Korrespondenti i Radios së Jashtme të Kinës njoftoi se më 9 shkurt, u hap në Galerinë e Arteve të Kinës në Pekin ekspozita e artit 300-vjeçar të SHBA-së. Kjo ekspozitë e përmasave të mëdha është e para në Kinë që shfaq plotësisht procesin e zhvillimit të artit të SHBA-së.

Në këtë ekspozitë janë vendosur më se 130 vepra artistike të afro 120 artistëve të famshëm amerikanë nga fillimi i shekullit të 18-të deri në fillim të shekullit të 21-të.

Ekspozita do të përfundojë më 5 prill, pastaj do të zhvendoset në Shangai.

U zhvillua në Indi ceremonia e përurimit të sallës përkujtimore të murgut kinez Xuan Zang

Agjencia kineze e lajmeve Hsinhua njoftoi se më 12 shkurt, u zhvillua në Narlanda të Indisë verilindore ceremonia e përurimit të sallës përkujtimore të murgut kinez Xuan Zang e ndërtuar në bashkëpunimin nga qeveria kineze e qeveria indiane.

Xuan Zang ishte murg budist, udhëtar dhe përkthyes i famshëm i dinastisë Tang të Kinës në shekullin e 7-të. Ai kapërceu vështirësi të panumërta dhe shkoi në Indi për të studiuar teorinë budiste duke nxitur shkëmbimet kulturore midis Kinës dhe Indisë. Veprat budiste të përkthyera nga ai kanë dhënë kontribut të madh për zhvillimin e kulturës kineze

Kina do të ndërtojë tregun më të madh të produkteve vizatimore në rajonin e Azi-Paqësorit

Agjencia kineze e lajmeve Zhongxin njoftoi se më 12 shkurt, zv-ministri i Tregtisë i Kinës Wei Jianguo u shpreh në Pekin se Kina do të ndërtojë tregun më të madh të produkteve vizatimore në rajonin e Azi-Paqësorit.

Wei Jianguo tha se zhvillimi i sektorit të vizatimeve është një nga pikat e rëndësishme në zhvillimin e tregtisë së shërbimit të Kinës. Përsosja e sektorit të vizatimeve ka rëndësi të madhe për nxitjen e tregtisë së jashtme të shërbimit.

Vitet e fundit, sektori i vizatimeve i Kinës është zhvilluar shpejt. Shumë qytete e konsiderojnë sektorin e vizatimeve si pikën e re të rritjes ekonomike.

Sipërmarrësi amerikan i dhuroi Muzeut të Makaos një relikt të dinastisë Ming

Korrespondenti i Radios së Jashtme të Kinës njoftoi se ditët e fundit, sipërmarrësi amerikan Stive Vynn i dhuroi Muzeut të Makaos një vazo të lashtë të dinastisë Ming të Kinës.

Kjo vazo u prodhua në dinastinë Ming të Kinës para mbi 600 vjetëve. Në vitin 2006, Stive Vynn e bleu atë me 78 milionë dollarë hongkongas në një ankand. (Fani)