Ju përshëndes, jam Helio Selmani. Do të ishte shumë e pakët nëqoftëse do të thoja se kam përshtypjet më të mira nga Kina. Kinezët dallohet nga dashuria që kanë për të gjithë të huajt që vijnë në vendin e tyre. Më bën shumë përshtypjet kultura gjenerale që e kanë shumë më ndryshe nga evropa dhe të gjitha këto dallohen nga çdo gjë si nga ushqimi, nga gjuha etje, pasi ata kanë një melodi dhe një të folur që të bën për vete dhe të jep një karakteristikë shumë simpatike. Kam patur gjithnjë ëndërr mënyrën për të parë sesi jetojnë në Kinë.

Ju keni lindur në një familje artistësh, me mamanë artiste që luante në film dhe babain që merrej me muzikë. Ai ka qenë edhe në Kinë. E ke dëgjuar kur tregon ndonjë gjë nga Kina atë personalisht apo vetë prindërit?

Babai ka kaluar gati 40 vjet që kur ka qenë për herë të fundit në Kinë dhe ai flet dhe mban mend si disa nga momentet më të bukura nga ato që ai ka parë dhe jetuar gjatë qëndrimit në Kinë. Vetë Kina kishte shumë ndryshime të mëdha nga Shqipëria e viteve 1967, pa ushqime dhe pa një kulturë të shumllojshme ndryshe nga sa është tani, gjë e cila i ka ngelur edhe tani e paharruar dhe gjithnjë sipas atyre që tregon ai, edhe unë personalisht doja t'i shihja nga afër dhe doja të shihja Kinën e vërtetë.

Të rinjtë që jetojnë në Greqi, shokët dhe miqtë e tu, keni dëgjuar apo keni biseduar ndonjëherë në lidhje me Kinën?

Përsa i përket asaj që ne të rinjtë cfarë diskutojmë, mund të them se dimë që Kina ka ecur shumë dhe dallohet për trurin që ka prerje në biznese dhe kjo duket qartë pasi tashmë një pjesë e madhe e njerëzve kanë nisur të mësojnë gjuhën kineze. Të paktën nga ata të rinj që unë shoh në Greqi, kanë nisur të kenë një interes për të mësuar gjuhën kineze, pasi shohin që Kina në të gjitha repartet po ecën dhe ka një përparim shumë të madh dhe të shpejtë.

Nga televizionet greke a keni parë apo kur keni ndjekur lajmet keni dëgjuar ndonjë gjë për Kinën dhe a keni arritur ta njihni ndopak atë?

Gjithnjë për Kinën dicka dëgjohet. Lajmi i fundit që po më kujtohet është ai që biznesmenë kinezë blenë një pjesë shumë të madhe të portit kryesor në Athinë dhe në Pire dhe që të prej andej të nisin të lëvizin mallrat kineze në vendet e tjera të evropës. Mesa kam parë unë gjithnjë do të ketë në edicionet informative një lajm që bën fjalë për Kinën.

Tani që ju e vizituat stadiumin që po ndërtohet për Lojërat Olimpike të Pekinit, ju duct sikur ishte i ngjashëm me stadiumin e Athinës?

Stadiumi i Lojërave Olimpike që po ndërtohet në Pekin ngjan goxha me atë të Lojërave Olimpike që ndodhet në Athinë dhe kjo për mua është logjike pasi kanë një kontakt me Greqinë për të marrë informacione në lidhje me zhvillimin e këtyre lojërava, pasi edhe Greqia kaloi në atë fazë.

Kina para organizimit të lojërave olimpike ka marrë përvojë më të mirë nga Greqia, por edhe Greqia para lojërave olimpike që organizoi vetë morri përvojë nga lojërat e zhvilluara në Sidnej.

Gjithnjë duhet të shohësh historinë mbrapa se si u organizuar një gjë në mënyrë që të mundesh edhe ti ta bësh si ai ose edhe më mirë. Edhe Greqia kishte shumë blerje, harëxhime, shpenzime etje. Duke parë këtë aspekt, shpresoj që Pekini të arrijë të jetë më praktik dhe të realizojë lojëra shumë të mira dhe spektakolare.

Ju jeni studenti i muzikës dhe dëgjoni muzikë nga vende të ndryshme të botës. A keni dëgjuar ndonjëherë muzikë kineze?

Edhe pse unë jetoj në Greqi dhe merrem me muzikë, të them të drejtën në evropë në përgjithësi nuk dëgjohet shumë muzika kineze. Muzika e lehtë kineze është shumë e lehtë për t'u dëgjuar dhe jo e lodhshme dhe sa më shumë ta dëgjosh të pëlqën edhe më shumë. Muzika kineze ka disa nuanca dhe elementë që futen në këngë. Unë studioj për kursione klasike dhe moderne dhe ndërkohë merrem edhe me kompozim muzike. Mund të them se muzika kineze ka bërë hapa edhe në anën e vetë.

Meqë po mësoni për kompozim dhe do të bëheni kompozitor, a keni dëshirë që ndoshta një ditë të krijoni një muzikë ku të ketë të shkrirë nuance të muzikës, shqiptare, greke, evropiane dhe asaj kineze?

Të gjitha iderat janë të hapura dhe nuk do të mund të thoja jo në një krijim të tillë, por duhet të bëhet një punë e mirë dhe duhet të ketë një organizim shumë mujor që të gjitha këto nuance të kenë një rezultat pasi sa më shumë nuance të vesh aq më e lodhshme bëhet për veshin muzika dhe kënga në përgjithësi. Kjo është një ide shumë e mirë.

Besoj se ju do të arrini sukses të madh në këtë drejtim. Ju merreni me interpretimin e të gjitha veglave muzikore evropiane?

Unë merrem vetëm me veglat që i përkasin perskursionit klasik, si dhe në të njëntën kohë kam të bëj me studimin e veglave muzikore që lidhen me muzikën moderne.

Ju konkretisht me çfarë muzike merreni më tepër, me atë klasike apo moderne?

Që të bëhesh një muzikant që të mund të zgjedhësh me ç'muzikë të merresh dhe që të merresh mirë me atë muzikë, duhet patjetër që të dëgjosh të gjitha llojet e muzikave që ekzistojnë. Megjithatë pothuajse të gjitha këngët që na vijnë bazohen nga muzika klasike e cila është muzikë e plotë me harmoni dhe është një muzikë e cila është krijuar nga njerëz të cilët e kanë menduar mirë dhe që kanë patur një talent magjik. Tani nuk dëgjohen më pjesë të kompozuara nga Bethoven, Moxarti, Cajkovski e shumë të tjerë, pasi është shumë e vështirë të dalin sërisht në dritë ata lloj kompozitorësh, ndërsa muzikë pop, rok, jazz e shumë të tjera, dalin thuajse ditë për ditë. Sido që të jetë puna të gjitha muzikat kanë dicka për të të dhënë.

Tani që keni mbërritur edhe në ambjentet e Radios së Jashtme të Kinës, ju personalisht keni hapur edhe faqen tonë të internetit. Si ndiheni? 

Është vërtet një cudi për mua, pasi nuk mendoja kurrë që mund të ekzistonte në Kinë një redaksi e cila merrej kaq seriozisht me kontaktin e Kinës dhe të Shqipërisë. Më vjen çudi që atje mund të shohësh thuajse çdo lloj aktiviteti që ndodh në Shqipëri, ta ndjekësh ndërmjet faqes në internet me shumë përgatitje. Faqja e internetit ishte shumë e pasur dhe unë gjeta akoma atje edhe mënyrën se si mund të mësoj gjuhën kineze e cila më intereson shumë. Kuptova të shikoja me vëmendje se si duhet të mbaronte imtësisht karakteret kineze.

Është një faqe që mund ta hapësh ditë për ditë, sepse ajo ka një informim që është shumë i gjallë dhe i ditëpërditshëm dhe që punojnë njerëz vazhdimisht dhe ditëpërditë që ajo faqe të jetë e lexueshme dhe të kesh interes për ta lexuar dhe të gjesh interes dhe jo që nuk rinovohem. Pashë të reja që i takonin ditëve të fundit dhe kjo ishte një gjë që e bën faqen që e bën me jetë.

Ju keni lexuar disa informacione në lidhje me faqen e gazetës në gjuhën shqipe të nxjerre nga vetë redaksia jonë. Si e keni ndjerë veten?

Është cudi që ashtu si të gjitha ato që pashe nga vetë punonjësit e redaksisë të cilët kanë aq shumë kontakte dhe merren aq shumë me vetë shqiptarët, jam i sigurt se ato janë ura e Kinës me Shqipërinë dhe jam i gëzuar për këtë që po shoh vetë personalisht.