Dëgjoni

Korrespondentët e Radios së Jashtme të Kinës njoftuan se më 18 shkurt, do të hapet në Pekin Festivali Folklorik Ndërkombëtar "Chaoyang" i Pekinit për vitin 2007.

Festivali do të zgjasë për një javë. Më se 70 artistë të ardhur nga Anglia, Sllovenia etj. do të japin shfaqje të shkëlqyeshme artistike në rrugë dhe në parqe të Pekinit për të paraqitur artin dhe folklorin e tyre.

Festivali Folklorik Ndërkombëtar "Chaoyang" i Pekinit është zhvilluar 4 herë me sukses dhe është bërë një aktivitet tërheqës kulturor e argëtues në Pekin gjatë Festës së Pranverës.

21 studentë të pjesës kontinentale do të shkojnë në Tajvan për studime

Korrespondentët e Radios së Jashtme të Kinës njoftuan se në fund të këtij muaji, 21 studentë të Universitetit të Shangdongut në lindje të Kinës do të shkojnë në shkolla të larta të Tajvanit për studime. Siç bëhet e ditur, në vitin 2007 afro 100 studentë të pjesës kontinentale do të shkojnë në Tajvan për studime dhe shkëmbime.

Përgjegjësi i Universitetit të Shangdongut u shpreh se këtë herë 21 studentë do të shkojnë në 3 shkolla të larta të Tajvanit për të studiuar për një vit. Njëkohësisht universiteti po zhvillon konsultime me shkolla të tjera të larta tajvaneze për të zhvilluar një bashkëpunim të tillë.

U hap në qytetin Chengdu Java e Filmave të Hong-Kongut

Agjencia kineze e lajmeve Hsinhua njoftoi se më 4 shkurt, filloi të zhvillohet në qytetin Chengdu të provincës Siçuan Java e Filmave të Hong-Kongut. Gjatë javës së filmave do të shfaqen 7 filma hongkongas të xhiruar vitet e fundit.

Drejtori i Agjencisë Ekonomiko-Tregtare të Rajonit të Posaçëm Administrativ të Hong-Kongut në Chengdu Lu Fangzheng shprehu shpresën që ky aktivitet do të nxitë shkëmbimet midis artit kinematografik të pjesës kontinentale dhe të Hong-Kongut duke përhapur filma të shquar hongkongas në pjesën kontinentale.

Po zhvillohet me shpejtësi puna përgatitore për krijimin e Sallës së Kinës të Panairit Botëror "Zaragoza" të Spanjës për vitin 2008

Agjencia kineze e lajmeve Hsinhua njoftoi se siç bëhet e ditur ditët e fundit nga Komiteti i Nxitjes së Tregtisë Ndërkombëtare i Kinës, tani po zhvillohet me shpejtësi puna përgatitore për krijimin e Sallës së Kinës të Panairit Botëror "Zaragoza" të Spanjës për vitin 2008.

Sipas njoftimeve, tema kryesore e Sallës së Kinës të Panairit Botëror "Zaragoza" është "Njeriu dhe uji".

Panairi Botëror "Zaragoza" do të zhvillohet nga qershori deri në shtator të vitit 2008 në qytetin Zaragoza të Spanjës. Në këtë panair do të marrin pjesë 80 vende e organizata ndërkombëtare. (Fani)