Dëgjoni

Para pak kohësh, zonja Margaret Chan nga Rajoni i Posaçëm Administrativ Hong-Kong i Kinës zuri zyrtarisht postin e drejtoreshës së përgjithshme të Organizatës Botërore të Shëndetësisë, duke u bërë e para kineze e ngarkuar me funksionin suprem drejtues të një organi special të OKB-së.

Margaret Chan 59-vjeçare ka qenë për studime në universitete të Kanadasë, Singaporit dhe të Anglisë, duke fituar titullin e doktoratës së mjekësisë, dhe që nga viti 1994 punoi si drejtoresha e Drejtorisë së Shëndetësisë të Hong Kongut. Në vitin 1997, ajo i rezistoi provës së madhe dhe u ndesh për herë të parë në postin e saj si drejtoresha e shëndetësisë.

Në maj të vitit 1997, një fermë e pulave e rajonit Hong Kong raportoi për gripin e shpendëve, duke qenë e para çështje e infektimit të shpendëve shtëpiakë nga gripi. Pas disa muajsh, virusi i gripit të shpendëve u përhap shpejt. Si pasojë, ngordhën një numër i madh shpendësh shtëpiakë. Është një gjë e pabesueshme se ky lloj virusi, që rrezikonte gjithmonë vetëm jetën e shpendëve shtëpiakë, pati variacion të ri dhe filloi t'i ngjitej edhe kafshëve gjitare, madje edhe njeriut. Në gusht të atij viti, një djalë i vogël nga Hong-Kongu vdiq nga gripi i shpendëve, gjë që ishte e para çështje e infektimit të njeriut nga gripi i shpendëve në gjithë globin tokësor.

Përballë kësaj sëmundjeje të re epidemike që erdhi papritmas, Margaret Chan mori masa të prera dhe, me urdhrin e saj, u therën l milion e 600 mijë pula. Specialisti i famshëm i mjekësisë, zoti Zhu Zonghan, që bashkëpunoi me Margaret Chanin për shumë vjet, e admiron shumë karakterin e saj për të zgjidhur prerazi problemet.

"Ajo është një grua me karakter të butë, por në postin e punës së saj, në rastet kur ka nevojë të marrë një vendim, ajo nuk ngurron asnjëherë. Me vendimin e saj, u therën 1 milion e 600 mijë pula brenda 3 ditëve. Ah, u therën të gjitha pulat e Hong Kongut, gjë që tronditi gjithë rajonin."

Ishte hera e parë që virusi i gripit të shpendëve iu ngjit edhe njeriut. Meqenëse qarqet mjekësore të Hong Kongut nuk kishin përvojë në këtë drejtim, ajo propozoi që të thereshin plotësisht pulat në zonat ku ra epidemia, megjthëse disa banorë e kundërshtonin këtë vendim. Si rezultat, u frenua përhapja e epidemisë. Në vitet e mëvonshme, kjo praktikë u bë një nga mjetet e rëndësishme të vendeve të ndryshme të botës për të frenuar gripin e shpendëve.

Në vitin 2003, kur u përhap epidemia e sarsit, Margaret Chan i rezistoi një prove tjetër. Ajo dilte çdo ditë para mediave për t'iu përgjigjur pyetjeve të ngutshme dhe të mprehta. Përballë asaj lufte pa barut, ajo u tregua e çiltër.

"Ne së bashku me ta po ndiqnim këtë rrugë. Le të njihnin vështirësitë tona dhe të kuptonin sfidën që na kishte dalë përpara. Unë jam një njeri që them të vërtetën. U tregoj banorëve gjërat që i kam të qarta, dhe nuk u tregoj atyre gjërat që as unë nuk i kam të qarta."

Talenti i zonjës Margaret Chan u njoh nga Organizata Botërore e Shëndetësisë. Në gusht të vitit 2003 ajo u emërua si inspektore e përgjithshme e mbrojtjes së mjedisit të njerëzimit pranë Organizatës Botërore të Shëndetësisë dhe më vonë u emërua si ndihmës-drejtoresha e përgjithshme e çështjeve të sëmundjeve ngjitëse. Gjatë 3 vjetëve të punës në Organizatën Botërore të Shëndetësisë, ajo dha kontribut të madh në frenimin e epidemisë në shumë vende të botës. Me arritjet e saj të suksesshme dhe me stilin e saj të punës me rendiment të lartë, ajo fitoi famë.

Në maj të vitit 2006, pasi vdiq papritur nga apopleksia drejtori i përgjithshëm i Organizatës Botërore të Shëndetësisë, Lee Jong-Wook, nga Koreja e Jugut, kjo organizatë botërore vendosi që të zgjidhej drejtori i ri. Margaret Chan, që ka përvojë 30-vjeçare në fushën e shëndetësisë, u rekomandua nga qeveria kineze si kandidate. Më në fund, ajo u shqua ndër 13 kadidatët dhe u zgjodh drejtoresha e përgjithshme e Organizatës Botërore të Shëndetësisë, me një mandat deri në qeshor të vitit 2012.

Zonja Margaret Chan tha se ajo do t'i përmbahet parimit të asnjanësisë dhe drejtësisë në punën e saj dhe do t'u shërbejë 193 vendeve anëtare të Organizatës Botërore të Shëndetësisë, duke punuar për shëndetin e popujve të mbarë botës. Në intervistën që dha pasi hipi zyrtarisht në postin e drejtoreshës së përgjithshme, ajo shtjelloi programin e punës së saj. Ajo tha se objektivi kryesor i saj brenda mandatit është përmirësimi i gjendjes së higjienës komunale në Afrikë dhe i shëndetit të grave dhe fëmijëve të mbarë botës.

"Barra më e rëndë është në Afrikë. Po të shohim nën prizmin shkencor, shëndeti i poujve afrikanë, sidomos i grave dhe fëmijëve afrikanë, duhet të jetë kriter i vlerësimit të punës së Organizatës sonë. Përndryshe, do të thotë se unë nuk do të isha kapur fort pas pikës kryesore." (Zheng)