dëgjoni

Fuzkultura dhe sportet moderne janë shkëputur prej kohësh nga veprimet e egra dhe të përgjaskshme dhe janë shndërruar në një formë të kulturës që pasqyron gjendjen e zhvillimit të cilësisë trupore dhe mishëron shkallën e qytetërimit të njerëzimit. Kurse në Lojërat Olimpike të lahtësisë, disa gara zhvilloheshin në mënyrë të përgjakshme dhe të neveritshme. Madje disa lojtarë nuk kursenin jetën e vet duke u përpjekur për të fituar nder. Këtë e mishëronin plotësisht ndeshjet e boksit në Lojërat Olimpike të lashtësisë. Sporti i boksit pasqyron plotësisht këtë tipar. Në rubrikën e sotme sportive "Tregime Olimpike", do t'ju flas për sportin e boksit në Lojërat Olimpike të Lashtësisë.

Në Greqinë e Lashtë, boksi ishte një sport shumë i preferuar. Në shumë gojëdhëna mitologjike, boksi përmendej shpesh herë. Boksierët e shkëlqyer adhuroheshin si hyjni. Është e dukshme se boksi zinte pozitën shumë të rëndësishme në shoqërinë e Greqisë së Lashtë. Në vitin 688 para erës sonë, boksi u përfshi ndër sportet e Lojërave të 23-ta Olimpike të Lashtësisë.

Në ndeshjet e boksit modern mund të shohim se boksierët mbajnë doreza, të cilat përdoreshin edhe në Lojërat Olimpike të Lashtësisë. Në fillim, boksierët përdornin doreza prej lëkure të butë për të mbrojtur gishtat dhe për të shtuar forcën e goditjes. Duke filluar nga shekulli i 5-të para erës sonë, këto doreza u zëvendësuan gradualisht nga dorezat me lëkurë të fortë. Në epokën e Romës, domethënë në shekullin e 2-të para erës së re, dorezat e boksit filluan të shndërroheshin më shumë. Mbi ato futeshin rruaza plumbi dhe nga një herë futeshin gozhda hekuri. Me këto doreza, boksierët mund të plagosnin e të gjakosnin kundërshtarët. Ishte e dukshme se në epokën e Romës, sporti i boksit kishte ndryshuar rolin e tij, duke kënaqur sundimtarët e Romës së Lashtë që kishin qejf të shihnin gjakun.

Rregullat e boksit në Greqinë e Lashtë ndryshonin shumë nga ato moderne. Në atë kohë nuk kishte ring të posaçëm boksi dhe ndeshjet e boksit nuk kufizoheshin sipas raundeve e kohës. Ashtu si dhe në mundje, ndeshjet e boksit nuk klasifikoheshin sipas peshave dhe boksierët që do të ndesheshin zgjidheshin me short.

Në Lojërat Olimpike të Lashtësisë, ndeshjet e boksit kërkonin më shumë kohë. Për shkak të moskufizimit me raunde dhe kohë, nëse të dyja palët nuk dëshironin të përfundonin ndeshjen, ajo vazhdonte deri sa një boksier rrëzohej përdhe, duke i rënë të fikët, ose kur ai pranonte humbjen me ngritjen e dorës së djathtë. Më pas, fituesit do të vazhdonin ndeshjet e mëtejshme deri sa të mbetej më në fund vetëm një boksier.

Sporti i boksit në Lojërat Olimpike të Lashtësisë ishte shumë i rrezikshëm dhe i ashpër. Disa boksierë humbën jetën e tyre në këtë sport.

Nga procesi i ndryshimit të boksit mund të shohim se qëllimi i boksit në lojërat e Greqisë së Lashtë ndryshonte nga boksi në Romë. Boksi në Greqi ishte për të edukuar luftëtarët e guximshëm dhe për të adhuruar bukurinë dhe forcën e sportit. Por në epokën e Romës, grushtet e boksierëve u bënë vegla të gëzimit me gjak

Të dashur dëgjues! Në minirubrikën "Tregime Olimpike", ju folëm për sportin e boksit në Lojërat Olimpike të Lashtësisë. Në mikrofon për ju Shyguan.. (Shyguan)