Muzika "Sëxhu" është përhapur kryesisht në pjesën jugore të provincës Gjiansu dhe në provincën Xhekiang të Kinës lindore dhe dallohet për karakteristika të theksuara në zonën e Shangait. Ajo është një formë orkestrale me vegla muzikore popullore me tela dhe frymore prej bambuje, duke përfshirë Ërhu, Pipa, fryell, Shëng, Siao etj., si dhe disa vegla të tjera si daulle etj. Interpretimi orkestral me këto vegla krijon melodi shumë të rrjedhshme e të bukur, duke pasqyruar karakterin punëdashës e të thjeshtë të banorëve në jug të lumit Jance. Mund të themi se kjo muzikë "Sëxhu" përfaqëson kulturën e zonave në jug të lumit Jance të Kinës. Tani ju ftojmë të shijoni së pari melodinë tipike të kësaj muzike: "Siao Nishang", ky është një titull melodor, ku përshkruhet pamja e hënës.

Muzika "Sëxhu" ka shumë melodi, por gjatë përhapjes dhe zhvillimit të saj mbeten 8 melodi të famshme që interpretohen shpesh nga artistët dhe mirëpriten nga dëgjuesit. Në muzikën "Sëxhu" pasqyrohen shpesh ndjenja të gëzueshme me melodi të bukura e harmonike, duke u krijuar njerëzve një përshtypje për panorama të bukura në vatrën e tyre me arë e liqene në jug të lumit Jance. Më poshtë do të dëgjoni melodinë orkestrale: "Festime".

Më në fund ju ftojmë të dëgjoni melodinë: "Këngë të gëzueshme", që është përsëri një nga 8 meloditë e famshme të muzikës "Sëxhu", shpresojmë që edhe në jetën e çdo dëgjuesi tonë të ketë plotë hare.

Të dashur lexues, dëgjuat disa melodi të muzikës "Sëxhu" të Kinës. Mirudëgjofshim herën tjetër. ( Daming )