dëgjoni

Para pak kohësh Kina lëshoi me sukses një satelit të ri meteorologjik të quajtur "Feng-Yun numër 2 D", që është një satelit meteorologjik statik. Para kësaj, Kina kishte lëshuar 7 satelitë meteorologjikë, duke u bërë një nga vendet e pakta në botë që zotërojnë njëkohësisht edhe satelite në orbita të caktuara, edhe satelitë meteorologjikë statikë.

Siç thotë drejtori i Qendrës Shtetërore Kineze të sateliteve meteorologjike, zoti Yang Gjyn, sateliti Feng-Yun numër 2 D peshon 1390 kilogramë dhe ka një jetëgjatësi të projektuar 3-vjeçare. Ai është i pajisur me aparatura të përparuara, të cilat mund të mbledhin dhe të transmetojnë të dhënat e vrojtimeve meteorologjike, oqeanologjike dhe hidrologjike, të vrojtojnë edhe rrezet rëntgen dhe rrezatimet e kozmosit. Zoti Yang Gjyn thotë se në krahasim me satelitët e tjerë që ka lëshuar Kina më parë, sateliti Feng-Yung numër 2 D ka karakteristika më të mira dhe siguri më të lartë. Më e rëndësishmja është se, sipas nevojave, ky satelit mund të bashkëpunojë me satelin tjetër meteorologjik statik me emrin "Feng-Yun numër 2 C", duke bërë vrojtime për Kinën dhe për rajonet përreth.

"Lëshimi i këtij sateliti nuk është thjesht shtimi i numrit të sateliteve. Ai dhe sateliti Feng-Yun numër 2 C do të shërbejnë si rezervë për njëri-tjetrin dhe do të bëjnë vrojtime bashkarisht. Dendësia e vrojtimeve tona do të rritet deri në një herë për 15 minuta, dendësi që është 2 herë më shumë se më parë. Kjo gjë do të ndihmojë shumë në rritjen e saktësisë për vrojtimet dhe lajmërimet paraprake meteorologjike."

Me bashkëpunimin e këtyre dy sateliteve do të zgjerohet kuadri i vrojtimeve. Siç mësohet, sateliti Feng-Yun numër 2 C bën lëvizje sinkronike me Tokën në hapësirën mbi ekuatorin e 105 gradëve të gjatësisë lindore, kurse sateliti Feng-Yun numër 2 D është fiksuar në pikën e 86.5 gradëve të gjatësisë lindore. Si rezultat, kuadri i vrojtimeve është shtrirë 18.5 gradë drejt perëndimit. Në këtë mënyrë, do të vrojtohet më mirë gjendja e motit në krahinat perëndimore të Kinës.

Zv-drejtori i Drejtorisë Kineze të Meteorologjiisë, zoti Yu Rucong, thotë se sot të gjitha vendet e botës bëjnë përpjekje për zhvillimin e çështjes meteorologjike, sepse në krasim me mjetet e tjera të vrojtimeve meteorologjike, satelitet kanë epërsi të pashoqe dhe luajnë një rol të pazëvendësueshëm në vrojtimet e sistemit meteorologjik, si të tajfuneve, shtrëngatave, të motit të korrentit të fuqishëm etj.

Në vitin 2006 Kina pësoi sulmet e tajfuneve me emërtimet Çançu, Bilis dhe Saomai. Drejtoria Kineze e Meteorologjisë, duke përdorur satelitet meteorologjike, vrojtoi në të 24 orët gjendjen e tajfuneve që ndikuan mbi Kinë. Zonja Vei Caiying, përgjegjëse në fushën e sistemit të sateliteve meteorologjike Feng-Yun numër 2, thotë se pikërisht në saje të vrojtimeve dhe lajmerimeve të sakta dhe në kohë që bëhen me satelite meteorologjike, janë kufizuar humbjet që tajfunet i sjellin vendit tonë në njerëz dhe në materiale.

"Ne mund ta vrojtojmë me radar tajfunin që është gati të zbarkojë në kontinent, por kur ai ende është në oqeanin e largët, mund ta vrojtojmë vetëm me satelitet meteorologjike. Tajfuni Çanu 17-ballësh, që ndodhi në vitn 2006, ishte tajfuni më i fuqishëm gjatë dhjetëra vjetëve. Ne e vrojtuam me satelitet meteorologjike dhe dhamë lajmërim paraprak, duke ndihmuar administratat lokale për transferimin e disa milionë banorëve, përndryshe kushedi se sa humbje do të pësonim."

Sektorët meteorologjikë të Kinës vrojtojnë dhe lajmërojnë edhe për fatkeqësi zjarri dhe furtunash me rërë. Një shembull tiçik është lajmërimi për fatkeqësinë e zjarrit që ndodhi në pyjet e Mongolisë së Brendshme dhe të provincës Hejlongjang.

Zv-drejtori i Drejtorisë Kineze të Meteorologjisë, zoti Yu Rucong thotë se me lëshimin e suksesshëm të satelitit meteorologjik Feng-Yun numër 2 D, jo vetëm u rrit më tej aftësia e vendit tonë për vrojtimin dhe lajmërimin paraprak të fatkeqësive natyrore, por edhe iu dha vendit tonë mundësi t'u ofrojë vendeve të tjera hërbime meteorologjike të cilësisë edhe më të lartë.

"Satelitët meteorologjikë kinezë janë pjesëtare të rëndësishme të sistemit vrojtues të Organizatës Botërore të Meteorologjisë. Shpresojmë se do të shkëmbejmë dhe do të zotërojmë bashkarisht me vende të tjera të dhëna nga satelitet, në mënyrë që të ngrihet më tej niveli i çështjes meteorologjike në tërësi."

Australia, Japonia, Singapori, Malajzia, Filipinet, Koreja e Jugut dhe vende të tjera marrin dhe shfrytëzojnë në shkallë të caktuar të dhënat nga satelitët kinezë të serisë Feng-Yun.

Siç bëri të ditur zonja Veicaizing, që merret gjithmonë me eksperimentimin dhe prodhimin e sateliteve meteorologjike, Kina po bën eksperimentime për prodhimin e një lloj sateliti meteorologjik me funksione edhe më të fuqishme dhe planifikon ta lëshojë në vitin 2012. (Zheng)