanë mbetur pas atyre të zonave bregdetare juglindore. Duke folur për këtë, drejtori i zyrës për rigjallërimin e bazave të vjetra industriale të krahinave verilindore pranë Këshillit të Shtetit të Kinës, z. Zhang Guobao tha: "Në të kaluarën, bazat e vjetra industriale të krahinave verilindore kanë pasur ndikim të madh mbi ekonominë e planifikuar. Pesha e ekonomisë shtetërore ishte shumë e madhe".

Sistemi i vjetër nuk është përshtatur me zhvillimin e kohës. Në vitet 90 të shekullit të kaluar, shumë ndërmarrje të vjetra shtetërore të krahinave verilindore ndodheshin në krizë të paparë. Zhan Xiaomini që u diplomua në vitin 1986, ka qenë një inxhinier i fabrikës së 3-të të tornove "Shenyang". Pasi punoi rreth 10 vjet, ai mori vesh një lajm tronditës që fabrika falimentoi. Ai dhe 10 mijë punonjës të tjerë të kësaj fabrike humbën punën.

"Por tani, kjo fabrikë falimentoi. Në atë kohë u ndjeva shumë keq, sepse kisha punuar rreth 10 vjet në këtë fabrikë".

Për të siguruar jetesën, ai ka punuar me disa miq në punë të përkohshme. Ai bëri një jetë të tillë për një vit e gjysmë. Një ditë, ai mori një telefon nga drejtori i vjetër, që i dha lajmin që ish-fabrika e 3-të e tornove është ribashkuar me dy fabrika të tjera të tornove. Ai u kthye përsëri në vendin e punës. Por, gjendja reale e fabrikës ishte shumë e vështirë, vetëm disa punëtorë mund të merrnin rrogë.

Zhan Xiaomini i tha gazetarit se në atë kohë, ata prisnin çdo ditë politikën e ndihmës dhe përmirësimin e strukturës industriale. Në vitin 2002, qeveria kineze vendosi që të shpejtojë koordinimin dhe transformimin e bazave të vjetra industriale të krahinave verilindore. Në vitin 2004, Kina ka krijuar zyrën për rigjallërimin e bazave të vjetra industriale të krahinave verilindore pranë Këshillit të Shtetit. Qysh atëherë, është zbatuar me vrull strategjia për rigjallërimin e bazave të vjetra industriale të krahinave verilindore.

Me ndryshimin e sistemit dhe me ngritjen e efektivitetit të ndërmarrjeve, punëtorët e krahinave verilindore shprehën besimin e plotë për strategjinë e hartuar nga qeveria kineze për rigjallërimin e bazave të vjetra industriale të krahinave verilindore. Zoti Zhang Guobao tha: Ndryshimi i parë është se pamja shpirtërore e njerëzve ka ndryshuar shumë. Edhe krijimi i sistemit ka ndryshuar shumë".

Me përpjekjet e vazhdueshme, vitin e kaluar, vëllimi i prodhimit të përgjithshëm të 3 provincave të Kinës verilindore u shtua 12.3%. Investimet e drejtpërdrejta të biznesmenëve të huaj u rritën 89.5%.

Vitet e fundit, industria e prodhimit të pajisjeve ka qenë gjithmonë forca dinamike kryesore për nxitjen e zhvillimit të shpejtë të ekonomisë së krahinave verilindore. Qysh nga zbatimi i strategjisë për rigjallërimin e bazave të vjetra industriale të krahinave verilindore, industria e prodhimit të pajisjeve ka tërhequr vëmendje të paparë dhe ka pasur një zhvillim të shpejtë nëpërmjet krijimit të sistemit dhe politikave të favorshme të qeverisë kineze. Pak kohë më parë, u organizua në Shenyang ekspozita ndërkombëtare e produkteve të industrisë së prodhimit të pajisjeve të Kinës, ku u ekspozuan produktet më të reja të industrisë së prodhimit të pajisjeve të krahinave verilindore. Drejtori i zyrës për rigjallërimin e bazave të vjetra industriale të krahinave verilindore pranë Këshillit të Shtetit të Kinës, z. Zhang Guobao e vlerësoi lart këtë ekspozitë.

Kryetari i bashkisë së qytetit Shenyang, z. Song Qi tha se qëllimi i organizimit të kësaj ekspozite është nxitja e zhvillimit të vazhdueshëm dhe të shpejtë të industrisë së prodhimit të pajisjeve të krahinave verilindore.

Siç mësohet, në të ardhmen, qeveria kineze do të krijojë një mjedis më të mirë zhvillimi për industrinë e prodhimit të pajisjeve të krahinave verilindore dhe do të ndërmarrë më shumë politika të favorshme. Në sfondin e kohës për rigjallërimin e bazave të vjetra industriale të krahinave verilindore, në të ardhmen, ndërmarrjet e industrisë së prodhimit të pajisjeve të krahinave verilindore do të kenë një hapësirë më të gjerë zhvillimi. (Sihai)