Të dashur dëgjues, ditët e fundit, me ftesën e prezantuesit të njohur të CCTV-së dhe producentit të rubrikës "Magjia e filmave artistikë", erdhën për vizitë dhe për t'i dhënë intervistë kësaj rubrike znj Eglatina Kume dhe Elida Cangonj që luajtën përkatësisht rolin kryesor në filmin artistik shqiptar "Ngadhnjim mbi vdekjen" dhe "Rrugë të bardha" të mirëpritur shumë në vitet 70 të shekullit të kaluar nga spektatorët kinezë.

Gjatë qëndrimit në Kinë, znj Eglatina Kume ka patur me vete edhe djalin e saj Helio Selmani. Ai është një student shqiptar i cili ka jetuar shumë vjet në Greqi dhe aktualisht studion në vitin e fundit të Konservatorit të Muzikës Greke për kompozim dhe për veglat që i përkasin perkursionit klasik dhe me studimin e veglave muzikore që lidhen me muzikën moderne.

Përveç dhënies së intervistave mbi ngjarjet interesante gjatë xhirimit të këtyre filmave të vjetër shqiptarë, këto dy aktore shqiptare si dhe vetë Helio patën mundësi të vizitojnë Murin e Madh Kinez, Pallatin e Dimrit, tempullin Tientan dhe pika të tjera turistike të Pekinit. Gjithashtu ta zhvilluna edhe një vizitë në Radion e Jashtme të Kinës.

Gjatë vizitës në Radion e Jashtme të Kinës, ata u takuan me anëtarët e redaksisë së gjuhës shqipe dhe dhanë përkatësisht intervista me gazetarët e kësaj redaksie. Të shoqëruar nga anëtarët e redaksisë, ata vizituan edhe ekspozitën e historisë së Radios së Jashtme të Kinës, vitrinat me dhurata të dërguara nga dëgjuesit e vendeve të ndryshme të botës dhe dolën fotografi së bashku me anëtarët e kësaj redaksie.

Dëgjues të dashur, në emisionin e sotëm, ju ftojmë të dëgjoni së pari intervistën gazetares se redaksisë së gjuhës shqipe të Radios së Jashtme të Kinës Huailu me djaloshin student shqiptar nga Greqia Helio Selmani.

Mirëseardhët në studion e Radios së Jashtme të Kinës z. Helio Selmani. Ju lutem fillimisht bëjmë të mundur prezantimin tuaj për të gjithë dëgjuesit. ( Zhai)