Dëgjoni

U mbyllën më 4 shkurt në qytetin Changchun të Kinës verilindore, Lojërat e 6-ta Aziatike Dimërore. Në 8 disiplinat e patinazhit të shpejtësisë në pistë të shkurtër, dy ekipet e nivelit botëror, ekipi kinez dhe ai koreanojugor fituan përkatësisht 4 medalje të arta. Një vit më parë, në Lojërat Olimpike Dimërore të Torinos, ekipi kinez fitoi vetëm 1 medalje të artë, ndërsa ekipi koreanojugor, 6 medalje të arta. Në krahasim me rezultatin e Torinos, kësaj here, ekipi kinez arriti rezultate të shkëlqyeshme.

Për garat e patinazhit të shpejtësisë në pistë të shkurtër, kryetari i Lidhjes së Patinazhit të Azisë, koreanojugori Zhang Myeng Syek dha vlerësim të lartë. Ai shprehu mendimin se këto gara ishin të nivelit botëror.

"Konkurrimi i ashpër midis ekipit kinez dhe atij koreanojugor i bën kompeticionet e kësaj veprimtarie aziatike gara të nivelit botëror. Në fushën e patinazhit të shpejtësisë të dyja ekipet janë të forta në botë."

Në fakt sporti i patinazhit të shpejtësisë në pistë të shkurtër është shumë i përhapur në Azinë verilindore. Kina dhe Koreja e Jugut kanë përkatësisht një kontingjent lojëtarësh të nivelit të lartë. Në Lojërat Olimpike Dimërore 2002 në Salt-Lejk-Siti, patinatorja kineze Yang Yang fitoi medaljen e parë të artë për Kinën në patinazhin 500 metra për femra në Lojërat Olimpike Dimërore. 4 vjet më vonë, në Torino, e reja Wang Meng u shpall kampione po në këtë disiplinë, duke fituar të vetmen medalje të artë për Kinën në disiplinat në akull në Lojërat Olimpike Dimërore 2006. Mirëpo, me lënien e sportit nga disa veteranë, vitet e fundit niveli i ekipit kinez është ulur. Veçanërisht në disiplinat e distancave të gjata dhe të mesme, ekipi kinez ndodhet në gjendje absolutisht më të dobët në krahasim me ekipin koreanojugor, që ka shumë talente të shquar.

Një vit pas Lojërave Olimpike të Torinos, qyteti Changchun, ekipi kinez i patinazhit të shpejtësisë në pistë të shkurtër, shfaqi prirje e rimëkëmbjeje. Nën udhëheqjen e Wang Meng-ut, ekipi kinez bëri të vetat të gjitha 3 vendet e para në disiplinën e patinazhit 500 metra për femra, që ka qenë një disiplinë ku Kina ka pasur epërsi tradicionale. Në stafetën 3000 metra për femra, patinatoret kineze jo vetëm u shpallën përsëri kampione pas një shkëputjeje të gjatë, por me rritjen e shpejtë të së resë 16-vjeçare, Zhou Yang, u përmirësua edhe situata shumëvjeçare që që ekzistonte në ekipin kinez, ku të rejat nuk mund të zëvendësonin dot veteranet. Duke folur për paraqitjen e përgjithshme të ekipit kinez në këto Lojëra Aziatike Dimërore, Wang Meng tha:

"Në fakt jam e mendimit se, edhe sikur ekipi kinez ose ekipi koreanojugor të fitonin 8 medalje të arta në këto lojëra, përsëri kjo nuk tregon asgjë. U kushtoj rëndësi vetëm Lojërave Olimpike. Disniveli i vërtetë midis nesh dhe koreanojugorëve do të shfaqet vetëm në Lojërat Olimpike 2010 në Vankuver."

Në krahasim me rimëkëmbjen e ekipit të femrave, paraqitja e ekipit kinez të meshkujve në këto Lojëra duket më befasuese. Përballë ekipit koreanojugor të kryesuar nga Ahn Hyun-Su, që fitoi 3 medalje të arta në Lojërat Olimpike të Torinos, të rinjtë kinezë Hu Ze dhe Sui Baoku u shpallën kampionë përkatësisht në 500 metra dhe 1500 metra për meshkuj. Më e çmuar është që fitorja e tyre pasqyron jo vetëm potencialin e tyre individual, por edhe koordinimin e patinatorëve kinezë në luftën ekipore. Sui Baoku tha se përparimet në këto lojëra i kanë dhënë besim ekipit kinez që të përballojë sfidën e ekipit koreanjugor. Ai shprehu shpresën se në Lojërat Olimpike Dimërore 2010, patinatorët meshkuj kinezë do të fitojnë medaljen e parë të artë olimpike për Kinën.

"Disniveli midis nesh dhe ekipit koreanojugor mishërohet kryesisht në aftësi, prapësëprapë kësaj here në disiplinat për meshkuj, ne fituam në dy disiplina. Në Lojërat Olimpike 2010, mendoj se ne ekipi i meshkujve do të fitojmë në të 4 disiplinat."

Pavarësisht nga fitoret, ekipi kinez i patinazhit të shpejtësisë është i ndërgjegjshëm që kësaj here në Changchun epërsia si vend organizator i krijoi shumë lehtësi. Njëkohësisht në disa disiplina ku ekipi kinez ka epërsi tradicionalisht, si 1000 metra për femra dhe 5000 metra për meshkuj etj., patinatorët kinezë u kaluan nga ata koreanojugorë, gjë që tregon mangësitë e ekipit kinez në teknikë dhe në përvojë. Kryetarja e Shoqatës së Patinazhit të Koresë së Jugut zj. Kudon Paok Ki u shpreh:

"Teknika jonë e kalimit në pistën e jashtme është e përparuar në botë, por shumë vende të tjera e kanë studiuar këtë teknikë, prandaj ekipi koreanojugor nuk mund të përballojë veprimtari të mëdha të ardhshme vetëm me këtë teknikë, por po studiojmë edhe teknika të reja. Përveç elementeve teknike, patinatorët koreanojugorë bëjnë çdo ditë stërvitje për 8 orë ose më shumë. stërvitje i vështirë është sekreti i vërtetë i ruajtjes së epërsisë së ekipit koreanojugor në patinazhin e shpejtësisë në pistë të shkurtër. "

Mund të shohim se ekipi koreanojugor ka shumë përvojë të suksesshme, nga e cila meriton të mësojë ekipi kinez. Patinatorët kinezë u shprehën gjithashtu se ekipi i fortë koreanojugor është objektivi për t'u kapërcyer dhe gjatë konkurrimit të pandërprerë me ekipin koreanojugor, ekipi kinez është fuqizuar gjithnjë e më shumë. Në fakt, pikërisht bazuar në këtë konkurrencë miqësore, si dhe në mësimin nga njëri-tjetri, të dyja ekipet ndodhen gjithmonë në radhët e para në botë. (Wang Lei)