18 shkurti është tashmë zyrtarisht festa e pranverës, festë tradicionale e popullit kinez. Sipas kalendarit tradicional fshatar kinez, kjo ditë do të jetë dita e parë e vitit të ri, prandaj është një ditë feste shumë e rëndësishme në jetën e popullit kinez gjatë-gjithë vitit. Sipas zakonit kinez, në prag të kësaj feste, njerëzit dhe miqtë duhen të përshëndesin njëri-tjetrin në forma të ndryshme për të shprehur urimet e përzemërta për të patur një shëndet të mirë, punë të mbarë dhe jetë të lumtur gjatë vitit të ri. Në prag të kësaj feste, kudo në krahina të ndryshme të mbarë kinës organizohen aktivitete të formave të ndryshme. Në mbrëmjen e ditës së fundit të vitit, sipas kalendarit tradicional fshatar kinez, edhe në kanalet kryesore të CCTV-së do të organizohet një spektakël madhështor me këngë, valle, pjesë teatrale e operistike, estrada dhe akrobaci si dhe shfaqje të tjera artistike të formave të ndryshme që do të tërheqin vëmendjen e teleshikuesve të mbarë Kinës si dhe të emigratëve kinezë jashtë vendit.

Edhe Drejtoria e Radio-Film-Televiyionit të Kinës organizoi në prag të festës së pramverës një koncert me muzikë nga filmat artistikë të Kinës.

Koncerti ka nisur me interpretimi i tenorit të njohur Wei Jindong me këngën e shkëputur nga filmi "Ylli i kuq që më ndricon në rrugën për në luftë" si dhe nga filmi "Yje të kuqe të ndritur"

Pas interpretimit të kësaj kënge, Wei Jindong vazhdoi me "Këngën e varkëtarëve" marrë nga filmi artistik "Këngë në mes të dallgëve".

Pjesa që po dëgjoni është përmbledhja e pjesëve të zgjedhura nga muzikat e filmave artistikë televizivë me shumë seri "Vizita e perendorit Kanxi i veshur si njeriu i thjeshtë", "Familja Qiao", "Në vitet e luftës", "Vajza Jiufeng e një familjeje", "Shigjeta të mprehta", interpretuar nga Orkestra Simfonike Kinematografike e Ansamblit Artistik të Radios.. .....6.....

Orkestra Simfonike Kinematografike e Ansamblit Artistik të Radios u krijua në mars të vitit l949. Ajo është një nga trupat muzikore shtetërore që është krijuar më herët në Kinë.

Gjatë 56 vjetëve pas krijimit të saj, kjo orkestër ka incizuar muzikat e më se 2 mijë filmave artistikë dhe filmave artistrikë televizivë, si dhe ka incizuar edhe një numër të madh disqesh, shiritash dhe CD-sh. Kjo orkestër, aktivizohet gjithmonë në skenat e Kinës dhe ka patur bashkëpunime me dirigjentë, kompozitorë, instrumentistë dhe balerinë të njohur nga SHBA-ja, Gjermania, Franca, Japonia, Filipinet, Rusia, Italia, etje, në koncerte simfonike, në opera dhe balete të njohura botërore. Vitet e fundit, kjo orkestër ka krijuar edhe koncertin me muzikë nga filmat e mirëpritur kinematografikë ku në sfond kanë qenë shfaqje të pjesëve të këtyre filmave si dhe koncerte të tipeve të ndryshme muzikore.

Stilet interpretuese të orkestrës simfonike kinematografike të Radios së Kinës janë të shumëllojëshme dhe të koordinuara në mënyrë të harmonishme. Interpretimet e instrumentistëve janë me mjeshtri të lartë duke u vlerësuar lart dhe duke u mirëpritur shumë nga qarqet artistike muzikore kineze dhe të huaja si dhe nga masat e gjera të spektatorëve.

Kënga që po dëgjoni në këto momente është interpretuar nga këngëtarja Gao Qi me titull "Hymni për heronj" fragment i shkëputur nga filmi artistik "Bijët e bijat heroike".

Në këtë koncert Orkestra Simfonike Kinematografike e Ansamblit Artistik të Radios interpretoi edhe përmmbledhjen e pjesëve më të zgjedhura nga filmat artistikë "Uji i lumit rrjedh drejt lindjes", "Partizanët e fushës", "Lufta në tunele", "Lufta në veri dhe në jug të Kinës", "Vajza polumbare", "5 lule të arta "etj.

Ky është një koncert karakteristik i një forme të re i krijuar nga kjo orkestër. Gjatë interpretimit të muzikës nga kjo orkestër, spektatorët jo vetëm mund të ndjekin muzikën e bukur të interpretuar prej saj, por mund të kënaqen njëkohësisht me fragmente nga filmat përkatëse që shfaqen në të njëjtën kohë në sfondin e skenës, duke parë me nostalgji shfaqje të këtyre filmave të vjetër të mirëpritur shumë dikur por edhe tani nga spektatorët kinezë.

Kënga që po dëgjoni titullohet "Kujtimet për bashkëluftëtarët" pjesë e shkëputur nga filmi artistik "Mysafirët e ardhur nga malli i akullt".

Në mbyllje të këtij emisioni, ju ftojmë të dëgjoni poezinë simfonike nga filmi artistik "Ceremonia solemne e shpalljes së Republikës", ku spektatorët dëgjojnë jo vetëm poezinë simfonike, por ndjekin edhe pamje madhështore të nxjerra gjatë ceremonisë së shpalljes së RP të Kinës më l tetor të vitit l949. ( Zhai)